டாக்சிக் நட்பு
இந்த நச்சு நண்பர்கள் நமக்கு பின்னாடி இருந்தே குழி தோண்டும் நபர்களாக இருப்பார்கள். நம் நட்பு வட்டாரத்தில் இருந்து கொண்டே நமக்கு எதிராக செயல்படுபவர்கள் இவர்கள். இவர்களை அவ்வளவு சீக்கிரம் இனம் கண்டு கொள்ள முடியாது. உண்மையான நண்பர்கள் நம்மை சிரிக்க வைப்பார்கள், கஷ்டம் என்று வரும் போது கை கொடுக்கும் நபராக இருப்பார்கள். ஆனால் எல்லா நண்பர்களும் அப்படி இருப்பதில்லை. நீங்கள் நம்பக்கூடிய நபர்களாக அவர்கள் இருக்க வேண்டும். நாம் வேலை பார்க்கும் இடங்களில் இருந்து நம் நெருங்கிய உறவுகள் வரை இருக்கும் இந்த நச்சு நண்பர்களை நாம் எப்படி அடையாளம் காணலாம். அதற்கு நாம் என்ன செய்ய வேண்டும் வாங்க தெரிஞ்சுக்கலாம்.
அதிகப்படியான தேவை இருப்பவர்கள்
நட்பு ஒருவருக்கொருவர் வெளிப்படையாக பேசுவது, அழும் போது கஷ்ட காலங்களில் தோள் கொடுப்பது போன்ற விஷயங்கள் இருக்கும். இவை அனைத்தையும் உங்க நண்பருக்காக நீங்கள் செய்கிறீர்கள் ஆனால் அவர் உங்களுக்காக இதை செய்யவில்லை என்றால் கொஞ்சம் யோசியுங்கள். நீங்கள் அவருக்காக எல்லாவற்றையும் செய்வீர்கள் ஆனால் அவரோ அப்படி இருக்கமாட்டார். உங்கள் பிரச்சினையை உணராமல் இருப்பார்கள். அவர்கள் பேச விரும்புவதையே எப்பொழுதும் விரும்புவார்கள். அவர்கள் பிரச்சினையை பற்றியே உங்களிடம் கூறுவார்கள். உங்க பிரச்சினையை பற்றி கண்டு கொள்ளமாட்டார்கள்.
காலையில் உடலுறவு கொள்வதால் கிடைக்கும் நன்மைகள் என்னென்ன? மருத்துவர்கள் கருத்து இதோ...
மற்ற நண்பர்களுடன் நேரத்தை செலவிடும்போது அதை தடுப்பார்
பள்ளி மற்றும் கல்லூரி முதல் உங்கள் பணியிடம் வரை நீங்கள் சில அற்புதமான மனிதர்களைச் சந்தித்து இருப்பீர்கள். அவர்களில் சிலர் வாழ்நாள் முழுவதும் நண்பர்களாக தொடருகிறார்கள். அவர்களுடன் அதிக நேரத்தை செலவிடுவீர்கள். ஆனால் ஒரு நச்சு நண்பர் உங்களுடன் நேரத்தை செலவிடுவதோடு சுயநலம் கொண்டவராக இருப்பார். பிற நண்பர்களுடன் நேரத்தை செலவிடுவதை தடுக்க ஒரு நாடகத்தை தொடங்குவார்கள். அல்லது உங்களுடன் சண்டையில் ஈடுபட ஆரம்பிப்பார்கள். இதனால் இந்த நச்சு நண்பரால் மற்ற நண்பர்களை பேணுவதில் சிரமம் ஏற்படும்.
உடலுறவில் அதிகபட்ச உச்சம் எது? அறிவியல் சொல்லும் உண்மை என்ன?
கீழே தள்ள தயராக இருப்பார்கள்
ஒரு நச்சு நண்பர் சில நேரங்களில் நுட்பமாக நடந்து கொண்டு உங்களை கீழே தள்ள ரெடியாக இருப்பார். நீங்கள் அணிந்திருக்கும் ஆடையின் நிறம் உங்களுக்குப் பொருந்தாது என்றும், நீங்கள் செய்யும் வேலைக்குத் தேவையான திறமைகள் உங்களிடம் இல்லை என்றும் கூற ஆரம்பிப்பார். உங்களை எதிர்மறையாக நினைக்க வைக்க ஆரம்பிப்பார். அவர் உங்க நம்பிக்கையை தாக்கி நிலைகுலைய வைப்பார்.
எனவே இது போன்ற அறிகுறிகளுடன் உங்களுக்கு நச்சு நண்பர்கள் இருந்தால் அவர்களது நட்பை கைவிட தயங்க வேண்டாம். இதன் மூலம் மற்ற நட்பு வட்டாரத்தை உங்களால் பேண முடியும்.