கடகத்தில் நீசம் அடையும் செவ்வாய் : வெற்றிகளை கொண்டாட உள்ள 5 ராசிகள்

தைரியம், ஆற்றல், வேகத்தை தரக்கூடியவர் செவ்வாய் பகவான். இவர் கடக ராசியில் மே 10ம் தேதி பெயர்ச்சி ஆன செவ்வாய் ஜூன் 30 ம் தேதி வரை அங்கு சஞ்சரிக்க உள்ளார். கடகத்தில் நீசமடையக்கூடிய செவ்வாய், இந்த காலத்தில் எந்தெந்த ராசிகளுக்கு அதிர்ஷ்டமானதாகவும், தொழிலில் வெற்றி தரக்கூடியதாக இருக்கும் என்பதைப் பார்ப்போம்.

மேஷம்
மேஷ ராசி அதிபதியான செவ்வாய் கடகத்தில் சஞ்சாரம் செய்வதால் உங்களின் வேலையில் முன்னேற்றம் ஏற்படும். நிலம்-சொத்து சம்பந்தமான எந்த ஒரு முயற்சியிலும் சிறப்பான வெற்றியைப் பெறலாம். தடைகள் நீங்கும். பெற்றோரின் ஆரோக்கியத்தில் அக்கறை காட்டவும், கோபம் மற்றும் ஆணவத்தைத் தவிர்க்கவும்.

மீன ராசிக்கு மாறும் ராகு : லாட்டரி அடித்தது போல கொண்டாட உள்ள 5 ராசிகள்

கடக ராசி
கடக ராசியில் நீசமடைந்த செவ்வாய், உங்களுக்கு எதிர்பாராத நற்பலன்களைத் தரும். அரசு சார்ந்த வேலைகள், அரசாங்க டெண்டர்கள் பெற சாதக நிலை உண்டு. பண வருவாய்க்கான சாதக வாய்ப்புகள் கிடைக்கும். நீங்கள் இப்போது செய்யும் செயல்கள், முதலீடுகள் எதிர்காலத்தில் சிறந்த பலனைத் தரக்கூடியதாக இருக்கும். உங்கள் உடல்நலனிலும், வாகன பயன்பாட்டிலும் கவனமாக இருங்கள். உங்கள்
துணையை நன்றாக கவனித்துக் கொள்ளுங்கள்.

ஆனி மாத ராசி பலன் 2023 :வெற்றியை மலை போல குவிக்க உள்ள ராசிகள் - மேஷம் முதல் கடக ராசிக்கான மாத பலன்
கன்னி
கன்னி ராசிக்கு லாப ஸ்தானத்தில் செவ்வாய் அமைந்துள்ளார். இவரின் சஞ்சாரம் மாணவர்களுக்கு போட்டித் தேர்வில் நல்ல வெற்றியைத் தரும். உங்கள் வேலையில் கவனம் செலுத்தினால் முன்னேற்ற நிலையை அடையலாம். கடின உழைப்புக்கான முழு பலனைப் பெற்றிடலாம். புதுமண தம்பதிகள் குழந்தை பாக்கியம் பற்றிய இனிமையான தகவல்களைப் பெறலாம்.

துலாம்
துலாம் ராசியினர் தங்களின் தொழில், வேலையில் முன்னேற்றத்தை அடைந்திட முடியும். பணியிடத்தில் உங்களுக்கு பதவி உயர்வு, புதிய பொறுப்புகள் கிடைக்கும். உங்கள் செயல்களுக்கு பாராட்டு கிடைக்கும். தொழில், வியாபாரத்தில் புதிய ஒப்பந்தங்களைப் பெற்றிடலாம். நிலம், சொத்து சார்ந்த பிரச்னைகள் தீரும். புதிய வாகனம் வாங்கும் முயற்சி சாதகமாகும்.

ஆனி மாத ராசி பலன் : சிம்மம், கன்னி, துலாம், விருச்சிக ராசிக்கான மாத பலன் 2023

மீனம்
செவ்வாயின் அமைப்பு மீன ராசியினருக்கு வருமானத்தை அள்ளித்தரும். உங்களின் நிதி நிலைமை சிறப்பாக மேம்பட வழிவகுக்கும். தொழில், வியாபாரம் செய்பவர்களுக்கு நல்ல நேரமாக அமையும். உங்கள் திட்டங்களை ரகசியமாக வைத்து வேலை செய்தால் வெற்றி பெறுவீர்கள். குழந்தை பாக்கியம் கிடைப்பதற்கான வாய்ப்புகள் உண்டு.