மிகவும் எதிர்பார்க்கப்பட்ட Kawasaki ZH2 உலக பார்வைக்கு அறிமுகம்..!

உலகளவில் பிரசித்திப் பெற்ற சர்வதேச வாகன கண்காட்சிகளில், டோக்கியோ மோட்டர் ஷோவுக்கு பிரதான இடம் உள்ளது. ஆண்டுதோறும் நடத்தப்படும் இந்நிகழ்வில் உலகின் பிரபல நிறுவனங்கள் தங்களுடைய எதிர்கால தயாரிப்பை காட்சிக்கு வைக்கும்.

இந்தாண்டுக்கான டோக்கியோ கண்காட்சியில் உள்நாட்டைச் சேர்ந்த கவாஸாகி நிறுவனம் முக்கிய கவனத்தை ஈர்த்துள்ளது. ப்ரீமியம் பைக் தயாரிப்பில் உலகளவில் முன்னோடி நிறுவனமாக திகழும் கவாஸாகி பல்வேறு சூப்பர் பைக் மாடல்களையும் தயாரித்து வருகிறது.

நடப்பு டோக்கியோ மோட்டார் ஷோவில் ’Z’ சிரீஸில் ஃபேரிங் பேனல் இல்லாத நேக்கிடு ரக மோட்டார் சைக்கிளான புதிய இசட் எச்2 பைக் மாடலை நிகழ்வில் கவாஸாகி நிறுவனம் காட்சிப்படுத்தியுள்ளது.

Read More: ராயல் என்ஃபீல்டுக்கு சவாலான விலையில் Benelli Imperiale 400 விற்பனைக்கு அறிமுகம்..!

முதல் முறையாக உலக பார்வைக்கு கொண்டுவரப்பட்டுள்ள இந்த பைக்கில் முக்கிய அம்சமாக அதனுடைய முகப்பு விளக்குகள் கவனமீர்க்கின்றன. இதனுடைய மிரட்டலான ஹெட்லைட், பைக்கின் தோற்றத்திற்கு வலிமை சேர்க்கிறது.

புதிய கவாஸாகி இசட் எச்2 பைக்கின் எரிபொருள் கலன் மற்றும் பலம் பொருந்திய கட்டமைப்பு ஆகியவை நிச்சயம் சூப்பர்பைக் பிரியர்களை கவரும் என்று சொல்லலாம். தவிர, பவாகனத்தின் கட்டமைப்பில் ஊடுருவும் விதமாக ச்சை நிறத்தில் காட்சியளிக்கும் பைக்கின் ஃபிரேம் மிரட்டலாக அமைந்துள்ளது.

கவாஸாகியின் ‘இசட்’ சிரீஸ் மாடல்களுக்கே உரித்தான ஸ்பிளிட் இருக்கை அமைப்பு இந்த பைக்கிற்கும் வழங்கப்பட்டுள்ளது. மிக பெரியதாக காட்சியளிக்கும் புகைபோக்கி குழாய் வாகனத்திற்கு கம்பீரத்தை சேர்க்கிறது. இதனுடைய வடிவமைப்பு இசட் 1000 மாடலின் தோற்றத்தை தழுவி உருவாக்கப்பட்டுள்ளதாக தெரிகிறது.

Read More: சர்ச்சைக்கு முற்றிப்புள்ளி: Harley-Davidson LiveWire உற்பத்தி மீண்டும் துவக்கம்..!

மொத்தம் 239 கிலோ எடையில் உருவாக்கப்பட்டுள்ள இந்த பைக்கில் 4 சிலிண்டர் 998 சிசி இழுவைத் திறன் கொண்ட எஞ்சின் உள்ளது. சூப்பர்சார்ஜர் திறன் பெற்ற இந்த எஞ்சின் 210 பிஎச்பி பவர் மற்றும் 142 என்.எம் டார்க் திறனை அதிகப்பட்சமாக வழங்கும்.

இதை சாதாரண சாலைகளிலும் இயக்கலாம் என்பது கூடுதல் சிறப்பு. இதனுடைய மாடல்களில் தயாராகும் ஆர் வரிசை பைக்குகள் பந்தய கலத்தில் மணிக்கு 400 கி.மீ வேகத்தில் செல்லும். ஆனால் இந்த பைக் மணிக்கு 300 கி.மீ வேகத்தில் செல்லும் விதத்தில் தயாரிக்கப்பட்டுள்ளது.

முன்னதாக கவாஸாகி இசட்.எச்2 சூப்பர்பைக் ஜப்பானில் விற்பனைக்கு அறிமுகமாகவுள்ளது. அதை தொடர்ந்து இந்தியா உட்பட மற்ற நாடுகளில் இந்த பைக் விற்பனைக்கு கிடைக்கும் என தெரிவிக்கப்பட்டுள்ளது.

Read More: கையை விரித்துவிட்ட ஹோண்டா- புதிய CBR650R பைக்கிற்கான புக்கிங் நிறுத்தம்..!

விற்பனைக்கு அறிமுகமான பிறகு, இந்த பைக் 1290 சூப்பர் டியூக் மற்றும் டுகாட்டி ஸ்ட்ரீட் ஃபைட்டர் வி4 மாடல்களுக்கு சரிநிகர் போட்டியை ஏற்படுத்தும். விரைவில் இதனுடைய மற்ற பல சிறப்பம்சங்கள் வெளியிடப்படும் என எதிர்பார்க்கப்படுகிறது.

டோக்கியோ கண்காட்சியில் இந்த பைக்கை பார்த்த ஆர்வலர்கள் சிலர், கவாஸாகியின் பொறியியல் வல்லமையை பறைசாற்றும் விதத்தில் புதிய இசட் எச்2 பைக் உருவாக்கப்பட்டுள்ளதாக கருத்தி தெரிவித்துள்ளனர்.