Name Compatibility: பெயர் பொருத்தம் பார்த்து திருமணம் செய்யலாமா?... பாதிப்பு ஏற்படுமா?

பெயர் பொருத்தம் வைத்து திருமணம் செய்வது என்பது மிகவும் தவறானது. அது போலியானது. ஏனெனில் ஒருவரின் பெயரின் முதல் எழுத்தையும், அவருக்கான துணையாக வர உள்ளவரின் ஜாதகம் பொருந்துகிறதா என பார்ப்பவரின் பெயரின் முதல் எழுத்தையும், அதற்கான நட்சத்திரத்தை வைத்து பார்ப்பது ஆகும்.

ஆனால் தற்போதுள்ள காலத்தில் ஒருவரின் பெயருக்கும் அவரின் நட்சத்திரத்திற்கும் தொடர்புள்ளதா என்பதை அறிய முடியாது.

முன்பு நம் முன்னோர்கள் நட்சத்திரங்களின் அடிப்படையில் அதற்கான எழுத்துக்களை முதல் எழுத்தாக வைத்து பெயர் வைத்தனர். ஆனால் தற்போது அப்படி பெரும்பாலானோர் பெயர் வைப்பதில்லை. அவர்களுக்கு பிடித்த அல்லது எண் கணித அடிப்படையில் அல்லது குல சாமி பெயர் வைக்கின்றனர்.

Also Read: 12 ராசிகள் மற்றும் 27 நட்சத்திரங்களுக்கான அதிபதிகள்

அப்படி வைப்பதால் அவரின் பெயருக்கும் அவருக்கான நட்சத்திரத்திற்கும் சம்பந்தமே இல்லாமல் இருக்கும்.

உதாரணமாக ஒருவருக்கு கந்த சாமி என முருகக் கடவுளின் பெயர் வைத்திருந்தாலும், அவர் பிறந்த நட்சத்திரத்திற்கும் அதற்கும் சம்பந்தமில்லை என்றால் எப்படி பெயர் பொருத்தம் பார்த்து திருமணம் செய்வது.

அதனால் இந்த காலத்தில் பெயர் பொருத்தம் என்பது பொய்யானது. அதை அடிப்படையாக கொண்டு திருமணம் செய்வது மிகவும் தவறு. ஒருவேளை ஜாதகம் இல்லாவிட்டாலும் பரவாயில்லை, ஜோதிடரை அணுகி அதற்கான திருமண பொருத்தம் என்ன செய்வது என ஆலோசித்து திருமணம் செய்யலாமே தவிர, பெயர் பொருத்தத்தைப் பார்த்து திருமணம் செய்வது தவறு.

Also Read: ஜோதிடம் அறிவோம்: ஜாதக கட்டமும், ஒவ்வொரு வீட்டுக்கான பலன்கள் என்ன தெரியுமா?

எப்படி திருமணப் பொருத்தம் பார்ப்பது?
திருமணம் செய்ய முடிவு செய்ய இருக்கும் ஒரு ஆண், பெண்ணின் ஜாதகத்தில் கிரக அமைப்புகள் எப்படி இருக்கின்றது, அந்த கிரக அமைப்புகளால் அவர்கள் திருமணம் செய்து கொண்டால் எப்படிப்பட்ட விளைவுகள் ஏற்படும் என்பதை அடிப்படையாக வைத்து மட்டும் தான் திருமணம் செய்ய வேண்டும்.

அதை விடுத்து பெயர் பொருத்தம் மட்டும் பார்த்து திருமணம் செய்ய முயல்வது மிகவும் தவறானது.

Also Read: எந்த ராசியினர் எந்த நோயால் பாதிக்கப்படுவர் தெரியுமா?- எப்படி காத்துக் கொள்வது?

நட்சத்திரத்தைப் பார்த்து பெயர் வைத்தால் எல்லாம் மாறிவிடுமா?
நட்சத்திரத்திற்குரிய எழுத்துக்களை முதல் எழுத்துக்களாக வைத்து பெயர் வைத்தால் மட்டும் நம் விதி மாறிவிடுமா என்றால் இல்லை. நம் ஜாதகத்தில் இருக்கும் கிரக நிலையைப் பொருத்து தான் எதுவும் அமையும்.

இருப்பினும் நாம் பெயர் வைக்கும் போது நேர்மறை ஆற்றலை உருவாக்கக் கூடிய சப்தத்தை எழுப்பக் கூடியதான பெயர்களை வைப்பது நல்லது. இதனால் அந்த பெயருக்கு சக்தி ஏற்படும்.

இருப்பினும் இதற்கும் திருமண பெயர் பொருத்தத்திற்கும் சம்பந்தமில்லை. அதை பின்பற்றுவது தவறு.