ஹீரோவின் 2 புதிய பிஎஸ்-6 ஸ்கூட்டர்கள் விற்பனைக்கு அறிமுகம்- விபரம் உள்ளே..!

இந்தியாவின் முன்னணி வாகன விற்பனை நிறுவனமான ஹீரோ, பிஎஸ்-6 விதிகளுக்குட்பட்டு தயாரிக்கப்பட்டுள்ள டெஸ்டினி 125 மற்றும் மாஸ்ட்ரோ எட்ஜ் 125 ஸ்கூட்டர்களை ரூ. 67,950 (எக்ஸ்-ஷோரூம்) ஆரம்ப விலையில் விற்பனைக்கு கொண்டு வந்துள்ளது.

வரும் ஏப்ரல் முதல் பிஎஸ்-6 வாகன விதிகள் அமலுக்கு வரவுள்ளன. இதற்கு ஏற்ப வாகனங்களை தயாரிக்கும் பணிகளில் நிறுவனங்கள் தீவிரமாக தயாராகி வருகின்றன. இதற்கான உற்பத்தி பணிகளை கடந்தாண்டு முதலே நிறுவனங்கள் மேற்கொண்டு வருகின்றன.

ஹீரோ மோட்டோகார்ப் நிறுவனம் பிஎஸ்-6 விதிகளுக்கு கீழ் தயாரிக்கப்பட்டுள்ள புதிய டெஸ்டினி 125 மற்றும் மேஸ்ட்ரோ எட்ஜ் 125 ஸ்கூட்டர்களை விற்பனைக்கு அறிமுகம் செய்துள்ளன.

Read More: அதிரடியான விலை உயர்வுடன் புதிய BS6 Hero Splendor Plus FI பைக் அறிமுகம்..!

அதன்படி புதிய மேஸ்ட்ரோ எட்ஜ் 125 ஸ்கூட்டருக்கு ரூ. 67,950 விலையும், டெஸ்ட்னி 125 ஸ்கூட்டருக்கு ரூ. 64,310 விலையும் நிர்ணயம் செய்யப்பட்டுள்ளது. இங்கு குறிப்பிடப்பட்டுள்ள விலை அனைத்தும் எக்ஸ்-ஷோரூம் மதிப்பில் வழங்கப்பட்டுள்ளது.

ஹீரோ நிறுவனம் கடந்தாண்டே பிஎஸ்-6 மேஸ்ட்ரோ எட்ஜ் 125 மாடலை அறிமுகம் செய்துவிட்டது. மேலும், ஃப்யூவெல் இஞ்ஜெக்‌ஷன் உடன் கூடிய டெஸ்ட்டினி 125 மாடலுக்கு, முந்தைய மாடலை விட ரூ. 4.510 விலை கூடுதலாக நிர்ணயம் செய்யப்பட்டுள்ளது.

பிஎஸ்4 வெர்ஷனில் இருந்து புதிய மாடலை வேறுபடுத்தி காட்டும் விதத்தில், பிஎஸ்-6 மேஸ்ட்ரோ எட்ஜ் 125 மற்றும் டெஸ்டினி 125 ஸ்கூட்டர்களுக்கு சில காஸ்ட்மெட்டிக் அப்டேட்டுக்களை வழங்கியுள்ளது ஹீரோ மோட்டோகார்ப் நிறுவனம்.

Read More: கடன் பெற்று வாங்கப்பட்ட கார் விபத்தில் சிக்கினால் லோன் என்னவாகும்?

அதன்படி பிஎஸ்6 டெஸ்ட்டினி 125 மாடலில் எல்.இ.டி பகல்நேர விளக்குகள், புதிய லோகோ, புதிய வண்ணப்பூச்சு ஆகியவை வழங்கப்பட்டுள்ளன. அதே சமயத்தில் பிஎஸ் 6 மேஸ்ட்ரோ எட்ஜ் 125 மாடலுக்கு புதிய வண்ணப்பூச்சு தேர்வு மட்டும் வழங்கப்பட்டுள்ளது.

இந்த இரண்டு ஸ்கூட்டர்களிலும் 125 சிசி ஃப்யூவெல்-இஞ்ஜெக்ட் எஞ்சின் வழங்கப்பட்டுள்ளது. இது 9.12 பிஎச்பி பவர் மற்றும் 10.4 என்.எம் டார்க் திறனை அதிகப்பட்சமாக வழங்கும். பிஎஸ்-4 மாடலுடன் ஒப்பிடும் போது, புதிய பிஎஸ்-6 எஞ்சின் 0.12 பிஎச்பி பவர் மற்றும் 0.2 என்.எம் டார்க் திறனை கூடுதலாக வழங்குகிறது.

Read More: புதியதாக டுவீலர் வாங்கினால் 2 ஹெல்மெட்டுகள் இலவசம்- நீதிபதிகள் உத்தரவு..!

முந்தைய வெர்ஷன்களை விட பிஎஸ்-6 ஸ்கூட்டர்கள் 11 சதவீதம் கூடுதல் ஆற்றலையும், 10 சதவீதம் வேகமான திறனையும் வெளிப்படுத்தும் விதத்தில் தயாரிக்கப்பட்டுள்ளது. எனினும், இதை உறுதி செய்வதற்கு சில காலம் காத்திருக்க வேண்டும்.

இந்த ஸ்கூட்டர்களை அறிமுகம் செய்திருப்பது மூலம் நாட்டில் 125 சிசி இழுவைத் திறன் கொண்ட ஸ்கூட்டர்களின் எண்ணிக்கை அதிகரித்துள்ளது. தற்போது, இந்த செக்மென்டில் புதிய பிஎஸ்6 ஹீரோ மேஸ்ட்ரோ எட்ஜ் மற்றும் டெஸ்டினி மாடல்களுடன், சுஸுகி ஏக்செஸ் 125, ஹோண்டா ஆக்டிவா 125 மற்றும் யமஹா ஃபேசினோ 125 மாடல்களும் விற்பனை செய்யப்பட்டு வருகிறது. விரைவில் டிவிஎஸ் என்டார்க் 125 பிஎஸ்6 மாடலும் விற்பனைக்கு வரவுள்ளது.