Hero Xpulse 200-க்கு போட்டியாக களமிறங்கும் KTM 250 Adventure- விரைவில்..!

இந்தியாவில் தனது முதல் அட்வெஞ்சர் பைக்கை அறிமுகம் செய்ய கேடிஎம் நிறுவனம் முழு வீச்சில் தயாராகி வரும் நிலையில், இப்புதிய மோட்டார்சைக்கிள் வரும் ஜனவரி 2020 முதல் விற்பனைக்கு கிடைக்கும் என தகவல்கள் தெரிவிக்கின்றன.

அட்வெஞ்சர் பைக் வரிசையில் 390 அட்வெஞ்சர் மாடலை களமிறக்கும் கேடிஎம் நிறுவனம், ஜூன் 2020-ம் ஆண்டுக்கு பிறகு 250 அட்வெஞ்சர் பைக்கை விற்பனைக்கு கொண்டுவரவுள்ளது.

இதன்மூலம் கேடிஎம் அட்வெஞ்சர் ரக பைக்குகளில் எண்ட்ரி லெவல் மாடலாக 250 அட்வெஞ்சர் இடம்பெறும் என்பது தெரியவருகிறது. இதனுடைய சேசிஸ், டிசைன் மற்றும் ஃபிரேம் உள்ளிட்டவை 390 அட்வெஞ்சர் பைக்கை தழுவி உருவாக்கப்படுகிறது.

Read Tamil: பிஎஸ்-6 டிவிஎஸ் அப்பாச்சி ஆர்.டி.ஆர் 200 4வி பைக் ஃபர்ஸ்ட் ரைடு ரிவ்யூ..!

அதன்படி, 250 அட்வெஞ்சர் பைக்கின் பாடி பேனல்கள், பெல்லி பேன், எரிபொருள் டேங்க் விரிவாக்கம், ரேடியேட்டர் மற்றும் ரியர் பகுதி ஆகியவை 390 மாடலை தழுவியே உருவாக்கப்படுகிறது. தவிர, இந்த இரண்டு பைக்குகளுக்கும் ஒரேமாதிரியான டயர்களுடன் கூடிய அலாய் சக்கரங்கள் வழங்கப்படவுள்ளன.

மேலும், 390 அட்வெஞ்சர் மாடலிலுள்ள டிஃப்டி டிஸ்பிளே, 43 மிமீ யுஎஸ்டி அப்பிரவுண்டு ஃபோர்க்ஸ், மோனோஷாக் சஸ்பென்ஷன் ஆகியவை 250 அட்வெஞ்சரிலும் இடம்பெறவுள்ளன. எனினும், இந்த இரண்டு மாடல்களுக்கு இடையில் குறிப்பிட்ட வகையிலான வேறுபாடுகள் இருக்கும் என கேடிஎம் நிறுவனம் தகவல் வெளியிட்டுள்ளது.

Read More: வழிக்கு வந்த யமஹா- விரைவில் களமிறங்கும் புதிய மின்சார ஸ்கூட்டர்..!

கேடிஎம் 250 அட்வெஞ்சர் பைக்கில் பிஎஸ்-6 249சிசி எஞ்சின் இடம்பெறுகிறது. இதே எஞ்சின் டியூக் 250 மாடலில் வழங்கப்பட்டுள்ளது. சிங்கிள் சிலிண்டர் லிக்விடு கூல்டு திறன் கொண்ட இந்த எஞ்சின் 30 பிஎச்பி பவர் மற்றும் 24 என்.எம் டார்க் திறனை வழங்கும். 6 ஸ்பீடு கியர்பாக்ஸுடன் கூட்டணி அமைத்துள்ளது.

இந்திய பைக் ஆர்வலர்கள் மத்தியில் கேடிஎம் 390 அட்வெஞ்சர் பைக்கிற்கும் பெரும் எதிர்பார்ப்பு உள்ளது. தற்போது 250 அட்வெஞ்சர் மாடலும் களமிறக்கவுள்ளதால், வாடிக்கையாளர்களின் எதிர்பார்ப்பு எகிறக்கிடக்கிறது.

Read More: என்டார்க் 125 ஸ்கூட்டருக்கு உச்சக்கட்ட வரவேற்பு- சிலிர்த்துப் போன டிவிஎஸ்..!

கேடிஎம் நிறுவனம், நாட்டில் 250 அட்வெஞ்சர் பைக் விற்பனைக்கு வருவது குறித்து மகிழ்ச்சி தெரிவித்துள்ளது. இந்த மாடலுக்கு நிச்சயம் இந்திய வாடிக்கையாளர்கள் மத்தியில் வரவேற்பு அதிகரிக்கும் என நம்புவதாக அந்நிறுவனம் தெரிவித்துள்ளது.

இந்தியாவில் இந்த பைக் விற்பனைக்கு அறிமுகமான பிறகு, ஹீரோ எக்ஸ்பிளஸ் 250, பிஎம்டபுள்யூ ஜி 310 ஜி.எஸ் பைக்குகளுக்கு சரிநிகர் போட்டியாக அமையும். விரைவில் இதனுடைய மற்ற கட்டமைப்புகள் குறித்து கேடிஎம் நிறுவனம் தகவல் வெளியிடும் என எதிர்பார்க்கப்படுகிறது.