ஏப்ரல் 13ம் தேதி நள்ளிரவு 2.33 மணிக்கு சூரிய பகவான் மேஷ ராசியை அடைகிறார். ஏப்ரல் 14ம் தேதி நாம் தமிழ் புத்தாண்டாக கோலாகலமாக தமிழகமும் முழுவதும் கொண்டாடுவது வழக்கம்.
வேத ஜோதிடத்தின்படி ஒவ்வொரு ராசியில் சூரியன் சஞ்சரிக்க தொடக்கக்கூடிய நாள் ஒவ்வொரு புதிய தமிழ் மாதம் ஆரம்பிக்கிறது. அப்படி மேஷ ராசியில் சூரியன் சஞ்சரிக்கும் மாதம் சித்திரை மாதமாகும்.
இந்த அற்புத மாதத்தில் எந்தெந்த ராசியினருக்கு பொருளாதாரம் உள்ளிட்ட பல்வேறு விஷயங்களில் அற்புத பலன்களைப் பெறலாம் என்பதை விரிவாக பார்ப்போம்.
மேஷம்: திடீர் அதிர்ஷ்டங்களும், நன்மைகள் கிடைக்கும்
உங்கள் ராசியில் சூரியன் சஞ்சரிக்கக்கூடிய மாதம் சித்திரை ஆகும். இந்த மாதத்தில் உங்களின் பேச்சு மற்றும் செயலில் முன்னேற்றம் ஏற்படும். சில விஷயங்களில் நீங்களே நம்ப இயலாத அளவிற்கு சாதனைகளைச் செய்வீர்கள்.
திருமண வாழ்க்கையில் இன்பமும், நல்ல செய்தியும் கிடைக்கும். குடும்பத்திலும், உங்கள் சுற்றத்தாரிடத்திலும் உறவுகள் மேம்படும். உங்களுக்கு பல வழிகளில் லாபம் தரக்கூடியதாக இருக்கும்.
மேஷ ராசிக்கான தமிழ் புத்தாண்டு 2021 பலன்கள் : பட்டைய கிளப்ப போகும் பிலவ வருடம்
சமூகத்தில் உங்கள் மீதான நற்பெயர் அதிகரித்து மதிப்பு, மரியாதை உண்டாகும். நீங்கள் என்ன வேலை செய்தாலும் அதில் வெற்றி பெறக்கூடிய நிலை இருக்கும். திடீர் அதிர்ஷ்டங்களும், நன்மைகளும் உண்டாகும். தாயின் வழியில் நன்மை ஏற்படும்.
மிதுனம் - முதலீடு லாபம் தரும்
உங்கள் ராசிக்கு இந்த மாதம் நிதி வளர்ச்சி தரக்கூடியதாக இருக்கும். கல்வி, வேலைவாய்ப்பு தொடர்பாக வெளிநாடு செல்ல முயல்பவர்களுக்கு அவர்களின் விருப்பம் நிறைவேறும். உங்களின் வாழ்க்கைத் தரம் உயரும். வழக்குகளிலிருந்து விடுபடுவீர்கள்.
உங்களின் பழைய முதலீடுகள் மூலமாக லாபம் ஏற்படுவதாக இருக்கும். அலுவலகத்தில் பணி புரியும் சக நண்பர்கள், அதிகாரிகள் உங்களுக்கு ஆதரவாக இருப்பார்கள். இதனால் வேலையில் உங்களின் இலக்கை எளிதாக அடைவீர்கள். இது உங்கள் வருமானத்தை அதிகரிக்கும் வாய்ப்புகளையும் அதிகரிக்கும்.
மிதுன ராசிக்கு பிலவ வருடம் தமிழ் புத்தாண்டு பலன்கள் - அதிர்ஷ்டம் இருந்தாலும் கவனம் தேவை!
சிம்மம் : எதிர்காலத்தில் பெரிய லாபத்திற்கான வாய்ப்பு
உங்கள் ராசிக்கு பல வகையில் வளர்ச்சி தரக்கூடியதாக இந்த மாதம் அமையும். உங்களின் நிதி நிலை அதிகரிப்பதோடு, உங்களின் செல்வாக்கு உயரு. உங்கள் எதிர்காலத்தில் பெரிய லாபத்தை தரக்கூடிய விஷயத்தை இப்போது செய்வீர்கள்.
சகோதர, சகோதரிகள் மூலம் நல்ல ஆதரவைப் பெறுவீர்கள். உங்களின் தொழில், உத்தியோகத்தில் நினைத்த இலக்கை அடைவதற்கான செயல்பாடுகள் திருப்திகரமாக இருக்கும். உங்கள் நண்பர்களுடன் மகிழ்ச்சிகரமான நேரத்தை செலவிடுவீர்கள். புதிய நண்பர்கள் கிடைப்பார்கள். இதன் மூலம் அனுகூல பலனைப் பெற்றிடுவீர்கள். லாபம் தரும் மாதமாக இருக்கும்.
