KTM RC 390 2022 இந்தியாவில் அறிமுகம்! விலை 3.14 லட்சம் ரூபாய்

இந்தியாவில் KTM நிறுவனம் சிறந்த பிரீமியம் ஸ்போர்ட்ஸ் பைக்குகளை விற்பனை செய்து வருகிறது. அந்த நிறுவனம் சமீபத்தில் அதன் 390 அட்வென்ச்சர் பைக்கின் 2022 ஆம் ஆண்டு மாடலை வெளியிட்டது.
தற்போது அதன் தொடர்ச்சியாக அதன் அதிவேக RC 390 பைக்கின் 2022 ஆம் ஆண்டு மாடலை வெளியிட்டுள்ளது. இந்த பைக்கை அந்த நிறுவனம் 3.14 லட்சம் ரூபாய் (எக்ஸ் ஷோரூம்) விலையில் அறிமுகம் செய்துள்ளது.
இந்த 2022 ஆம் ஆண்டு மாடல் அதன் முந்தய மாடல் பைக்கை விட 36 ஆயிரம் ரூபாய் அதிக விலைக்கு விற்பனை செய்யப்படவுள்ளது. இந்த பைக்கில் புதிய ஸ்டைல் மற்றும் பெர்போர்மன்ஸ் எதிர்பார்க்கலாம்.

டிசைன்

இந்த பைக்கில் புதிய ஸ்டைல் அம்சங்கள் இடம்பெற்றுள்ளன. இந்த பைக்கில் புதிய முன்பக்க LED ஹெட் லேம்ப், LED இண்டிகேட்டர் கொடுக்கப்பட்டுள்ளது. இந்த பைக்கின் இண்டிகேட்டர் இதற்கு முன்னர் மிரர்களுக்கு அருகில் அமைந்திருந்தது. இந்த பைக்கின் டிசைன் அதன் RC 200 பைக்கின் அப்டேட் போலவே உள்ளது.

இந்த பைக்கில் புதிய பெயிண்ட் ஸ்கீம், புதிய டிசைன் கொண்ட பேரிங், 13.7 லிட்டர் பியூயல் டேங்க், புதிய டைல் செக்சன் மற்றும் சைடு எக்ஸாஸ்ட் கொண்டுள்ளது.

என்ஜின் மற்றும் டிரான்ஸ்மிஷன்

இந்த பைக்கில் அதே BS6 373சிசி சிங்கள் சிலிண்டர் லீகுய்ட் கூல்டு என்ஜின் உள்ளது. இதன் பவர் 42.9 BHP மற்றும் டார்க் 37 NM ஆகும். இந்த பைக் வேறு எந்த ஒரு என்ஜின் மாற்றங்களும் செய்யப்படாமல் அப்படியே உள்ளன.
செய்திகளை உடனுக்குடன் படிக்க கூகுள் நியூஸ்ல் 'சமயம் தமிழ்' இணையதளத்தை பின் தொடருங்கள்

முக்கிய சிறப்பம்சங்கள்

இந்த பைக்கில் TCS (TRACTION CONTROL SYSTEM), கார்னெர் ABS, குயிக் ஷிப்ட்டர், TFT டிஸ்பிலே, மல்டி பங்க்ஷன் சுவிட்ச் கியர் போன்ற வசதிகள் உள்ளன. இந்த பைக்கில் 6 ஸ்பீட் கியர் பாக்ஸ் வசதி மற்றும் ஸ்லீப்பர் கிளட்ச், குயிக் ஷிப்ட் போன்ற வசதிகள் இடம்பெற்றுள்ளன.

இந்த பைக்கில் புதிய சஸ்பென்ஸன் செட் அப் கொடுக்கப்பட்டுள்ளது.புதிய முன்பக்க USD போர்க் மற்றும் ப்ரீ லோடு மோனோ ஷாக் வசதியும் இடம்பெறும் என்று தெரிகிறது. இந்த பைக்கில் புதிய 5 ஸ்போக் அலாய் வீல் வசதி கொடுக்கப்பட்டுள்ளது.

இதன் ஹாண்டில் பார் பழைய மாடல் பைக்கை விட 15MM உயரமாக அமைக்கப்பட்டுள்ளது. இந்த பைக் டிவிஎஸ் நிறுவனத்தின் அப்பாச்சி RR 310 மற்றும் கவாஸாகி நிஞ்ஜா 300 ஆகிய பைக்குகளை சவாலாக இருக்கும் என்று தெரிகிறது.