ஒரு நேரத்தில் ஒரு வேலைக்கு மேல் செய்ய முடியாத ராசிகள்

மீன ராசியினர் பெரும்பாலான நேரத்தில் பகல் கனவு காண்பார்கள். கற்பனைத் திறன் அதிகம் கொண்டவர்கள் . சொந்த கற்பனை உலகில் இவர்கள் தொலைந்தே போவார்கள். நீண்ட நேரம் ஒரு விஷயத்தில் கவனம் செலுத்துவது மிகவும் கடினம். அதனால் ஒரு வேலையை சரியாக செய்து முடிப்பதே சிறந்தது. பல வேலைகளை செய்ய நினைக்காமல் ஒவ்வொரு வேலையாக சரியாக செய்து முடிப்பது நல்லது.

துலாம் ராசியினர் எல்லாவற்றையும், எல்லா சூழலையும் சமநிலைப்படுத்த விரும்புவார்கள். இருப்பினும் அவர்களால் ஒரு விஷயத்தில் கவனம் செலுத்துவதைக் காட்டிலும், பல விஷயங்களில் சமநிலையுடன் கவனம் செலுத்தி செய்வது கடினமாகிறது. இருப்பினும் துலாம் ராசியினர் தங்களின் கடின உழைப்பால் ஒரு வேலையை மிக சிறப்பாக செய்து முடிப்பார்கள்.

கன்னி ராசியினர் எந்த ஒரு செயலையும் சரியானதாகவும், சிறந்த முறையிலும், எந்த குறைபாடும் இல்லாமல் செய்து முடிக்க வேண்டும் என நினைப்பார்கள். இதனால் ஒரே நேரத்தில் பல பணிகளை செய்ய கூட நினைக்கமாட்டார்கள். ஒன்றுக்கும் மேற்பட்ட வேலையை செய்யும் போது அவர்களின் காரியம் முழுமை அடையாததாக உணருவார்கள்.

கடக ராசியினரிடம் பொதுவாக உள்ள குணம் கவனக் குறைவு. கவனக்குறைவு அதிகமாக இருப்பதால் எளிதில் ஒரு விஷயத்தில் கவனம் செலுத்துவதிலிருந்து திசை திரும்புவீர்கள். அதனால் பல வேலையில் கவனம் செலுத்த நினைக்கும் போது குழம்பிப் போவீர்கள். இதன் காரணமாக ஒரு நேரத்தில் ஒரு பணி செய்வதால், எளிதாகவும், விரைவாகவும் செய்து முடிக்க முடியும்.

விருச்சிக ராசியினர் தங்கள் இலக்கை அடைய கடினமாக உழைப்பார்கள். இலக்கின் மீது கவனம் செலுத்தும் இவர்கள், இலக்கை அடையும் வரை தன்னுடைய முயற்சிகளை நிறுத்தமாட்டார்கள். அதே போல ஒரு பணியை இன்னும் சரியாக முடிக்காத போது அவர்கள் மற்ற பணிகளுக்கு செல்ல முடியாது.