ஜாதகத்தில் செவ்வாய் தோஷம் இருக்கின்றதா... ஜோதிடரின் பதில்

வணக்கம் திரு விக்னேஷ் உங்கள் ஜாதகத்தை பார்க்க வாய்ப்பு கொடுத்ததற்கு நன்றி...

உங்களுடைய முதல் கேள்வி இது நல்ல சாதகமான என்பது தான். உங்கள் ஜாதகம் மிகச்சிறந்த ஜாதகம். சனிக்கும், புதனுக்கும் உள்ள பரிவர்த்தனை யோகத்தில் இந்த இரு கிரகங்களுக்கும் ஆட்சி பலம் கிடைத்து விடுகிறது. அதுமட்டுமல்லாமல் பஞ்சமாதிபதி எனப்படும். 5ஆம் இடத்து அதிபதி உச்சம் பெற்ற நிலையில் இருப்பதும் ஒன்பதாம் இடத்து அதிபதியான சூரியன் லக்கினத்தில் இருப்பதும் லக்னாதிபதியான குரு பரிவர்த்தனை ஆட்சி பெறுவதும் திரிகோண அதிபதிகள் வலுப்பெற்ற நிலையை காட்டுகிறது.


எனவே இது மிகச் சிறந்த யோக ஜாதகம் இரண்டாவதாக செவ்வாய் தோஷம் உண்டா என்று கேட்டிருந்தீர்கள். உச்ச வீட்டில் செவ்வாய் இருப்பதால் உங்கள் ஜாதகத்தில் செவ்வாய் தோஷம் கிடையாது. குருவுடன் செவ்வாய் இணைந்திருப்பதால் தோஷம் கிடையாது.

எனவே செவ்வாய் தோஷத்தைப் பற்றிய கவலை வேண்டாம். உங்களுக்கு சந்தோசம் மட்டுமே உள்ளது. அதற்கு பரிகாரம் எதுவும் செய்ய வேண்டியது இல்லை. சனிபகவான் உங்களுக்கு பத்தாம் இடத்து அதிபதியான புதன் சாரம் பெற்று நாலாம் இடத்தில் அமர்ந்து அடுத்த திசை போகிறது.

எனவே சனி திசை எவ்வாறு இருக்கும் என்பது முக்கியமான கேள்வியாக இருந்தது. சனி தனாதிபதி ஆட்சி பெறுவதால் சனி திசையில் தான் உங்களுக்கு அரசுத் துறையில் வேலை கிடைக்கும். தற்போது நடந்து கொண்டிருக்கும் இந்த திசை புத்திகள்படி உங்களுக்கு அரசு வேலைக்கான வாய்ப்பு குறைவாகவே உள்ளது.

எனவே எதிர்வரும் சனி தசையானது உங்களுக்கு யோக தசை ஆகவே இருக்கும் கவலை கொள்ள வேண்டாம். வாழ்க்கையில் மிகச்சிறந்த வெற்றி பெறுவீர்கள்.
கூடல் நகரத்து ஆடவல்லான் எல்லா வளமும் நலமும் அருள்வாராக !
திருச்சிற்றம்பலம் !!