மிருகசீரிடம் நட்சத்திரம் வாழ்வில் மேன்மை அடைய செய்ய வேண்டியவை!

ஒவ்வொரு ராசியும் அதில் உள்ள நட்சத்திரமும் தனிச் சிறப்பு வாய்ந்தவை. அந்த வகையில் மிருகசீரிடம் நட்சத்திரத்தினர் அவர்கள் கடைப்பிடிக்க வேண்டிய சில விஷயங்களை செய்து வந்தால் வாழ்வில் மிக சிறப்பான இடத்திற்கு முன்னேறலாம்.

1. மிருகசீரிட நட்சத்திரத்தை சேர்ந்தவர்கள் வீட்டில் ஸ்படிக லிங்கத்தை வைத்து வழிபடுவதால் சகல சம்பத்துக்கள் வந்து சேரும்.

2. மிருகசீரிட நட்சத்திரத்தை சேர்ந்தவர்கள் குரு பகவானின் கர்ம பதிவைக் கொண்டவர்கள். அதனால் வெள்ளை யானை பொம்மையை வீட்டில் வைத்துக் கொள்வதால் குருவின் தாக்கத்திலிருந்து தப்பிக்கலாம்.

3. கிருஷ்ணருடன் அல்லது தனியாக மகான் ராகவேந்திரர் வீணை வாசிப்பது போன்று உள்ள படத்தை வீட்டில் வைத்து வணங்கி வருவதால் குருவில் அருள் கிடைக்கும்.

கார்த்திகை நட்சத்திரத்தினர் வாழ்வில் மேன்மை அடையும் எளிய பரிகாரம்

4. சாய்பாபா கோயிலுக்கு செவ்வாய்க் கிழமை தோறும் சென்று வருதல் நலம் தரும். அதோடு சாய்பாபாவின் கதைகளை படிக்க படிக்க வீட்டில் தன வரவு உண்டாகும்.

இந்த பழக்கத்தை வாழ்நாள் முழுவதும் தொடருவதால் மிகச்சிறந்த நன்மை உண்டாகும். அதோடு மகான்கள், சித்தர்களின் ஜீவ சமாதிக்குச் சென்று வழிபட்டு வருவது நன்மையைத் தரும்.

5. தந்தைக்கே உபதேசம் செய்த முருகன் வழிபாடு செய்வது மிகவும் நல்லது.

பிரம்மஹத்தி தோஷம் எதனால் ஏற்படுகிறது?- அதன் பாதிப்புகள் எப்படி இருக்கும், அதற்கான பரிகாரம் என்ன?

6. முடிந்த அளவு தான தர்மம் செய்வது நல்லது. வாயில்லாத ஜீவன்களுக்கு உணவு அளித்தல், பணமில்லாத முதியவருக்கு டீ, காபி, உணவு உள்ளிட்டவை வாஞ்கு தருவதால் குருவின் தோஷம் மாறி யோகமாக மாறும்.

7.சரஸ்வதி தேவி, அனுமன் சிலை, நடராஜர் சிலை அல்லது படம் வைத்து வீட்டில் வழிபட குல தெய்வத்தின் அனுக்கிரகம் உண்டாகும்,

8. கோயில் யானைகளுக்குக் கரும்பு வாங்கி கொடுப்பதால் அஷ்ட லட்சுமிகளின் அருள் கிடைக்கும்.