உங்க கட்டை விரல் இப்படி இருக்கா? அந்த விஷயத்தில் கெட்டிக்காரர்களாம்!

நமது உள்ளங்கையில் உள்ள கோடுகள் நமது தலைவிதி, எதிர்காலம் மற்றும் அதிர்ஷ்டத்தை தீர்மானிக்கின்றன என்று ஜோதிடம் கூறுகிறது. ஆனால், உண்மையில், நமது கட்டைவிரல் தான் நமது முழு அடையாளத்தையும் தீர்மானிக்கிறது என்று கூறினால் உங்களால் நம்ப முடிகிறதா?. விஞ்ஞான ரீதியாகப் பார்த்தால், கட்டைவிரல் மூளையின் வளர்ச்சியுடன் நெருக்கமாக தொடர்புடையது. கைரேகையில், கட்டைவிரல் ஒரு நபரின் விருப்பத்துடன் நெருக்கமாக இணைக்கப்பட்டுள்ளது. உங்கள் தலைவிதியைப் பற்றி உங்கள் கட்டைவிரல் என்ன சொல்கிறது என்பதை அறிந்து கொள்ளலாம் என கூறப்படுகிறது.

கட்டைவிரல் நமது நான்கு விரல்களை எதிர்கொள்வதால், இது நமது மன வளர்ச்சிக்கு உதவுகிறது. சாமுத்ரிகா சாஸ்திரத்தின் படி, கட்டைவிரல் குட்டையாகவும் தடிமனாகவும் இருப்பவர்கள் அதிகமாக கோபப்படுவார்கள். அத்தகையவர்கள் புத்திசாலித்தனம் மற்றும் விவேகத்திற்கு பதிலாக உணர்ச்சியுடன் வேலை செய்கிறார்கள். இது போன்ற பல விஷயங்களை கீழே காணலாம்.

நம்மில் பலருக்கு கட்டைவிரல் நன்றாக வளைந்து நெகிழ்வு தன்மையுடன் இருக்கும். அந்தவகையில், சிலரது கட்டைவிரல் பின்னோக்கி வளைந்திருக்கும். அப்படி வளைந்திருந்தால், அவர்கள் தங்கள் பலத்தையும் சக்தியையும் வீணாக வீணாக்குபவர்கள். இவர்களின் மனம் ஒரு நிலையாக இருக்காது. அங்கும் இங்கே அலைபாய்ந்து கொண்டே இருக்கும். இவர்களால் நிதானமான மனநிலையில் எந்த வேளையிலும் ஈடுபட முடியாது. ஆனால், சூழ்நிலைகளுக்கு ஏற்றார் போல தங்களை மாற்றிக்கொள்ளும் இயல்பு உடையவர்கள்.

சாமுத்ரிகா சாஸ்திரத்தின் படி, கட்டைவிரல் நீளமாகவும் மெல்லியதாகவும் இருப்பவர்கள் இயல்பிலேயே மென்மையாகவும் இனிமையாகவும் இருப்பார்கள். இத்தகைய மக்கள் பெரும்பாலும் கலைத் துறையுடன் தொடர்புடையவர்கள். அவர்கள் நாட்டுப்புற கலைஞர்கள், இசைக்கலைஞர்கள் மற்றும் சமூகத்தில் ஆக்கப்பூர்வமான பணிகளைச் செய்கிறார்கள். அப்படிப்பட்டவர்கள் பாதகமான சூழ்நிலைகளிலும் மனம் தளராமல், தங்கள் விருப்பத்தின் மூலம் எல்லாவற்றையும் எளிதாக்குகிறார்கள்.

ஒருவரின் கட்டைவிரல் மிக நீளமாக இருந்தால் அது நல்லது அல்ல. ஒருவரின் கட்டை விரலின் நீளம் அவரது ஆள்காட்டி விரலின் இரண்டாவது முழங்கையை விட அதிகமாக இருந்தால், அந்த நபர் ஒரு முட்டாள். அப்படிப்பட்டவர்கள் எளிதில் வெற்றி பெற மாட்டார்கள். வெற்றிக்கு பல தடைகள் வரும். அத்துடன் ஒரு விஷயத்தில் சிந்தித்து முடிவெடுக்க திணறுவார்கள்.

சாமுத்ரிகா சாஸ்திரத்தின்படி, ஒருவரின் கட்டை விரலின் நீளம் மற்ற விரலை போல இருந்தால், அந்த நபர் மிகவும் அறிவாளி மற்றும் புத்திசாலி, அதே போல் அத்தகையவர்கள் கலை ஆர்வலர்கள். அதுமட்டுமின்றி, இப்படிப்பட்டவர் வாழ்க்கையில் சுயநலத்திற்கு முன்னுரிமை கொடுக்காமல், மக்கள் சேவைக்கும், சமூக சேவைக்கும் முன்னுரிமை கொடுப்பார். அத்தகையவர்களுக்கு நண்பர்கள் குறைவாக இருந்தாலும், அவர்களுக்கு ஓன்று என்றால் யோசிக்காமல் உதவுபவர்கள்.

மற்ற விரல்களை போல கட்டைவிரல் சரியான உயரத்தில் மற்றும் தடிமனாகவும் இருந்தால் அவர்கள் அனைத்து விஷயத்திலும் சரியாக இருப்பார்கள். மன உறுதி, தர்க்கம் மற்றும் அன்பின் சரியான கலவையான ஒருவரைக் குறிக்கிறது. பண பலம் உள்ளவர்களாகவும் இருப்பார்கள். அமற்றவர்கள் மீது அளவு கடந்த பாசம் காட்டுபவர்கள். மற்றவர்களுக்கு பிரச்சனை என்றால் யோசிக்காமல் உதவுபவர்கள். அனைவரிடம் அன்பு செலுத்துபவர்கள்.