வீடியோ கான்பரன்சிங் மூலம் ஹைடெக் கல்யாணம்

சவுதி அரேபியாவில் உள்ள மணமகனுக்கும் இந்தியாவில் உள்ள மணமகளுக்கும் வீடியோ கான்பரன்சிங் மூலம் திருமணம் நடைபெற்றிருக்கும் சம்பவம் சுவாரஸ்யத்தை ஏற்படுத்தியுள்ளது.

ரஷ்மான் என்பவர் சவுதி அரேபியாவில் வேலை பார்க்கிறார். உத்திரப்பிரதேசத்தின் ஷாம்லி மாவட்டத்தைச் சேர்ந்த அவருக்கு அதே மாநிலத்தைச் சேர்ந்த முகமது அபித் என்பவருடன் நிச்சயதார்த்தம் நடந்துள்ளது. அப்போது மே 5ஆம் தேதி அவர்களது திருமணத்தை நடத்த முடிவுசெய்யப்பட்டுள்ளது.

ஆனால், விசா கிடைக்காத காரணத்தால் மணமகன் ராஷ்மான் திருமண நாளான மே 5ஆம் தேதி இந்தியாவுக்கு வரமுடியாத நிலை ஏற்பட்டுள்ளது. இந்த காரணத்தினால் திருமணத்தைத் தள்ளிப்போட விரும்பாத இரு வீட்டாரும் வீடியோ கான்பரன்சிங் மூலம் திருமணத்தை நடத்துவது என்று முடிவு செய்துள்ளனர். மணமக்களும் இதற்கு ஒப்புதல் தெரிவித்துள்ளனர்.

இதன் அடிப்படையில், திட்டமிட்டபடி மே 5ஆம் தேதி ரஷ்மான் – முகமது அபித் ஜோடியின் திருமணம் வீடியோ கான்பரன்சிங் மூலம் நடைபெற்றது. இந்த ஹைடெக் திருமணத்தில் இரு வீட்டாரும் கலந்துகொண்டனர்.