Venus Planet in Leo: ரிஷபம் லக்கினமாகவும் சிம்மத்தில் சுக்ரன் இருந்தால் கிடைக்கும் யோக பலன்கள்

நவகிரகங்களில் சுக்கிர கிரகம் தான் ஒருவரின் தாம்பத்தியத்திற்கு மிக முக்கியமானதாக கருதப்படுகின்றது. சுக்கிரன் அமைந்திருக்கும் இடம் பொருத்து அவர்கள் பல்வேறு பலன்கள் பெறுவது வழக்கம்.

அப்படி ரிஷபம் லக்கினமாகி, சுக்கிரன் 4வது இடத்தில் அதாவது சிம்மத்தில் இருந்தால் எப்படிப்பட்ட பலன்கள் கிடைக்கும் என்பதைப் பார்ப்போம்.

ரிஷப லக்னமாகி சுக்ரன் கொடுக்கும் பலன்கள்

ரிஷபம் லக்னமாக அமைந்து 4-ஆம் இடமான சிம்மத்தில் சுக்கிரன் இருக்கப் பிறந்தவர்கள். பிறருக்காக வாழும் நல்ல மனம் கொண்டவர்களாக இருப்பார்கள். ஆகவே புகழ்பெற்றவராக வாழ்வதற்கான அமைப்பு உண்டு.

கடன் பிரச்சினை தீர எளிய பரிகார முறைகள்!

இவர்கள் வாழும் ஊரில் அல்லது சமூகத்தில் இவரை தெரியாதவர்கள் இருப்பது கடினம். பிடிவாதம் மிக அதிகமாக கொண்டவர்களாக இருப்பார்கள். பணம் சம்பாதிப்பதில் கில்லாடியாக இருப்பார்கள்.

சொத்துக்கள் வீடு வாகனங்கள் போன்றவற்றை நிறைய சம்பாதித்து அதனாலேயே பிரச்சனைகளையும் இழுத்து கொள்பவர்களாக இருப்பார்கள். இவர்கள் சம்பாதித்த சொத்துக்களில் பெரும்பாலும் வில்லங்கங்கள் இருப்பதற்கு வாய்ப்பு உண்டு, என்பதால் அவற்றில் முதலீடு செய்யும் பொழுது ஒன்றுக்குப் பலமுறை ஆராய்ந்து பின்னர் முதலீடு செய்ய வேண்டும்.

விரைவாக திருமணம் ஆக வாஸ்து சாஸ்திரம் கூறும் ஆலோசனைகள்..

நிரந்தரமான எதிரிகள் இவர்களுக்கு இருப்பார்கள் தொடர்ந்து தொல்லை கொடுத்துக் கொண்டிருந்தாலும் எதிரிகளால் வெற்றி பெற இயலாது. உடல் நலனைப் பொறுத்தவரை சிறுசிறு தொல்லைகள் கொடுத்து கொண்டே இருக்கும். இருப்பினும் ஆயுள் பலம் மிக்கவர்களாக இருப்பார்கள்.

தனது தாயுடன் கருத்துவேறுபாடுகள் கூடுதலாக ஏற்படும். தாய் தந்தையுடன் ஒற்றுமை இருக்காது, என்பதால் பெரும்பாலும் இவர்கள் தனிக்குடித்தனம் ஆகவே இருந்து வருவார்கள். மனைவி வகையில் ஆதாயம் உண்டு.