துலாம் சனி பெயர்ச்சி பலன் 2023 : திருமணம், பதவி உயர்வுக்கு தயாராகுங்கள்... அர்த்தாஷ்டம சனி விலகிடுச்சு
துலாம் ராசி சனி பெயர்ச்சி பலன்: துலாம் ராசிக்கு ஏழரை சனி பாதிப்பு எல்லாம் இல்லாத நிலையில், சனி ராசிக்கு 4ம் இடத்தில் அமர்ந்திருந்ததால் அர்த்தாஷ்டமச் சனி நடந்தது. இதனால் உங்களுக்கு பெரியளவில் நற்பலன்கள் கிடைக்காமலும், உங்கள் செயல்களில் வெற்றி கிடைக்காமல் தடைப்பட்டது.
கர்ம காரகன் என அழைக்கப்படக்கூடிய சனி பகவான் திருக்கணித பஞ்சாங்கத்தின் அடிப்படையில் 2023 ஜனவரி 17ம் தேதி மகர ராசியிலிருந்து, கும்ப ராசிக்கு பெயர்ச்சி ஆக உள்ளார். இவர் 2025 மார்ச் இறுதி வரை கும்ப ராசியில் சஞ்சரிப்பார்.
அர்த்தாஷ்டமச் சனி நீங்குவதால் கிடைக்கும் பலன்கள்:
அர்த்தாஷ்டமச் சனி ஹாப்பியில் துலாம் ராசியினர் உள்ளனர்.
கடந்த இரண்டரை ஆண்டுகளாக உங்களின் தாயின் ஆரோக்கிய பாதிப்பு,பெற்றோருடன் உறவு பாதிப்பு ஏற்பட்டிருக்கும்.
உங்களுக்கு வீடு, வாகனம், சொத்து என யோகங்கள் இருந்தாலும் அது பழுதாகக்கூடிய, மனக் கஷ்டத்தைத் தரக்கூடிய காலமாக இருந்திருக்கும். உங்களின் செயல்களுக்கும், எதிர்பார்ப்புகளுக்கும் நண்பர்கள், உறவினர்களின் ஆதரவு இல்லாமல் போயிருக்கும்.
துலாம் ராசிக்கு 5ம் விட்டிற்கு சனி செல்வதால் புகழ்,பெருமை, பூர்விக சொத்துக்கள் கிடைக்கும். அரசியலில் புதிய பொறுப்புக்கள், பதவிகள் கிடைக்க வாய்ப்புள்ளது. தேர்தலில் வெற்றி கிடைக்கும்.
சனிப் பெயர்ச்சி 2023 : அதிர்ஷ்டமும், பதவி உயர்வும் யாருக்கு கிடைக்கும்?
திருமணம் கைக்கூடும்
சனி பகவான் துலாம் ராசிக்கு 5ம் இடத்தில் சஞ்சரிக்கக்கூடிய காலம் மிகவும் சிறப்பான பலனைத் தரக்கூடியது. சனி பகவான் தனது 3ம் பார்வையால் ராசிக்கு களத்திர ஸ்தானத்தைப் பார்ப்பதால், உங்களின் திருமண முயற்சிகள் சற்று கால தாமதம் ஏற்படும். இருப்பினும் அடுத்து நடக்க உள்ள குரு பெயர்ச்சியால் அமோக பலன்களைப் பெற்றிடலாம் என்பதால் அது குறித்த கவலை வேண்டாம்.
2023 புத்தாண்டு கோடீஸ்வர யோகம் பெறும் ராசிகள் யார் தெரியுமா?
சனியின் 7ம் பார்வை பலன் :
சனி பகவான் தனது 7ம் பார்வையால், உங்கள் ராசிக்கு 11ம் வீடான லாப ஸ்தானத்தைப் பார்க்க உள்ளார். உங்களைப் பொருத்த வரையில் சனி 11ம் வீட்டைப் பார்ப்பதால் வீடு, மனை வாங்கும் யோகம் உண்டு. நீண்ட காலமாக இழுபறியாக இருந்த சொத்து தொடர்பான பிரச்னைகள் தீரும். சொத்து விற்பதில் சிக்கல்கள் தீரும். நீங்கள் தொட்ட விஷயங்கள் எல்லாம் வெற்றி பெறக்கூடிய காலமாக இருக்கும்.
ஏனெனில் துலாம் ராசிக்கு நட்பு கிரகமான சனி ராசிக்கு 11ம் வீட்டைப் பார்ப்பதால் நன்மையே ஏற்படும்.
