அந்த வகையில் சனி பகவானின் அதிசார பெயர்ச்சியாக மகர ராசியிலிருந்து கும்ப ராசிக்கு ஏப்ரல் 29ம் தேதி பெயர்ச்சி ஆனார். இந்நிலையில் அவர் மீண்டும் வக்ர பெயர்ச்சியாக ஜூலை 12ம் தேதி மகரத்திற்கே திரும்ப உள்ளார்.
சனி கெடுபலனிலிருந்து மீளும் ராசிகள் :
சனி கெடுபலனிலிருந்து மீளும் ராசிகள் :
கும்ப ராசிக்கு அதிசாரமாக சென்றதால், மீன ராசிக்கு விரய சனி ஏற்பட்டது. அதோடு தனுசு ராசி ஏழரை சனியிலிருந்து விடுபட்டு சில நாட்கள் நிம்மதி கிடைத்தது.
மகரத்திற்கு திரும்பும் சனி பகவான் 2023 ஜனவரி 17ம் தேதி அன்று முறையாக கும்ப ராசிக்கு பெயர்ச்சி ஆவார்.
மகரத்திற்கு சனி திரும்புவதால் தனுசு, மிதுனம் மற்றும் துலாம் ராசிகளுக்கு மீண்டும் சனியின் கெடு பலன்கள் ஏற்படும்.
அதே சமயம் மீனம், கடகம், விருச்சிகம் ஆகிய ராசியினருக்கு சனி பகவானின் கெடுபலன் தொல்லை நீங்கி நற்பலன்கள் ஏற்படும்.
ஏழரை சனிக்கான அறிகுறி எப்படி இருக்கும்? எளிய பரிகாரங்களை தெரிந்து கொள்ளுங்கள்
ஏழரை சனி யாருக்கும்?
தனுசு ராசி - பாத சனி (ராசிக்கு 2ம் இடத்தில் சனி சஞ்சரிப்பது)
மகரம் - ஜென்ம சனி (ராசிக்கு 1ம் இடத்தில் சனி சஞ்சரிப்பது)
கும்பம் - விரய சனி (ராசிக்கு 3ம் இடத்தில் சனி சஞ்சரிப்பது)
சனி பகவானின் அமைப்பால் ஏழரை சனி நடக்கும் ராசிகளுக்கும், ராசிக்கு 8ல் அஷ்டம சனியாக வர உள்ள மிதுன ராசிக்கு சற்று மோசமான பலன்களைப் பெற உள்ளனர்.
மிதுனம் - அஷ்டம சனி
எச்சரிக்கையாக இருக்க வேண்டிய ராசிகள் :
மிதுனம்
மிதுன ராசியினர் நிதி நிலை தொடர்பான விஷயங்களில் கவனமாக இருக்க வேண்டியது நல்லது. கல்வி, தொழில், வியாபாரம் என எதுவாக இருந்தாலும் அதில் செய்யக்கூடிய செலவில் கூடுதல் கவனம் தேவை. உங்களின் செலவு அர்த்தமுள்ளதாக இருக்க வேண்டும் என்பதில் கவனம் கொள்ளுங்கள்.
கல்வி,குடும்பம், தொழில், வியாபாரம், பணப் பரிவர்த்தனை என எந்த ஒரு முக்கிய செயல்பாடாக இருந்தாலும் அதில் நிதானத்துடனும், கவனமுடனும் செயல்படுவதும் அவசியம். காலதாமதம் இல்லாமல் எந்த ஒரு செயலையும் செய்து முடிக்க முயலவும். தந்தையின் ஆரோக்கியத்தில் கவனம் வேண்டும்.
தனுசு
தனுசு ராசிக்கு ஏழரை சனியின் இறுதி நிலையான பாத சனி பலன் மீண்டும் தொடங்குகிறது. அடுத்தாண்டு தொடக்கம் வரை பொறுமை காத்துத் தான் ஆக வேண்டு. அதுவரை உங்களுக்கு சில தேவையற்ற இழப்பு, விரயம் ஏற்படாமல் கவனித்துக் கொள்ளவும்.
பணியிடத்தில் மேலதிகாரிகளுடன் அனுசரித்து நடந்து கொள்ளவும். அதன் மூலம் உங்களின் வேலையை பிரச்னை இல்லாமல் நகர்த்தலாம் பணிச்சுமையும், சில தேவையற்ற விரயத்தைச் சந்திக்க வேண்டியது இருக்கும்.
மகரம்
மகர ராசிக்கு ஜென்ம ராசியில் சனி மீண்டும் திரும்புவதோடு ராசிக்கு 3ம் பார்வையாக தைரிய, வீரிய ஸ்தானத்தையும், 7ம் பார்வையால் மனைவி, தொழில் கூட்டாளி ஸ்தானத்தையும், 10ம் பார்வையால் கர்ம, தொழில் ஸ்தானத்தை சனி பார்க்கிறார்.
இதனால் நீங்கள் சிறப்பாக திட்டமிட்டும் உங்கள் திறமை வெளிப்படுத்த முடியாத சூழல் இருக்கும். தொழிலில் மன வருத்தமும் ஏற்படக்கூடும். உத்தியோகத்தில் சக ஊழியர்களின் போதுமான ஒத்துழைப்பு இருக்காது.
குடும்ப உறவில் சில பிரச்னைகள் இருந்து கொண்டே இருக்கும்.
ஸ்ரீ சனீஸ்வரபகவான் 108 போற்றி; சனி பகவான் போற்றி பாடல்
கும்பம்
கும்ப ராசிக்கு 12ம் இடமான அயன, சயன, போக ஸ்தானத்தில் சனி அமர்ந்து விரய சனியாக நிற்பதால், திருமண பாக்கியம், வீடு, மனை வாங்குதல், பழைய வீடு புதுப்பித்தல் போன விஷயங்களில் விரய செலவுகள் ஏற்படும். விரய செலவை சுப செலவாக மாற்றிக் கொள்வது நல்லது.
உங்களின் விலை உயர்ந்த பொருட்கள் திருடு போக அல்லது காணாமல் போக வாய்ப்புள்ளது என்பதால் அதில் கவனம் தேவை. தேவையற்ற பேச்சு, செயல்களில் ஈடுபட வேண்டாம். யாருக்காகவும் ஜாமின் கையெழுத்து இட வேண்டாம். இதன் மூலம் தேவையற்ற பிரச்சினைகளிலிருந்து விடுபடலாம்.