Dosha Remedies: வீட்டின் வாஸ்து தோஷத்தை நீக்குவது எப்படி?

நம்மில் பெரும்பாலானோருக்கு நிம்மதியான வாழ்க்கை, குறைவில்லாத செல்வம் வேண்டும் என்ற எண்ணம் இருக்கும். அதையும் தாண்டி அனைவரின் ஆசையாக சொந்த வீடு வேண்டும் என்ற எண்ணம் இருக்கும்.

அப்படி பலரும் பார்த்து பார்த்து கட்டும் சொந்த வீடு வாஸ்து சாஸ்திரம் பார்த்து கட்டுவது நலம் பயக்கும். அப்படி வீடு கட்டுவதில் வாஸ்து சாஸ்திர தவறு ஏற்பட்டால் அதனால் ஏற்படும் தோஷங்களையும், மற்றபடி வீட்டில் ஏற்படும் பிற தோஷங்களை நிவர்த்தி செய்யும் வழியை இங்கு பார்ப்போம்.

தோஷம் நீங்க:
வீட்டில் ஏதேஉம் தோஷம் உள்ளதாக உணர்ந்தால் அது நீங்க பைரவ வழிபாடு செய்யலாம். வீட்டின் நான்கு மூலையிலும் ஒவ்வொரு விளக்கு ஏற்றி பைரவரை நினைத்து வழிபடலாம். 90 நாட்கள் பைரவரை நினைத்து விளக்கு ஏற்ற வேண்டும்.



90 நாட்கள் என்பது ஒரு கணக்கு தான். உங்களுக்கு தற்போது வீட்டில் பிரச்னை இல்லை ஓரளவு பரவாயில்லை என்று உணரும் வரை விளக்கு போட வேண்டும். விருப்பப்பட்டால் வாழ்நாள் முழுவதும் கூட விளக்கு போடலாம் வீட்டில் சுபிக்‌ஷம் ஏற்படும்.