ஜாதகம் கணித்தல்
ஒவ்வொருவரும் பிறக்கும் நேரத்தை வைத்து ஜோதிடர்கள் ஜாதகம் கணிக்கின்றனர். அதில் லக்னம் மற்றும் ராசி மிக முக்கியமானதாகப் பார்க்கப்படுகின்றது. இவைகளைப் பொறுத்து ஒருவரின் பலா பலன்கள் கூறப்படுகின்றன.
அந்த வகையில் சிலருக்கு அபூர்வமாக ராசியும், லக்கினமும் ஒன்றாக அமைந்து விடும். அப்படி ராசியும் லக்கினமும் ஒன்றாக இருப்பவர்களுக்கு கிடைக்கக் கூடிய சாதக பாதகங்கள் என்ன என்பதை விரிவாக பார்ப்போம்...
மனிதர்களுக்கு எப்படி குணங்கள் அமைந்துள்ளதோ, அதே போல் நவகிரகங்களுக்கும் சில விதமான கொண்டுள்ளனர்.ஆன்மிக அடிப்படையாக மனிதனுக்கு உள்ள குணங்கள் மூன்று வகையாக கூறப்படுகின்றன. சாத்விகம், ராஜஸம், தாமஸம் என உண்டு. அதில் சாத்விகம் தெய்வ குணமாகவும், ராஜஸம் என்பது மனித குணமாகவும், தாமஸம் என்பது அரக்க குணம் என குறிப்பிடப்படுகிறது.
சனி பெயர்ச்சிக்கு லக்கினத்திற்கான பலன்களை அவசியம் ஏன் பார்க்க வேண்டும்?
மனித குணங்கள்
சாத்விக குணம்:
இவர்கள் எந்த சூழ்நிலையிலும் தனக்கே உண்டான நீதி, நேர்மையை தவறாமல் தர்மத்தின் துணை நிற்பர். இது தெய்வ குணமாக பார்க்கப்படுகிறது.
ராஜஸ குணம்
இவர்கள் சூழலுக்கு ஏற்றவாறும், மனிதர்களின் விருப்பமான, தங்களின் மன நிலையை மாற்றிக் கொள்வர்.
தாமஸ குணம்
இந்த தாமஸ குணம் உள்ளவர்கள் சூது, வஞ்சம், கபட நாடகம், பொய், சூழ்ச்சி, பொறாமை உள்ளிட்ட பிறரை வஞ்சிக்கக் கூடிய, பிறருக்கு தீங்கு செய்யக் கூடிய கொடூர குணங்களுடன் இருப்பர். இவர்கள் அரக்கர்கள் எனப்படுவர்.
சாத்விக குணம், ராஜஸ குணம், தாமஸ குணம் ஆகியவற்றிற்கான கிரகங்கள் என்ன என்பதைப் பார்ப்போம்.
2020 ஆம் முதல் சந்திர கிரகணம் எப்போது வருகிறது? எவ்வளவு நேரம் இருக்கும்? - முழு தகவல் இதோ...
குணங்களுக்கான கிரகங்கள்
சாத்விகம்
குரு, புதன், சந்திரன் தெய்விக குணம் கொண்ட கிரகங்கள்.
ராஜஸம்
சூரியன், செவ்வாய்,சுக்கிரன் மனித குணம் கொண்ட கிரகங்கள்.
தாமஸம்
சனி, ராகு, கேது ஆகிய கிரகங்கள் அரக்ககுணம் கொண்ட கிரகங்கள்.
குணங்கள்
ஒரு சிலர் எந்த நட்சத்திரத்தில் பிறக்கின்றாரோ அவர் அந்த நட்சத்திரத்திற்குரிய குணங்கள் அதிமாக கொண்டு இருப்பர். சிலர் ராசியின் குணங்களை அதிமாக கொண்டிருப்பர். சிலரோ அவருக்குரிய லக்கினத்திற்கு உண்டான குணங்களை அதிமாக கொண்டிருப்பர்.
ஆனால் அபூர்வ நிகழ்வாக ராசியும், லக்கினமும் ஒன்றாக அமையப்பெற்றவர்களின் குணங்கள் சற்று வித்தியாசமாக இருக்கும்.
