சனிப் பெயர்ச்சி 2023 எப்போது?
ஜோதிடத்தில் கர்ம காரகன், ஆயுள் காரகன் என அழைக்கப்படக்கூடிய சனி பகவான் கும்ப ராசிக்கு பெயர்ச்சி ஆகி, 2023 ஜனவரி 17ம் தேதி முதல் 2026 ஏப்ரல் மாதம் வரை சஞ்சரிக்க உள்ளார்.
சனிப் பெயர்ச்சி என்றாலே மக்கள் மத்தியில் சற்று பயமும், தன் ராசிக்கான பலனை அறிந்து கொள்ள வேண்டும் என்ற ஆர்வம் ஏற்பட காரணம் அவர் நம்முடைய கர்ம வினைக்கேற்ற பலன்களைத் தரக்கூடியவர் என்பதால். இந்த பெயர்ச்சியின் காரணமாக தனுசு ராசியினர் ஏழரை சனியிலிருந்து விடுபடுகின்றனர். மீன ராசிக்கு ஏழரை சனி தொடங்குகிறது.
அதே சமயம் கும்ப ராசிக்கு சனி மாறுவதால் சில ராசியினர் சாதகமான நற்பலன்களையும் பெற உள்ளனர். எந்தெந்த ராசியினர் அடுத்த இரண்டரை ஆண்டுகள் சிறப்பான பலன்களைப் பெற உள்ளனர் என்பதைப் பார்ப்போம்.
சனிப்பெயர்ச்சி 2023 யாரெல்லாம் ஏழரை சனியால் பாதிக்கப்பட போகிறார்கள் தெரியுமா?
ரிஷபம் ராசி மீது சனியின் தாக்கம்
ரிஷப ராசிக்கு சனிப்பெயர்ச்சியால் நற்பலன்கள் கிடைக்கும். மகர ராசியில் சஞ்சரித்த சனியால் பெரியளவில் நற்பலன்கள் கிடைக்காமல் இருந்தது.
இந்த பெயர்ச்சியால் உங்களின் பயணங்கள் சிறக்கும். அதன் மூலம் அனுகூல பலன்கள் கிடைக்கும். வெளியூர் தொடர்பான வேலைகள் நல்ல லாபம் சேர்க்கை உண்டாகும். போட்டிகளில் நல்ல வெற்றியைப் பெறுவீர்கள். உங்களின் வருமானம் உயரும். குடும்பத்திற்கு தேவையான விஷயங்களை செய்ய முடியும். நிதி தொடர்பான பிரச்னைகள் நீங்கி மன நிம்மதி அடைவீர்கள்.
மிதுன ராசியின் மீது சனியின் தாக்கம்
மிதுன ராசிக்கு இதுவரை நடந்து வந்த அஷ்டம சனி விலகி, உங்களின் வாழ்க்கை முன்னேற்றப் பாதையை நோக்கி செல்லும். உங்களின் நிதி நிலைமையில் இருந்த பிரச்னைகளிலிருந்து முன்னேற்றமும், நிவாரணமும் அடைவீர்கள்.
சுப காரியங்கள் நடக்கும். அதற்காக செலவுகள் ஏற்பட வாய்ப்புள்ளது. குடும்பத்தில் இருந்த சிக்கல்கள் குறைந்து மன நிம்மதி ஏற்படும். எந்த ஒரு வேலையை எடுத்தாலும் அதில் உங்களின் உழைப்பும், திறமையும் மதிக்கப்பட்டு, உங்களின் செல்வாக்கு அதிகரிக்கும்.
சனிப்பெயர்ச்சி பலன் 2023 எப்போது? - யாருக்கெல்லாம் சனி பாதிப்பைத் தருவார் தெரியுமா?
துலாம் ராசி மீது சனியின் தாக்கம்
அர்த்தாஷ்டம சனி விலகி அற்புத பலன்களைப் பெறக்கூடிய ராசிகளில் துலாம் ராசியும் ஒன்று. உங்களில் செயல்பாடு, குணநலன்கள் சிறப்பாக மாறும். கடந்த இரண்டரை ஆண்டுகாலம் உங்களுக்கு இருந்த போராட்டமான நிலை மாறி மன நிறைவான விஷயங்கள் நடக்கும்.
குடும்ப உறுப்பினர்களிடையே ஒற்றுமை மேம்படும். உங்கள் மீது வெறுப்பாக இருந்தவர்கள், கோபமாக நடந்தவர்கள் தற்போது உங்களை நெருங்கி வருவர்.
சனியின் அசுப பலன்களால் உங்களின் வேலை மற்றும் வியாபாரத்தில் இருந்த தடைகள் விலகி பிரகாசிக்கும். பல வழிகளில் உங்களுக்கு வருமானம் அதிகரிக்க வாய்ப்புள்ளது.
தனுசு ராசி மீது சனியின் தாக்கம்
ஏழரை சனியிலிருந்து விடுபடக்கூடிய தனுசு ராசியினருக்கு இந்த சனிப்பெயர்ச்சியால் பல வகையில் அற்புதமான பலன்களை அடைந்திட முடியும். உங்களின் குடும்பம், வேலை போன்றவற்றில் இருந்த மன அழுத்தம் படிப்படியாக குறைந்து மன நிம்மதி உண்டாகும். வாழ்க்கையில் ஸ்திரத்தன்மை அதிகரிக்கும். உங்கள் செயலில் இருந்த குழப்பமான மன நிலை மாறி சிறப்பாக முடிவெடுப்பீர்கள்.
கடந்த காலங்களில் நீங்கள் செய்த கடின உழைப்புக்கான நற்பலனை இப்போது பெற்றிட முடியும்.
உத்தியோகத்தில் உங்கள் செல்வாக்கு, புதிய பொறுப்புக்கள் மற்றும் பதவி உயர்வை எதிர்பார்க்கலாம். புதிய வேலை வாய்ப்பையும் பெறலாம். உங்கள் குடும்ப வாழ்க்கையும் மகிழ்ச்சியாக இருக்கும். பெற்றோர் மற்றும் மூதாதையர் சொத்துக்களால் மகிழ்ச்சி கிடைக்கும்.