இந்திய மதிப்பில் ரூ. 7.98 லட்சம் விலையில் புதிய Aprilia RS 250 SP அறிமுகம்..!

கடந்தாண்டு நவம்பர் மாதம் ஐக்மா கண்காட்சியில் அறிமுகம் செய்யப்பட்ட அப்ரிலியா ஆர்.எஸ் 350 எஸ்.பி பைக்கிற்கு தற்போது விலை அறிவிக்கப்பட்டுள்ளது. அதன்படி இங்கிலாந்து நாட்டின் பவுண்டு மதிப்பில் 9,700 பவுண்டு விலை அறிவிக்கப்பட்டுள்ளது. இது இந்திய மதிப்பில் தோராயமாக ரூ. 7.98 லட்சம் ஆகும்.

ஓஹ்வாலா என்ற நிறுவனத்துடன் இணைந்து இந்த பைக் உருவாக்கப்பட்டுள்ளது. இந்நிறுவனம் இத்தாலி நிறுவனத்தின் சிறியளவிலான ரேஸ் பைக்குகளை தயாரித்து வருகிறது. அதன்படி அப்ரிலியா ஆர்.எஸ் 350 எஸ்பி பைக் ரேஸ் மாடலாகவே தயாராகியுள்ளது.

ஒஹ்வாலா நிறுவனத்தின் தயாரிப்புகளை பிரதிபலிக்கும் விதமாகவே ஆர்.எஸ் 250 எஸ்பி மாடல் உருவாக்கப்பட்டுள்ளது. முன்னதாக இத்தாலி நாட்டில் நடைபெற்ற எஃப்.எம்.ஐ அப்ரிலியா ஸ்போர்ட் ப்ரொக்டெக்‌ஷன் சேம்பியல்ஷிப் போட்டியில் இந்த பைக் பங்கேற்றது குறிப்பிடத்தக்கது.

Read More: ரூ. 30 ஆயிரம் வரை தள்ளுபடி பெறும் BS4 Hero HF Deluxe டீலக்ஸ் பைக்- முழு விபரம்..!

இதுகுறித்து அப்ரிலியா நிறுவனத்தின் தலைமைச் செயல் அதிகாரி மாசிமோ ரிவ்லோ பேசும்போது, அப்ரிலியா நிறுவனத்தின் தனித்துவத்தை பறைசாற்றும் விதமாகவே, ரேஸிங் போட்டிகள் நடத்தப்படுகின்றன. இதன்மூலம் காலத்திற்கும் அப்ரிலியாவின் தயாரிப்புகள் மக்கள் மத்தியில் நிலைத்து நிற்கும் என்று தெரிவித்தார்.

அப்ரிலியாஆர்.எஸ்250 பைக்கை வடிவமைத்தது மட்டுமே அப்ரிலியா நிறுவனம். ஆனால் அதற்கான உற்பத்தி பணிகளை ஒஹ்வாலா தான் மேற்கொண்டுள்ளது. ரேஸ்லிங் வாகனத்திற்கான மூர்க்கமான கட்டமைப்புகள், அசரடிக்கும் வடிவமைப்பு அம்சங்கள், கவர்ச்சியான கிராஃபிக்ஸ் அம்சங்களுடன் இந்த பைக் தயாராகியுள்ளது.

Read More: ஊரடங்கு காலத்திலும் பைக் விற்பனையில் கொடிகட்டி பறந்த ராயல் என்ஃபீல்டு- எப்படி..?

இந்த பைக்கில் 250 சிசி சிங்கிள் சிலிண்டர் எஞ்சின் உள்ளது. இது 28 பிஎச்பி பவரை அதிகப்பட்சமாக வழங்கும். மொத்தமாக 105 கிலோ எடையில் தயாராகியுள்ளது. முழுமையாக அலுமினியத்தால் தயாரிக்கப்பட்டுள்ள பைக் என்பதால், எடை குறைப்பு சாத்தியமாக்கப்பட்டுள்ளது.

Read More: புதிய பிஎஸ்6 கவாஸாகி நிஞ்சா 650 & இசட்650 மாடல்களுக்கு புக்கிங் துவக்கம்..!

ஒஹ்லின்ஸ் சஸ்பென்ஷன் அமைப்பு, பிரெம்போ பிரேக்குகள், எஸ்.சி ப்ரொஜெக்டுடன் கூடிய புகைப்போக்கு குழாய், 17 அங்குலத்தில் இலகுவான எடை கொண்ட மார்ச்சஸினி சக்கரங்கள் என ஒரு ரேஸிங் பைக்கிற்கு தேவையான கட்டமைப்புகள் இந்த பைக்கில் உள்ளன.

இதன் காரணமாக அப்ரிலியா ஆர்.எஸ் 250 எஸ்.பி பைக்கிற்கு நிர்ணயிக்கப்பட்டுள்ள விலை நியாயமாகவே தெரிகிறது. எப்போது இந்த பைக் சாலைகளில் உலா வரும் என பைக் ஆர்வலர்கள் பலர் ஆவலுடன் காத்திருக்கின்றனர்.