தந்தை கிரகமான சூரியன், அவரை எதிரியாக கருதும் சனிபகவானின் ராசியான மகரத்தில் அதுவும் ஆட்சி பெற்றிருக்கும் போது செல்கிறார். இதனால் சில ராசிகளுக்கு சனி நன்மை ஏற்பட்டாலும், பலருக்கு இந்த காலகட்டத்தில் பிரச்னை தரக்கூடியதாக இருக்கும்.
சனி - சூரியன் சேர்க்கை
இந்த சேர்க்கையின் காரணமாக நாட்டின் பொருளாதாரத்தில் குழப்பங்கள் ஏற்படலாம். பொதுமக்கள் நிலைகுலைந்து காணப்படுவார்கள். உடல்நலம், தொழில் தொடர்பான விஷயங்கள் கவலையைத் தரக்கூடியதாக இருக்கும்.
நாட்டின் சில மாநிலங்களில் தேர்தல் நடைபெறுவதால் மக்கள் குழப்ப நிலையில் இருப்பர். அதோடு இந்த தேர்தல் முடிவும் ஆச்சரியத்தை ஏற்படுத்தக்கூடியதாக இருக்கும். சனியின் அஸ்தமனத்தால் எந்தெந்த ராசிகளுக்கு தொல்லைகள் ஏற்படும் என்பதைத் தெரிந்து கொள்வோம்.
ஏழரை சனிக்கான அறிகுறி எப்படி இருக்கும்? எளிய பரிகாரங்களை தெரிந்து கொள்ளுங்கள்
மேஷம்
சனியின் அமைப்பு மேஷ ராசிக்கு தொழில், கர்ம ஸ்தானத்தில் இருப்பதால் தொழில் துறையில் சவால்களை சந்திக்க நேரிடலாம். உத்தியோகஸ்தர்கள் அலுவலகத்தில் நடக்கும் அரசியலிலிருந்து விலகி இருங்கள்.
பொருளாதார நிலை உங்களுக்கு சில சிக்கல்களைத் தரக்கூடியதாக இருக்கும். குடும்பத்தில் கணவன் - மனைவி இடையே கருத்து வேறுபாடுகள் வாய்ப்புள்ளன. தொழில் தொடங்க திட்டமிட்டுள்ளவர்கள் அனுபவமுள்ளவர்களின் ஆலோசனையைப் பெற்று முடிவெடுக்கவும்.
சிவ சாலிசாவை பாராயணம் செய்வதன் மூலம் மகிழ்ச்சியான பலன்களைப் பெறலாம்.
Also Read: சனிப்பெயர்ச்சி அஷ்டமத்து சனி, கண்ட சனி, அர்த்தாஷ்டமச் சனி என்றால் என்ன?
கடகம்
கடக ராசிக்கு இந்த சனி - சூரியன் சேர்க்கை வாழ்க்கையில் சில பிரச்னைகளைத் தரக்கூடியதாக இருக்கும். உங்கள் மனைவியுடன் அன்புடன் நடந்து கொள்ளவும். சந்தேகப்படுவதைத் தவிர்க்கவும். உங்கள் பேச்சில் நிதானம் தேவை. கூட்டுத் தொழில் செய்பவர்கள் கவனமாக செயல்படவும். தேவையற்ற செலவுகள் ஏற்பட வாய்ப்புள்ளது.
சிவாலயத்தில் அர்ச்சனை செய்து வழிபடவும்.
ஸ்ரீ சனீஸ்வரபகவான் 108 போற்றி; சனி பகவான் போற்றி பாடல்
கன்னி
கன்னி ராசிக்கு 5ம் வீட்டில் சனி - சூரியனின் சேர்க்கை காரணமாக கல்வி கற்கும் மாணவர்கள் படிப்பில் சவால்களை எதிர்கொள்ள வேண்டி இருக்கும். கவனக்குறைவு ஏற்படக்கூடும். யோகா - தியானம் செய்வது உங்களுக்கு நன்மை உண்டாகும்.
காதலில் இருப்பவர்களுக்கு விட்டுக் கொடுத்துச் செல்வதும், கவனமாக நடந்து கொள்வதும் அவசியம். ஏமாற்றுவதைத் தவிர்க்கவும். குழந்தைகளின் நலன் தொடர்பான கவலை ஏற்படும்.
Also Read: எந்த ராசியினர் எந்த நோயால் பாதிக்கப்படுவர் தெரியுமா?
மகரம்
மகர ராசிக்கு ஜென்மத்தில் சனி - சூரியனின் சேர்க்கை காரணமாக மனச்சோர்வு ஏற்படும். நீங்கள் முடிவெடுப்பதில் குழப்பமடைவீர்கள். உங்களின் முடிவெடுக்கும் திறன் பலவீனமடையும். சனி அஸ்தமனத்தில் இருப்பதால் பெரிய நிதி நிலை தொடர்பான முடிவுகளை எடுப்பதைத் தவிர்க்கவும்.
பணியிடத்தில் இருக்கும் அரசியலிலிருந்து விலகி இருக்கவும். இல்லையெனில் தேவையற்ற குற்றச்சாட்டுகளைச் சந்திக்க நேரிடும். குடும்ப வாழ்வில் ஏற்படும் பிரச்னைகளை பெற்றோருடன் அமர்ந்து பேசி தீர்வு காணவும்.
கும்பம்
கும்ப ராசிக்கு 12ம் வீடான விரய ஸ்தானத்தில் சனி - சூரியன் இருப்பதால் உங்களுக்கு திடீர் செலவுகள் அதிகரிக்கலாம். சரியான ஆலோசனை, சிந்தனைக்கு பின்னர் பணத்தை முதலீடு செய்ய வேண்டும்.
வெளிநாடு நிறுவனங்களில் பணிபுரிபவர்கள் கவனமாக வேலைப் பார்க்கவும். மேலதிகாரிகளின் அழுத்தம் அதிகரிக்கும்.
மாணவர்கள் கெட்ட சகவாசத்திலிருந்து விலகி இருக்கவும். குடும்ப வாழ்க்கையில் பெற்றோருடன் கனிவாகவும், வார்த்தையை சரியாக பயன்படுத்தவும்.
அனுமன் சாலிசாவை படித்த வர உங்கள் துன்பங்கள் குறையும்.
ஆயிரம் ஆண்டுகள் கடந்த பழமையான இந்திய கோயில்களை தரிசனம் செய்து அருள் பெறுவோம்