வாட்ஸ் ஆப்,பேஸ்புக்கினால் தினமும் 1. 5 மணி நேர தூக்கம் குறைகிறதாம்..!

ஸ்மார்ட் போன்களில் வாட்ஸ் ஆப்,பேஸ்புக் போன்ற சமூக வலைத்தளங்களை பயன்படுத்துவதால், தூங்கும் நேரத்தில் 1.5 மணி நேரம் குறைவதாக தெரியவந்துள்ளது.

பெங்களூரில் அமைந்துள்ள தேசிய மன நலம் மற்றும் நரம்பியல் ஆராய்ச்சிக் கல்லூரி, சமீபத்தில் ஆய்வு ஒன்றை மேற்கொண்டது. இந்த ஆய்வின் முடிவில், வாட்ஸ் ஆப் மற்றும் பேஸ்புக் பயன்படுத்துவதனால், மனிதனின் சராசரி தூங்கும் நேரத்தில், 100 நிமிடங்கள் குறைவதாக தெரியவந்துள்ளது.

பேஸ்புக் மற்றும் வாட்ஸ் ஆப் போன்ற சமூக வலைத்தளங்கள் மட்டுமல்லாமல்,இணையதளம் பயன்படுத்துபவர்களுக்கு 90 நிமிடம் தூக்கம் குறைகிறதாம். மேலும் தூங்கச் சென்ற பின்னர், குறைந்தது நான்கு முறையாவது தங்கள் ஸ்மார்ட் போன்களை இந்தியர்கள் பயன்படுத்துகின்றனராம். இதனால் அவர்களின் தூக்கத்தின் தரமும், குறைந்துள்ளதாக தெரியவந்துள்ளது.

இந்த பிரச்சனையிலிருந்து மீள ஒரே வழி, தூங்கச் செல்வதற்கு முன்னர் செல்போனை அணைத்து வைப்பது தான் என ஆராய்ச்சியாளர்கள் தெரிவிக்கின்றனர். மேலும் எப்போதும் தூங்கச் செல்லும் நேரத்தை விட, 30 நிமிடங்கள் முன்னதாகவே படுக்கைக்கு செல்வதும் நல்ல தூக்கத்தை அளிக்க உதவும் என மருத்துவர்கள் கூறுகின்றனர்.

2015-ஆம் ஆண்டு எடுக்கப்பட்ட ஆய்வின்படி, மாரடைப்பு ஏற்பட்டவர்களில் 90 சதவீதத்தினர் , சரியாக தூங்காததால் மாரடைப்பில் சிக்கிக் கொள்வதாக தெரியவந்துள்ளது குறிப்பிடத்தக்கது.
Apps, social media pushing back sleep time over 1.5 hours