டிசம்பர் மாத ராசிபலன் 2022: யாருக்கு லாபம், யார் கவனமாக இருக்க வேண்டும் தெரியுமா?
சனி 10ம் பார்வை பலன் ;
சனி பகவான் 10ம் பார்வையாக ராசிக்கு 2ம் வீடான தன ஸ்தானத்தைப் பார்க்கிறார். இதனால் நீங்கள் சிறப்பான பலன்களை அடைந்திட முடியும். அதாவது பெரியளவில் உழைக்காவிட்டாலும் உங்களுக்கு நல்ல வெற்றியும், முன்னேற்றமும் கிடைக்கும்.
பதவியில் நல்ல உயர்வும், சம்பளம் அதிகரிக்க வாய்ப்புள்ளது.
மூல திரிகோண அதிபதி, 5ம் வீட்டு அதிபதி 5ம் வீட்டில் ஆட்சி, அதிகாரத்தோடு அமர்வதால் உங்களுக்கு வெற்றி மேல் வெற்றி கிடைக்கும். ஸ்திரமான பலன் அதாவது கடைசி வரை உங்களின் புகழ் நிலைக்கச் செய்யக்கூடிய வகையில் பலன் அமையும்.
உங்களுக்கு கடன் ஏன் ஏற்படுகிறது? அதன் வகைகள், எளிய பரிகாரம் இதோ
வெளியூர், வெளிநாடு செல்ல வாய்ப்பு
சனி பகவான் நட்சத்திர சார பலன் :
செவ்வாய் நட்சத்திர அதிபதியாக கொண்ட அவிட்ட நட்சத்திரத்தில் சனி பகவான் 2023 ஜனவரி முதல் மார்ச் மாதம் வரையிலும், அக்டோபர், நவம்பர் மாதங்களில் சஞ்சரிப்பார்.
துலாம் ராசிக்கு 2 மற்றும் 7ம் வீட்டு அதிபதியான செவ்வாய் என்பதால், திருமணம் உள்ளிட்ட சுப காரியங்கள் நடக்க வாய்ப்புள்ளது.
ராகு நட்சத்திர அதிபதியாக கொண்ட சதய நட்சத்திரத்தில் சஞ்சாரம் 2023 மார்ச் முதல் அக்டோபர் முதல் பாதி வரையும், நவம்பர் முதல் 2024 ஏப்ரல் வரை சதய நட்சத்திரத்தில் சஞ்சரிப்பார்.
சனிப்பெயர்ச்சி 2023 யாரெல்லாம் ஏழரை சனியால் பாதிக்கப்பட போகிறார்கள் தெரியுமா?
உங்கள் ராசி, ராசி நாதனுக்கு ராகு யோகக்காரர் என்பதால், தொழில், கல்விக்காக இந்த கால கட்டத்தில் வெளியூர், வெளிநாடு செல்வதற்கான வாய்ப்புகள் அமையும். உங்களின் மதிப்பு, மரியாதை அதிகரிக்கும்.
ராகு தரும் அதிர்ஷ்ட பலன் :
2023 ஆம் ஆண்டில் பிற்பகுதியில் மீண்டும் சனி சதய நட்சத்திரத்திற்கு வரும் போது ராகு உங்கள் ராசிக்கு ராகு யோக பலன்களைத் தரக்கூடிய 6ம் இடத்திற்கு வருவார். மேன்மேலும் நன்மைகள் கிடைக்கும்.
2023 பிற்பகுதியில் திருமணம் உள்ளிட்ட சுப காரியங்கள் நடக்க மிக சிறப்பானதாகவும், உங்களுக்கான வாய்ப்புகள், முன்னேற்றங்கள் சிறப்பாக அமையும்.
2023 அக்டோபர் மாதத்தில் நடக்கும் ராகு - கேது பெயர்ச்சிக்கு பின், உங்கள் ராசிக்கு 6ல் ராகு வருவதால் அனைத்து விஷயங்களிலும் நன்மையும், வெற்றியும் கிடைக்கும்.
2024ல் ஜூன் முதல் சனி பகவான் குரு அதிபதியாக கொண்ட பூரட்டாதி நட்சத்திரத்தில் சஞ்சரிக்க உள்ளார். அதுவும் அஷ்டமத்தில் குரு இருப்பதால் உங்களுக்கு தடை, காரிய தாமதம் உண்டாக வாய்ப்புள்ளது. பொருளாதார நிலையில் சிறப்பாக இருக்கும் என்றாலும், ஆரோக்கியம் சார்ந்த விஷயங்களில் கவனம் தேவை.