ரூ. 5.94 லட்சம் விலையில் 2021 Kawasaki Z650 BS6 பைக் விற்பனைக்கு அறிமுகம்..!

பிஎஸ்-6 விதிகளுக்குட்பட்ட கவாஸாகி இசட்650 மோட்டார்சைக்கிள் ரூ. 5.94 லட்சம் (எக்ஸ்-ஷோரூம், டெல்லி) விலையில் விற்பனைக்கு அறிமுகம் செய்யப்பட்டுள்ளது. பிஎஸ்-4 மாடலைக் காட்டிலும் இந்த பைக்கிற்கு ரூ. 25 ஆயிரம் விலை கூடுதலாக நிர்ணயம் செய்யப்பட்டுள்ளது.

கவாஸாகி இசட்650 மாடலில் பல்வேறு மேம்படுத்தப்பட்ட அம்சங்கள், வடிவமைப்பு நுணுக்கங்கள், சிறப்பம்சங்கள் உள்ளன. அதன்படி, புதிய மாடலில் எல்.இ.டி முகப்பு விளக்குகள், கூர்மையான ஸ்டைலிங் போன்றவை புதுமையாக உள்ளன.

மேலும் இந்த பைக்கில் 4.3 அங்குலத்தில் டிஎஃப்டி டிஸ்பிளே உள்ளது. பைக்குடன் இணைக்கும் வசதியினை கொண்ட ஜிபிஎஸ் வசதி, ஸ்மார்ட்போன் கனெக்ட்டிவிட்டி அம்சங்கள் கூடுதலாக உள்ளன. மேலும் இந்த பைக்கிற்கு டன்லோப் ஸ்போர்ட்மேக்ஸ் ரோடுஸ்போர்ட் 2 டயர்கள் வழங்கப்பட்டுள்ளன.

Read more: ரூ. 9.90 லட்சம் ஆரம்ப விலையில் BMW F 900 R & F 900 XR விற்பனைக்கு அறிமுகம்..!

2021 கவாஸாகி இசட்650 பைக்கில் 649 சிசி பேரலல்-ட்வின் எஞ்சின் உள்ளது. பிஎஸ்-6 விதிகளுக்குட்பட்டுள்ள இந்த எஞ்சின் 68 பிஎச்பி பவர் மற்றும் 64 என்.எம் டார்க் திறனை அதிகப்பட்சமாக வெளிப்படுத்தும். மேலும் இந்த பைக்கில் 6 ஸ்பீடு கியர்பாக்ஸ் ஸ்டான்டர்ட் அம்சமாக உள்ளது.

இதை தவிர்த்து புதிய 2021 கவாஸாகி இசட்650 மாடல், முந்தைய பிஎஸ்-4 வெர்ஷனை பின்பற்றியே உருவாக்கப்பட்டுள்ளது. முன்பக்கத்தில் 41 மிமீ டெலஸ்கோப்பிக் ஃபோர்க்ஸ் மற்றும் பின்பக்கத்தில் மோனோ-ஷாக் அப்ஸபர்கள் சஸ்பென்ஷன் தேவையை பூர்த்தி செய்கின்றன.

Read More: அதிரடியாக விலை உயர்ந்த BS6 Yamaha Ray ZR 125 Fi & Ray ZR Street Rally 125 Fi..!

அதேபோல, பைக்கின் முன்சக்கரத்தில் டூயல் 300 மிமீ டிஸ்க் மற்றும் பின்பக்கத்தில் சிங்கிள் 220 மிமீ டிஸ்க் பிரேக்குகள் உள்ளன. முக்கிய பாதுகாப்பு அம்சமாக டூயல்-சேனல் ஏபிஎஸ் பிரேக்கிங் சிஸ்டம் வழங்கப்பட்டுள்ளது. இந்த மோட்டார்சைக்கிளின் மொத்த எடை 191 கிலோ, இதனுடைய எரிவாயு கலன் 15 லிட்டர் கொள்ளவு கொண்டது.

இந்த பைக் ‘மெட்டாலிக் ஸ்பார்க் பிளாக்’ நிறத்தில் மட்டுமே விற்பனைக்கு கிடைக்கிறது. தற்போது இதற்கான புக்கிங் துவங்கப்பட்டுள்ளது. விரைவிலேயே 2021 கவாஸாகி இசட்650 பிஎஸ்-6 மாடலுக்கான டெலிவிரி பணிகள் துவங்கப்படவுள்ளன.

Read More: ராயல் என்ஃபீல்டு ஸ்கிராம்பளர் 650 லிமிடெட் எடிசன் மாடல் அறிமுகம்..!

இந்தியாவில் கேடிஎம் டியூக் 790, சுஸுகி ஜிஎஸ்எக்ஸ்-750, ராயல் என்ஃபீல்டு கான்டினென்ட்டல் ஜிடி 650, ஹார்லி-டேவிட்சன் ஸ்ட்ரீட் 750 போன்ற நடுத்தர எடைக்கொண்ட வாகனங்கள் விற்பனை செய்ய்யப்பட்டு வருகின்றன. அந்த வரிசையில் கவாஸாகி இசட்650 மாடலும் இணைந்துள்ளது.