கீர்த்தி சுரேஷ்
தென்னிந்திய மொழி படங்களில் நடித்து வரும் நடிகைகளுக்கு பாலிவுட் படத்தில் நடிக்க வேண்டும் என்ற ஆசை உள்ளது. நயன்தாரா, அனுஷ்கா உள்ளிட்ட ஒரு சிலர் தான் பாலிவுட் மீது கண் வைக்கவில்லை. இந்நிலையில் கீர்த்தி சுரேஷுக்கு பாலிவுட் படமான மைதானில் நடிக்கும் வாய்ப்பு கிடைத்தது. போனி கபூர் தயாரிக்கும் மைதானில் அஜய் தேவ்கன் தான் ஹீரோ.
ஒல்லிக்குச்சி
பாலிவுட்டில் உள்ள நடிகைகள் எல்லாம் குச்சி, குச்சியாக இருப்பதை பார்த்த கீர்த்தி தான் பூசினாற் போன்று இருப்பதை மைனஸாக நினைத்துவிட்டார் போன்று. மைதானில் நடிக்க ஒப்புக் கொண்ட கையோடு ஒர்க்அவுட், டயட் எல்லாம் இருந்து எடையை வெகுவாக குறைத்து எலும்பும், தோலுமாக ஆனார். அவரை பார்த்தவர்கள் அய்யோ பாவம், சாப்பிட்டு பல நாட்கள் ஆனவர் போன்று இருக்கிறாரே என்று பாவப்பட்டார்கள்.
பாலிவுட்
மைதான் படப்பிடிப்பு துவங்கும் முன்பு ஒல்லிக்குச்சி உடம்புக்காரியாக மாறியதை நினைத்து கீர்த்தி சுரேஷ் மிகவும் மகிழ்ச்சி அடைந்தார், பெருமைப்பட்டார். ஆனால் அவர் பூசினாற் போன்று இருப்பதை பார்த்து தான் படத்தில் நடிக்க வைக்கவே முடிவு செய்திருக்கிறார்கள். இந்நிலையில் குச்சியானதால் ஹீரோவுக்கு மனைவியாக அல்ல மாறாக தங்கை போன்று தெரிந்தார். உடல் எடையை குறைத்ததாலேயே கீர்த்திக்கு மைதான் பட வாய்ப்பு கைவிட்டுப் போனது.
எடை குறைப்பு
முன்னதாக பாலிவுட் சென்றபோது த்ரிஷாவும் எடையை குறைத்தார். ஏற்கனவே ஒல்லியாக இருந்த த்ரிஷா மேலும் ஒல்லியானார். ஆனால் அதற்காக அவருக்கு பட வாய்ப்பு பறிபோகவில்லை. கீர்த்திக்கு அழகே அந்த பூசினாற் போன்ற உடல்வாகு தான். அவர் தனது பலத்தை பார்க்கத் தவறியதால் பட வாய்ப்பு கைவிட்டுப் போய்விட்டது. கீர்த்தி நடிக்க வேண்டிய கதாபாத்திரத்தில் தற்போது ப்ரியாமணி நடிக்கிறார்.