Tamil Puthandu: விருச்சிகம் ராசிக்கு தமிழ் புத்தாண்டு எப்படி இருக்கும்?

தமிழ் புத்தாண்டு விகாரி வருடத்தில் விருச்சிகம் ராசிக்காரர்களுக்கு கடன் பிரச்சனை ஏற்பட வாய்ப்பு உண்டு என்று ஜோதிடர் திண்டுக்கல் சின்னராஜ் கணித்து கூறியுள்ளார்.

மங்களரகமான விகாரி வருடம், வசந்த ருதுவுடன், உத்தராயண புண்ணிய காலம் நிறைந்த ஞாயிற்றுக்கிழமை பிற்பகல் 1 மணி 7 நிமிடத்துக்கு, 14.4.2019 அன்று தமிழ் புத்தாண்டு பிறக்கிறது. அன்றைய தினம் சுக்ல பட்சத்தில், ஆயில்ய நட்சத்திரம் 2ம் பாதம், கடக ராசியில், கடக லக்னத்தில், நவாம்சத்தில் தனுசு லக்னம், மகர ராசியில் விகாரி புத்தாண்டு பிறக்கிறது.

இந்த விகாரி புத்தாண்டு ஒவ்வொரு ராசிக்காரர்களுக்கு என்ன பலன்களை கொடுத்துள்ளது என்பதை ஜோதிடர் திண்டுக்கல் சின்னராஜ் துல்லியமாக கணித்து கூறியிருக்கிறார்.

விருச்சிகம் ராசி

கணவன் மனைவியிடையே சிறுசிறு சச்சரவுகள் ஏற்பட்டாலும் இறுதியில் ஒற்றுமை ஏற்படும். உடல் நலனில் கவனம் தேவை ஒரு சிலருக்கு கடன் பிரச்சனைகள் ஏற்பட வாய்ப்பு உண்டு சொத்துக்களின் பேரில் கடன் பெறுவது அல்லது நகைக்கடன் பெறுவது போன்றவற்றை தவிர்ப்பது நல்லது பதவி உயர்விற்காக மேலும் சில காலம் காத்திருக்க வேண்டி வரலாம். மாணவர்களுக்கு கல்வியில் கவனம் தேவை.

பங்கு வர்த்தகம் போன்றவற்றில் ஈடுபட்டு இருப்பவர்கள் தங்களுடைய முதலீடுகளை குறைத்துக் கொள்வது சாலச் சிறந்தது. தகவல் தொழில்நுட்ப துறையால் இருப்பவர்களுக்கு வேலை மாற்றம் இந்த வருடம் செய்யக்கூடாது. மேலதிகாரிகளின் அமுத்தத்திற்கு ஆளாக வேண்டி வரும். உறவினர்கள் மற்றும் நண்பர்கள் இடையே வாக்குவாதங்களையும் கொடுக்கல் வாங்கல்களையும் தவிர்ப்பது நல்லது. இரும்புத் தொழில், வாகன தொழில், நிதி நிறுவனங்கள் போன்றவற்றில் இருப்பவர்கள் மேலும் கவனத்துடன் இருப்பது சிறப்பானதாகும்.

இந்த ராசிக்காரர்கள் அம்பாளை வழிபடுவது சிறப்பானதாகும். விநாயகப் பெருமான் வழிபாடு நல்ல ஆக்கம் தரும். மொத்தத்தில் ஒரு சில விஷயங்களில் மன அழுத்தத்தை கொடுத்தாலும், இறுதியில் வெற்றியே கிடைக்கும்.

ஜோதிடர் திண்டுக்கல் சின்னராஜ்,
மொபைல் எண்: 9842108500