Karthigai Nakshatra Andu Palan: கார்த்திகை நட்சத்திரம் 2020 ஆண்டு பலன்

கார்த்திகை நட்சத்திரம் 2020 வருட பலன்கள்

ஒவ்வொரு ராசிக்கு ஆண்டு பலன்கள் பார்ப்பதை விட அதற்கான நட்சத்திர அடிப்படையில் ஜோதிட பலன்கள் பார்க்கும் போது ஓரளவு துல்லியமான பலன்கள் பெற முடியும். அதன் அடிப்படையில் மேஷம் மற்றும் ரிஷப ராசியில் வரும் கார்த்திகை நட்சத்திரம் 1,2,3,4 ஆகிய பாதங்களுக்கான நட்சத்திர பலன் எப்படி இருக்கும் என்பதை பார்ப்போம்.
கார்த்திகை நட்சத்திர 1ஆம் பாதம் பலன்கள்:
கார்த்திகை நட்சத்திரத்தின் 1ஆம் பாதம் மேஷ ராசியில் வருகின்றது. எதிலும் தலைமைப் பண்பு வகிக்க வேண்டும் என எண்ணுகிறவர்கள் கார்த்திகை நட்சத்திரக்காரர்களாக இருப்பார்கள். சூரியன் உங்கள் ராசிக்கு 9ஆம் இடத்தில் இருப்பதால் கார்த்திகை 1ஆம் பாதத்திற்கு நல்ல பலன்கள் கிடைக்கும். தலைமை ஏற்கும் இடம், எந்த ஒரு தேர்வு எழுதினாலும் அதில் வெற்றி அடையக்கூடிய நல்ல பாக்கியம் உண்டு.

ஆண்டு தொடக்கத்தில் பாக்கிய ஸ்தானத்தில் சூரியன், குரு, புதன், கேது,சனி என ஐந்து கிரகங்கள் சேர்ந்து இருப்பதால் யோகமான நிலை உண்டு. இளைஞர்களுக்கு வேலை வாய்ப்பு கிடைக்கும், அடுத்து திருமணம் உள்ளிட்ட சுப காரியங்கள், அடுத்து குழந்தை பாக்கியம் என பாக்கியங்களுக்கு அளவில்லாமல் செல்லும்.

பரிகாரம்:
கார்த்திகை நட்சத்திரத்தினர் முருகனை வணங்கி வருவது நல்லது. முடிந்தால் ஆண்டு தொடக்கத்தில் சுவாமி மலை முருகனை தரிசனம் செய்து வருவது மிக நல்ல பலன்களை தரும்

கார்த்திகை 2,3,4 பாதம்:
கார்த்திகை 2,3,4 பாதங்களும் சூரியனுக்குரிய பாதங்கள். ஆனால் இவர்களுக்கு அஷ்டமத்து ஸ்தானத்தில் உள்ளார். அஸ்டமத்தில் கிரகங்கள் இருந்தால் சில சோதனைகள் ஏற்படும். ஆண்டு தொடக்கத்தில் அஸ்டமத்தில் சூரியன், சனி, குரு, புதன், கேது என ஐந்து கிரகங்கள் உள்ளனர். இதனால் சிறிதளவு சிக்கல் வரும், இருப்பினும் ஜனவரியில் ஒவ்வொரு கிரகமாக கலைந்து செல்லும். இதனால் உங்களுக்கு நல்ல சாதகமான பலன்கள் ஏற்படக் கூடிய காலம் தோன்றினாலும். உங்கள் ராசி அதிபதி சுக்கிரன் சோதனையும், சோதனை வெல்லக்கூடிய பலமும், நம்பிக்கையும் கொடுப்பார்.

காதல், திருமணம்:
காதல், திருமணத்தில் சிறிது சிக்கல் வரலாம். பல முயற்சி செய்து தான் நன்மை கிடைக்கும். திருமணத்திற்கு பரிகாரங்கள் செய்வது அவசியம். அஸ்டமத்தில் 5 கிரகங்கள் இருப்பதால், காளி தேவி தான் உங்களுக்கு நல்ல பலனை தர முடியும். காளி கோயிலுக்குச் சென்று வழிபடுவது மிகவும் நல்லது. முடிந்தால் மதுரையில் உள்ள மடப்புரம் காளி அம்மன் கோயிலுக்கு அல்லது கேரளாவில் பகவதி அம்மன் கோயிலுக்குச் சென்று வர நற்பலன் கிடைக்கும்.

தினமும் காளி அல்லது பகவது அம்மன் மந்திரத்தை பாராயணம் செய்வது நல்லது.

காளிகா தேவி காயத்ரி மந்திரம் (கேட்ட வரம் கிடைக்க)
ஓம் காளிகாயை ச வித்மஹே
ஸ்மசான வாசின்யை தீமஹி
தன்னோ கோரா ப்ரசோதயாத்

சூரியன், சனி புதன் உங்கள் அஸ்டம ஸ்தானத்திலிருந்து நீங்கினாலும், கேது ஆகஸ்டில் தான் பெயர்ச்சி ஆவார். அதன் பின்னர் மிக நல்ல பலன்கள் ஏற்படும். வாக்கிய பஞ்சாங்கத்தின் படி சனி பகவான் டிசம்பரில் பெயர்ச்சி ஆகிறார். அதன் படி டிசம்பர் மாத முடிவில் உங்களுக்கு நல்ல சுபிட்சம் ஏற்படும்.