கிரகமாலிகா யோகம், கேதார யோகம், காமிய யோகம், கார்முக யோகம், கான யோகம் என்றால் என்ன?

ஜோதிடத்தில் பல யோகங்கள் கிரகங்க நிலையைப் பொறுத்து ஏற்படுவதாகக் கூறப்படுகின்றன. இவற்றில் ஒரு யோகம் இருந்தாலே, உங்களுக்கு வெற்றிதான் என்கின்றனர் ஜோதிடர்கள்.

இப்படிப்பட்ட யோகங்கள் ஒருவர் தன் வாழ்க்கையில் மோசமான காலத்தில் கூட சிறப்பாக வாழ்வார். ஜோதிடத்தில் 144 வகையான யோகங்கள் குறிப்பிடப்படுகின்றன. அவற்றி கிரகமாலிகா யோகம், கேதார யோகம், காமிய யோகம், கார்முக யோகம், கான யோகம் என்றால் என்ன என்பதைப் பார்ப்போம்.

குரு சந்திர ஏற்படும் யோகங்கள் - எப்படிப்பட்ட கிரக அமைப்பு நல்ல பலனைத் தரும்?

காமிய யோகம் என்றால் என்ன? - Kamiya Yoga

லக்கினாதி சுபருடன் இணைந்து பலம் பெற்றிருக்க, இரண்டாம் இடத்தில் குரு, 4ம் இடத்தில் சுக்கிரன், 7ம் இடத்தில் சந்திரன், 11ம் இடத்தில் செவ்வாய் ஆகிய கிரகங்கள் அமையப் பெற்றிருப்பதற்கு ‘காமிய யோகம்’ என்று பெயர். இதனால் பொன், பொருள், வீடு, மனை என வசதிகளுடன், நற்பெயர் பெற்று யோகமான வாழ்க்கையை வாழ்வார்கள். அதே போல் தான் விரும்பியவரையே மணம் நல்வாழ்வு வாழ்வார்.

ஜோதிட பாடம் : எந்த கிரகத்துடன் எந்த கிரகம் சேர்ந்தால் நன்மை அல்லது தீமை ஏற்படும்?

கேதார யோகம் என்றால் என்ன? - Kedara Yoga

ஜாதகத்தில் 1, 4, 7, 10 ஆகிய இடங்களை கேந்திர ஸ்தானம் என அழைப்பார்கள். அப்படி இந்த கேந்திர ஸ்தானங்கள் அல்லாத ஏதேனும் நான்கு வீடுகளில் எல்லா கிரகங்களும் பரவலாக அமைந்திருப்பதால் கேதார யோகம் உண்டாகிறது. இதனை சங்க யோகம் என்றும் அழைப்பார்கள். இந்த யோகத்தைப் பெற்றவர்களுக்கு செல்வாக்கு பெருகும்.

கான யோகம் என்றால் என்ன? - Kaana Yoga

ஜாதகத்தில் 9ம் இடத்திற்குரிய பாக்கிய ஸ்தானாபதி மூன்றிலிருந்து அவரை குரு பார்க்கக்கூடிய அமைப்பிற்கு கான யோகம் என்று பெயர். இவர்கள் மிகுந்த அழகாக இருப்பார்கள். இவர்களிடம் ஆடை, ஆபரண சேர்க்கை மிகுந்திருக்கும். 16 வயதுக்கு மேல் இந்த யோகம் மூன்று ஆண்டுகள் தொடர்ந்து நடைபெறும்.

சரஸ்வதி யோகம் யாருக்கு அமையும்; எப்படிப்பட்ட கிரக அமைப்பு இருக்கும்?

கிரகமாலிகா யோகம் என்றால் என்ன? - Graha Malika Yogam

ராகு, கேது ஆகிய இரு கிரகங்களைத் தவிர மற்ற ஏழு கிரகங்கள் ஏழு வீடுகளில் தொடர்ச்சியாக நிற்குமானால், அதற்கு ஜோதிடத்தில் கிரகமாலிகா யோகம் என்று பெயர். இந்த யோகத்தைப் பெற்றவர்கள், தங்களின் வாழ்வில் பேரும், புகழும், வசதிகள் நிரம்பியவராகவும், உயர்ந்த பதவி, அந்தஸ்துடன் வாழ்வார்கள்.

ராகு கால பூஜை எப்படி செய்வது? எந்த கிழமையில் செய்தால் என்ன அற்புத பலன்கள் கிடைக்கும்!

கார்முக யோகம் என்றால் என்ன? - Karmuka Yoga

லக்கினத்தில் ஜீவனாதிபதியும், 10ம் இடத்தில் லக்கினதிபதியும் அமைந்து, லக்கினாதிபதிக்கு 7ம் இடத்தில் குரு நின்றுஇருவரையும்பார்க்கும் அமைப்பைப் பெறுவதற்குக் கார்முக யோகம் என்று பெயர்.

செவ்வாய் தோஷம் என்றால் என்ன? - அதற்கான பரிகாரமும், யாருக்கு தோஷம் இருக்கும்?

இந்த யோக அமைப்பைப் பெற்றவர்கள் கல்வி, கேள்வி, ஞானத்தில் சிறப்பாக இருப்பார்கள். இந்த யோகம் ஒருவரின் 27 வயது முதல் 8 ஆண்டுகள் வரை நடைபெறும். இந்த காலத்தில் வாழ்வில் உச்சியைத் தொடக்கூடிய முன்னேற்றத்தை ஜாதகர் அடைவார்.