வெளிநாட்டு வரன் யாருக்கு அமையும்? - உங்கள் ஜாதகத்தில் இப்படி இருக்கா?
யாருக்கு அமையும்?
நம் கண்ணில் புலப்படக்கூடியது இரண்டே கிரகங்கள் தான். அது பூமி சுற்றக் கூடிய சூரியன் எனும் லக்கினம், பூமியை சுற்றக் கூடிய சந்திரன் மட்டும் தான். இந்த லக்கினமும், சந்திரனும் ஒரே ராசி கட்டத்தில் இருப்பவர்களுக்கு லக்கினமும், ராசி அதிபதியும் ஒன்று தான்.
இவர்கள் ஒரு ராசியில் அதிபதி, நட்பு, ஆட்சி, உச்சம் பெற்றால், அவர்கள் பொது நல சேவை, சமூக புரட்சி, அரசியல் என அவர்கள் செல்லக் கூடிய குணங்களுடன் இருப்பர். இவர்கள் பொது வாழ்க்கையில் பலரால் பாராட்டப்படுவர். முற்போக்கு சிந்தனையுடன் இருப்பர்.
அதே சமயம் ராசி லக்கினாதிபதி நீச்சம் பெற்றால் அவர்கள் சுய நல வாழ்க்கை வாழ்வார்கள்.
விசேஷ குணங்கள்:
இவர்கள் எதிரியை உடனே மன்னிக்கும் மனப்பாங்கு கொண்டவர்கள். ஆனால் அவர்களுள் இருக்கும் பழி வாங்கும் குணம் மட்டும் குறையாது.
- தான் எடுத்துக் கொண்ட இலக்கிலிருந்து ஒருபோதும் பின் வாங்க மாட்டார். இவர்கள் தகுந்த நேரத்திற்காக பொறுமையாக காத்திருந்து அந்த லட்சியத்தை அடைவார்கள்.
- எந்த பிரச்சினையாக இருந்தாலும் அதற்கு உடனே முற்றுப்புள்ளி வைக்க நினைப்பார்கள்.
- இவர்களிடம் பொறாமை இருக்காது. எதைப் பார்த்தும் சலனம் இன்றி அமைதி காப்பார்கள்.
2020 புத்தாண்டு ராசி பலன்கள் - உங்கள் ராசிக்கு எப்படி இருக்கு தெரிந்துகொள்ளுங்கள்.
விஷேச குணங்கள்
=> நடந்து முடிந்ததை விட்டு விட்டு, எதிர்காலத்திற்காக கணக்கு போட்டு கடினமாக உழைக்கும் பாங்கு கொண்ட வாழ்க்கையை வாழ்வார்கள்.
=> அடுத்தவரின் எண்ணங்களை அறிந்து கொள்வதில் வல்லவர்கள். இவர்கள் தங்களைத் தானே பாராட்டி கொண்டும், பெருமையாக பேசிக் கொள்ளக் கூடியவர்கள். இதனால் எப்போதும் உற்சாகத்துடன் இருப்பார்கள்.
=> இவர்கள் பேச்சில் இனிமை இருந்தாலும், மற்றவர்களை கவரக்கூடியவர்கள் இல்லை. அதனால் பல வாய்ப்புக்களை இழக்க நேரிடும்.
விஷேச குணங்கள்
=> நண்பர்களுக்கும், உறவினர்களுக்கும் இவர்கள் மிகவும் முக்கியத்துவம் கொடுப்பார்கள். இவர்கள் இருக்கும் இடத்தில் கதாநாயகர்களாக இருப்பார்கள்.
=> “தீதும் நன்றும் பிறர் தர வாரா” என்ற பொன்மொழிக்கு ஏற்றவாறு இவர்களின் நல்லது, கெட்டதை இவர்களே தீர்மானிக்கக் கூடியவர்களாக இருப்பார்கள்.
=> இப்படி ராசி, லக்கினம் ஒன்றாக பெற்றவர்கள் சாத்விக குண தன்மையுடன் இருப்பார்கள். இதனால் இவர்கள் பிறருக்கு உதவி செய்து அதனால் பெருமையும், உயர்வும் அடையக் கூடியவர்களாக இருப்பார்கள்.