மாணவர்கள் படிப்பில் கவனம் அதிகரிக்கவும், மதிப்பெண் அதிகம் பெற வாஸ்து கூறும் சிறந்த யோசனை!

குழந்தையை பெற்றதும், அந்த சின்னஞ்சிறு குழந்தையை கொஞ்சி விளையாடி மகிழ்வார்கள். அவர்களே சற்று வளர்ந்ததும், வேகமாக பள்ளிக்கு செல்லக்கூடிய வயது வரை வளர்ந்து விடாதா என பெற்றோர்கள் அவர்கள் நினைப்பதுண்டு. பள்ளியில் குழந்தைகளைச் சேர்த்த பின் பெற்றோர்களின் மிக முக்கிய கவலையாக இருப்பது அவர்கள் எப்படி படிக்கின்றார்கள் என்பது தான்.

படிக்கக்கூடிய குழந்தை எங்கிருந்தாலும், படிக்கும் என்பார்கள். அது சரிதான். ஆனால் சில குழந்தைகள் எவ்வளவு முயன்றாலும் அவர்கள் நினைத்தளவு சரியாக படிக்கவோ அல்லது மதிப்பெண்கள் பெற மிகவும் சிரமப்படுவார்கள்.

வாஸ்து குறித்த அடிப்படை கேள்விகள் : எந்த மாதிரி வீடு, மனை வாங்கினால் யோகமும், லாபமும் ஏற்படும்?

அப்படிப்பட்ட மாணவர்கள் தங்கள் பாடங்களில் கவனம் செலுத்த உதவுவதில், அவர்கள் படிக்கக்கூடிய அறையும், இடத்தையும் சரியாக தேர்வு செய்வது அவசியம்.

குழந்தைகள் படிக்கும் அறையில் அவர்கள் அமர்ந்து படிக்க சதுரம் அல்லது செவ்வக வடிவில் மேஜை இருக்க வேண்டும். படிக்கும் அறையில் சத்தம் இல்லாத, அமைதியான இடமாக இருந்தால் குழந்தைகளின் கவனம் சிதறாமல் இருக்கும். அவர்கள் படிப்பை தவிர வேறு எந்த விதத்திலும் அவர்களின் கவனம் சிதறாத இடமாக இருத்தல் சிறப்பு.

வாஸ்து சாஸ்திரப்படி வீட்டில் பீரோ உள்ளிட்ட செல்வத்தை வரவழைக்கும் பொருட்களை எங்கு வைப்பது?

வாஸ்து:
வாஸ்துவின் பண்டைய இந்திய கட்டிடக்கலை அமைப்பின் நிபுணர்களின் கூற்றுப்படி, மாணவர் அதிகபட்ச கவனத்துடன் படிப்பில் ஈடுபட அவர்கள் கிழக்கு அல்லது வடக்கு நோக்கி அமர்ந்து படிக்கும் வகையில் இருக்க வேண்டும். கவனிக்க வேண்டிய மற்றொரு விஷயம், படிக்கும் அறையின் சுவருக்கும், அவர்கள் அமர்ந்து படிக்கும் மேஜைக்கும் இடையே சிறு இடைவெளி விட்டு இருப்பது அவசியம்.

வாஸ்து படி வீட்டிற்கு எத்தனை வாசல் வைப்பது நல்லது?

புத்தகங்களை வைக்க வேண்டிய திசைகளையும் வாஸ்து குறிப்பிடுகிறது. புத்தகங்கள் வைக்க சிறந்த இடம் வடகிழக்கு பகுதி என்று வல்லுநர்கள் கூறுகின்றனர். மற்றொரு அம்சம் என்னவென்றால், மாணவர்கள் படிக்கக்கூடிய மேஜை அறையில் நடுவில் வைக்காமல் தவிர்க்கவும்.