Tamil Puthandu: சித்திரை வருடப் பிறப்பில் தனுசு ராசிக்கு புகழ் கிடைக்கும்!

தமிழ் புத்தாண்டு விகாரி வருடத்தில் தனுசு ராசிக்காரர்களுக்கு எல்லா வகையிலும் புகழ் கிடைக்கும் ஆண்டாக இருக்கும் என்று ஜோதிடர் திண்டுக்கல் சின்னராஜ் கணித்து கூறியுள்ளார்.

மங்களரகமான விகாரி வருடம், வசந்த ருதுவுடன், உத்தராயண புண்ணிய காலம் நிறைந்த ஞாயிற்றுக்கிழமை பிற்பகல் 1 மணி 7 நிமிடத்துக்கு, 14.4.2019 அன்று தமிழ் புத்தாண்டு பிறக்கிறது. அன்றைய தினம் சுக்ல பட்சத்தில், ஆயில்ய நட்சத்திரம் 2ம் பாதம், கடக ராசியில், கடக லக்னத்தில், நவாம்சத்தில் தனுசு லக்னம், மகர ராசியில் விகாரி புத்தாண்டு பிறக்கிறது.

இந்த விகாரி புத்தாண்டு ஒவ்வொரு ராசிக்காரர்களுக்கு என்ன பலன்களை கொடுத்துள்ளது என்பதை ஜோதிடர் திண்டுக்கல் சின்னராஜ் துல்லியமாக கணித்து கூறியிருக்கிறார்.

தனுசு ராசி

கணவன் மனைவி உறவு நன்றாக இருந்து வரும். ஒரு சிலருக்கு இடமாற்றம் ஏற்படலாம். உடல் ஆரோக்கியம் சீராக இருந்து வரும். நண்பர்கள் மற்றும் உறவுகளால் ஆதாயம் உண்டு. சொத்து சேர்க்கை மற்றும் ஆபரண சேர்க்கை கிடைக்கும். குடும்பத்தில் சுப காரியங்கள் நடந்து வரும். வேலைவாய்ப்பு துறையில் இருப்பவர்களுக்கு பட்டங்களும், பதவி உயர்வும், பாராட்டுக்களும் கிடைக்கப் பெறுவார்கள்.

மாணவர்கள் நல்ல மதிப்பெண்களைப் பெறுவர். உயர் கல்வி சிறப்பாக அமையும் கலைத் துறை சார்ந்தவர்களுக்கு வரலாறு கிடைக்கக்கூடிய படைப்புகள் அமையும். தகவல் தொழில்நுட்பத் துறை மற்றும் கம்ப்யூட்டர் துறைகளில் இருப்பவர்களுக்கு விரும்பத்தக்க இடமாற்றமும் உத்தியோக உயர்வும், ஊதிய உயர்வும் சிறப்பாக உண்டு.

ஜோதிடர் திண்டுக்கல் சின்னராஜ்,
மொபைல் எண்: 9842108500