Government Bus Fired In Tuticorin And 144 Prohibition Order Extends
தூத்துக்குடியில் இன்று அரசு பேருந்து எரிப்பு... 144 தடை உத்தரவு மேலும் நீட்டிப்பு..!!
தூத்துக்குடியில் உடன்குடியிலிருந்து நெல்லை நோக்கி சென்றுக்கொண்டிருந்த அரசு பேருந்தை மர்ம நபர்கள் சிலர் மறித்து தீ வைத்த சம்பவம், தொடர்ந்து அப்பகுதியில் பரபரப்பை ஏற்படுத்தியுள்ளது.
Samayam Tamil25 May 2018, 9:44 pm
தூத்துக்குடியில் உடன்குடியிலிருந்து நெல்லை நோக்கி சென்றுக்கொண்டிருந்த அரசு பேருந்தை மர்ம நபர்கள் சிலர் மறித்து தீ வைத்த சம்பவம், தொடர்ந்து அப்பகுதியில் பரபரப்பை ஏற்படுத்தியுள்ளது.
Samayam Tamilதூத்துக்குடியில் மர்ம நபர்களால் அரசு பேருந்து எரிப்பு
ஸ்டெர்லைட் ஆலைக்கு எதிராக தூத்துக்குடியில் மக்கள் நடத்தி வந்த போராட்டம் கடந்த மூன்று நாட்களுக்கு முன்பு கலவரமானது. இதற்கு எதிராக போலீஸார் நடத்திய துப்பாக்கிச்சூட்டில் 13 பேர் உயிரழந்தனர்.
மேலும், போலீஸாரின் நடவடிக்கையில் படுகாயமடைந்த 53 பேர் மருத்துவமனைகளில் அனுமதிக்கப்பட்டு சிகிச்சை பெற்று வருகின்றனர். தொடர்ந்து தூத்துக்குடி மாவட்டத்தில் பதற்றம் நீடித்துள்ளது.
இணையதள சேவை முடக்கம், தொடர் வன்முறை ஆகியவை தொடர்ந்தாலும் கடைகள், பேருந்துகள் மற்றும் ஆட்டோக்கள் இயக்கப்பட்டு வருகின்றன. இதன் காரணமாக அம்மாவட்டத்தில் மெதுவாக இயல்பு நிலை திரும்பி வருகிறது. இந்நிலையில் தூத்துகுடி மாவட்டம் ஸ்ரீவைகுண்டம் பகுதியில் உடன்குடி முதல் நெல்லை நோக்கி சென்றுக்கொண்டிருந்த அரசுப்பேருந்தை வழிமறித்த சில 3 மர்ம நபர்கள், அதற்கு தீ வைத்தனர். இந்த சம்பவத்தில் அரசுப்பேருந்து முழுவதுமாக எரிந்துபோனது.
அதை தொடர்ந்து முன்னெச்சரிக்கை நடவடிக்கையாக தூத்துக்குடி விமான நிலையத்திற்கு வந்த தமிழக வாழ்வுரிமை கட்சித் தலைவர் வேல்முருகனை காவல்துறையினர் கைது செய்தனர்.
தொடர்ந்து இன்று முதல் நிறைவடைய இருந்த 144 தடை உத்தரவு தூத்துக்குடி, ஒட்டப்பிடராம், திருச்செந்தூர், ஸ்ரீவைகுண்டம் பகுதிகளில் மேலும் 2 நாட்களுக்கு நீடிக்கப்பட்டுள்ளது.
மேலும், அண்ணா நகர் உள்ளிட்ட 5 இடங்களில் ஹெலிகேம் மூலம் காவல்துறையினர் ஆய்வு நடத்தினர். அதை தொடர்ந்து எட்டயபுரம், கோவில்பட்டி, விளாதிக்குளம், சாத்தான்குளம் பகுதிகள் காவல்துறையினர் தொடர்ந்து கண்காணித்து வருகின்றனர்.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.