தனுசு ராசியில் செவ்வாய் பெயர்ச்சி :
ஒருவருக்கு வலிமை, ஆற்றல், மன தைரியத்தை தரக்கூடியவர் அங்காரகன் எனப்படும் செவ்வாய் பகவான். ஏற்கனவே தனுசு ராசியில் ஞானத்தை வழங்கும் புதன், செல்வம், சுகத்தை அளிக்கக்கூடிய சுக்கிரன் சஞ்சாரம் செய்கின்றனர்.
ஜனவரி 16ம் தேதி செவ்வாய் பகவான் புதன், சுக்கிரன் சேர்க்கை ஏற்பட்டது. நெருப்பு கிரகமாக கருதப்படும் செவ்வாய் தனுசுவில் சஞ்சரிப்பதால் நாட்டின் சில பகுதிகளில் பனிமூட்டம் காரணமாக விபத்துகள் ஏற்பட வாய்ப்புள்ளது.
எந்த ராசிக்கெல்லாம் சாதகமற்ற பலன் தரக்கூடிய அமைப்பு இருக்கும் என்பதைப் பார்ப்போம்.
ரிஷபம்: ஆரோக்கியத்தில் அக்கறை காட்டுங்கள்
தனுசு ராசியில் இருக்கும் செவ்வாய், ரிஷப ராசிக்கு எட்டாவது வீட்டில் சஞ்சாரம் செய்வதால் உங்களின் நம்பிக்கை குறையலாம். உங்களின் பணிச்சுமை அதிகரிக்கும். வேலையில் சுறுசுறுப்பு குறைய வாய்ப்புள்ளது. எந்த வேலையிலும் காலதாமதம் இல்லாமல் செய்து முடிக்கவும்.
குடும்ப பொறுப்புகள் அதிகரிக்கும். உங்கள் ஆரோக்கியம் சில மோசமான விளைவை ஏற்படுத்த வாய்ப்புள்ளது.
இருப்பினும் இந்த காலகட்டத்தில் திடீர் பண ஆதாயங்களைப் பெறலாம். உங்கள் துணையிடம் வாக்குவாதங்களைத் தவிர்க்கவும்.
கடக ராசி: தடைகள் கைகூடும்
செவ்வாயின் பெயர்ச்சி கடக ராசியிலிருந்து ஆறாம் வீட்டில் சஞ்சாரம் செய்வதால் உங்கள் வேலையை முடிக்க நீங்கள் சில சவால்களை எதிர்கொள்ள வேண்டி இருக்கும். சில மனக்கவலைகள், கவ்னாமின்மை ஏற்படும். இந்த நேரத்தில் பிராணாயாம பயிற்சி செய்வது நன்மையைத் தரும்.
பணியிடத்தில் சாதகமற்ற சூழல் இருக்கும். சக ஊழியர்களுடன் அனுசரித்து நடந்து கொள்ளவும். உங்களின் தலைமைத்துவ திறன் எடுபடாமல் போகலாம்.
குரு பெயர்ச்சி 12 ராசிக்கான ஒரு வரி பலன்கள்
கன்னி: உங்கள் ஆரோக்கியத்தில் கவனம் தேவை
கன்னி ராசிக்கு 4ம் வீட்டில் செவ்வாய் சஞ்சாரம் செய்வதால் உங்கள் குடும்ப வாழ்க்கையில் சில சிக்கல்களைச் சந்திக்க நேரிடும். உடல் நலனின் கூடுதல் கவனம் செலுத்தவும். உங்கள் பொருட்களைக் கவனமாகப் பாதுகாக்கவும். இல்லையேல் சில விலை உயர்ந்த பொருட்களின் இழப்புகள் ஏற்பட வாய்ப்புள்ளது.
உங்களுக்கு நம்பிக்கையானவர்கள், நம்பிக்கையான சக ஊழியர்கள் கூட உங்களுக்கு எதிரான செயலில் ஈடுபடக்கூடும் என்பதால் கவனம் தேவை. காதல் வாழ்க்கையில் சில பிரச்னைகள் சந்திக்க வேண்டி இருக்கும்.
விருச்சிகம்: குடும்பத்துடன் செலவிட நேரம் ஒதுக்குங்கள்
செவ்வாய் அதிபதியாக கொண்ட விருச்சிக ராசிக்கு 2ம் வீட்டில் சஞ்சாரம் செய்வதால், உங்கள் பேச்சு, செயலில் கவனம் தேவை. உங்கள் வார்த்தைகளை மிகவும் கவனமாக பயன்படுத்தவும். இல்லையென்றால் உங்கள் கருத்து உங்களுக்கு எதிராக திரும்பும்.
உங்களின் பணிச்சுமை அதிகரிக்க வாய்ப்புள்ளது. அதனால் குடும்பத்துடன் செலவிட நேரத்தை ஒதுக்குவது அவசியம். தொண்டை தொடர்பான சில உடல் நலப்பிரச்னைகள் சந்திக்க வேண்டி இருக்கும். கவனம் தேவை.
மகரம்: பண பரிவர்த்தனைகளில் கவனமாக இருக்கவும்
உங்கள் ராசிக்கு 12ம் வீட்டில் செவ்வாய் பகவான் சஞ்சாரம் செய்வதால் தொழில் துறையில் சில சவால்களைச் சந்திக்க நேரிடும். பணியிடத்தில் அதிகமான வேலை செய்ய வேண்டியது இருக்கும்.
வியாபாரம், தொழில் செய்பவர்களாக இருந்தால் பணப் பரிவர்த்தனையில் மிகவும் கவனமாக இருக்க வேண்டும்.
சனிபகவன் உங்களுக்கு எப்போதெல்லாம் அதிர்ஷ்ட பலனை அள்ளித்தருவார்?
சிலர் தங்களின் விருப்பங்களை நிறைவேற்ற அதிக பணம் செலவழிக்க வேண்டியதிருக்கும். சிலருக்கு வெளிநாட்டு மூலங்களால் ஆதாயம் கிடைக்கும். ஆரோக்கியத்தில் கவனமாக இருக்கவும்.