பிலவ வருடம் 2021 தமிழ் புத்தாண்டு கிரக நிலைப்படி பொது பலன்கள் எப்படி இருக்கும்?
துலாம் : சொத்து அதிகரிக்கும்
சித்திரை மாதத்தில் துலாம் ராசிக்கு பல்வேறு வகையில் லாபம் தரக்கூடியதாக இருக்கும். பிள்ளைகளின் திருமணம் முடியவில்லையே என கவலையில் இருப்பவர்களின் கவலை தீரும். உங்கள் வாழ்க்கை துணையுடன் மகிழ்ச்சிகரமாக நல்ல நேரத்தை செலவிடுவீர்கள்.
நீங்கள் சொந்த தொழிலை ஆரம்பிக்க திட்டமிட்டிருந்தால் அதற்கான அதிர்ஷ்ட காலமாக இருக்கும். உங்கள் ஜாதகத்தை ஒரு முறை ஜோதிடரிடம் ஆய்வு செய்து தொழில் தொடங்கலாம்.
அதிசார குரு பெயர்ச்சி 2021 ராஜ யோக, கோடீஸ்வர யோகம் பெறும் 4 ராசிகள்: உங்கள் ராசி இதில் இருக்கு!
வேலை தேடுபவர்களுக்கு புதிய வேலை வாய்ப்பு கிடைக்கும். உங்களின் வருமானம் அதிகரிப்பதற்கான சாத்தியம் உண்டு. அரசாங்க வகையில் நீங்க முயற்சிக்கும் வேலைகள் நல்ல முறையில் நடக்கும்.
உங்களின் நிதி நிலை அதிகரிப்பால் மன மகிழ்ச்சி ஏற்படும். தேவையான பொருட்களை வாங்குவீர்கள். ரியல் எஸ்டேட் மூலம் லாபம் கிடைக்கும். உங்களுக்கு சொத்துக்கள் சேர வாய்ப்புள்ளது.
தனுசு: அதிர்ஷ்டத்தைப் பெறுவீர்கள்
சூரியன் மேஷத்தில் சஞ்சரிப்பதால் உங்களுக்கு இந்த மாதத்தில் முழுமையான அதிர்ஷ்டங்கள் கிடைக்கக்கூடிய மாதமாக இருக்கும். மூத்தவர்களுடனான நல் உறவு ஏற்படும். சமூக வட்டத்தில் உங்கள் மதிப்பு அதிகரிக்கும். உங்கள் செயல்பாடு திருப்தி அளிக்கும் வண்ணம் இருக்கும்.
அதிசார குரு பெயர்ச்சி 2021 : அனைத்து ராசிகளுக்கான சுருக்கமான பலன்கள், பரிகாரம்
பயணங்கள் மூலம் அலைச்சல் ஏற்பட்டாலும் லாபம் ஏற்படுவதாக இருக்கும். பல வகையில் நன்மைகளைப் பெறுவீர்கள். உங்களுக்கு முன்னேற்றம் ஏற்படும். திருமண முயற்சியில் ஈடுபட்டிருந்தால் திருமண பாக்கியம் ஏற்படும்.
கும்பம் : நீங்கள் வேலையில் மகிழ்ச்சியாக இருப்பீர்கள்
இந்த சித்திரை மாதத்தில் பல வகையில் உங்களுக்கு சாதகமான பலன் தருவதாக இருக்கும். மாணவர்கள் மிகச்சிறந்த பலனைப் பெறலாம். வெளிநாடு வேலை, கல்விக்கான முயற்சிகள் வெற்றி தருவதாக இருக்கும்.
நீங்கள் இருக்கக்கூடிய துறையில் புதிய வாய்ப்புகள் பெறக்கூடியதாக இருக்கும். உங்கள் வேலையில் மகிழ்ச்சி கிடைக்கும். அதிகாரிகளுடனான உறவு இனிமையானதாக இருக்கும்.
அதிசார குருப் பெயர்ச்சி 2021 : கவனமாக இருக்க வேண்டிய ராசிகள்
உங்கள் குடும்ப வாழ்க்கையில் மகிழ்ச்சிகரமான சூழல் இருக்கும். குழந்தைகளின் வாழ்க்கையில் முன்னேற்றம் தரக்கூடியதாக இருக்கும். ஆரோக்கியம் மேம்படும். இதுவரை இருந்த சிக்கல்கள், பிரச்சினைகளிலிருந்து விடுபட்டு நிவாரணம் பெறுவீர்கள்.