கொரோனா வைரஸ் அச்சுறுத்தலுக்கு மத்தியிலும் கலக்கி வரும் ராயல் என்ஃபீல்டு..!

சென்னையை தலைமையிடமாகக் கொண்டு இயங்கி வரும் ராயல் என்ஃபீல்டு நிறுவனம் 2020 மார்ச் மாத ஏற்றுமதிக்கான பிரிவில் 33 சதவீதம் வளர்ச்சி அடைந்துள்ளது. இதன்மூலம் 2019 மார்ச் மாதத்தில் 2,397 யூனிட் ராயல் என்ஃபீல்டு பைக்குகள் ஏற்றுமதி செய்யப்பட்டுள்ள நிலையில், கடந்த மார்ச் மாதத்தில் 3,184 யூனிட் ராயல் என்ஃபீல்டு வாகனங்கள் மற்ற நாடுகளுக்கு ஏற்றுமதி செய்யப்பட்டுள்ளன.

அதன்படி, நடப்பாண்டு மார்ச் மாதத்தில் ராயல் என்ஃபீல்டு 650 ட்வின் பைக்குகளின் ஏற்றுமதி 25.30 சதவீதம் வளர்ச்சியை பதிவுச் செய்துள்ளது. கடந்தாண்டு மார்ச் மாதத்தில் 1,328 பைக்குகள் மற்ற நாடுகளுக்கு ஏற்றுமதி செய்யப்பட்டுள்ள நிலையில், 2020 மார்ச் மாதத்தில் 1,664 யூனிட் ராயல் என்ஃபீல்டு ட்வின் பைக்குகள் ஏற்றுமதி செய்யப்பட்டுள்ளன.

Read More: புதிய Royal Enfield 350 Meteor Fireball பைக்- படங்கள், விலை விபரங்கள் கசிந்தன...!

அதை தொடர்ந்து 2019 மார்ச் மாதத்தில் 334 யூனிட் கிளாசிக் 500 பைக்குகள் மற்ற நாடுகளுக்கு ஏற்றுமதி செய்யப்பட்டது. கடந்தாண்டு இந்த எண்ணிக்கை 541 யூனிட் வரை அதிகரித்துள்ளது. இதன்மூலம் ராயல் என்ஃபீல்டு கிளாசிக் 500 பைக்கின் ஏற்றுமதி 2020 மார்ச் மாதத்தில் 61.98 சதவீதம் உயர்ந்துள்ளது.

கடந்த மார்ச் மாதத்தில் ஹிமாலயன் 411 பைக்கின் ஏற்றுமதி 7.97 சதவீதம் அதிகரித்துள்ளது. 2020 மார்ச் மாதத்தில் 577 யூனிட் பைக்குகள் ஏற்றுமதி செய்யப்பட்ட நிலையில், 2019 மாதத்தில் வெறும் 531 யூனிட் ஹிமாலயன் 411 பைக்குகள் மட்டுமே ஏற்றுமதி செய்யப்பட்டுள்ளன.

Read More: அதிரடியாக விலை உயரும் பிஎஸ்-6 பெனெல்லி இம்பீரியல் 400 பைக்..!

அதேபோல 2020 மார்ச் மாதம் வாகன ஏற்றுமதி பிரிவில் கிளாசிக் 350, புல்லட் 500 மாடல்கள் முறையே 409.86 சதவீதம் மற்றும் 103.3 சதவீதம் வளர்ச்சியை பதிவுச் செய்துள்ளது. அதன்படி, கிளாச்க் 350 பைக் 362 யூனிட்டுகளும், புல்லட் 500 மாடல் 71 யூனிட்டுகளும் ஏற்றுமதி செய்யப்பட்டுள்ளது.

அதேபோல 2020 மார்ச் மாதத்தில் ராயல் என்ஃபீல்டு நிறுவனம் உள்நாட்டு விற்பனையில் சரிவை சந்தித்திருப்பது தெரிய வருகிறது. அதன்படி, 2019 மார்ச் மாதத்தில் நாடு முழுவதும் 58,434 யூனிட் வாகனங்களை விற்பனை செய்துள்ளது ராயல் என்ஃபீல்டு நிறுவனம். நடப்பாண்டு மார்ச் மாதத்தில் இந்த எண்ணிக்கை 32,630 யூனிட்டுகளாக குறைந்துவிட்டது.

Read More: ஹோண்டா ஆக்டிவா ஸ்கூட்டர் விற்பனை சாதனையை முறியடித்த ஹீரோ ஸ்பிளென்டர்...!

மேலும் ராயல் என்ஃபீல்டு எலெக்ட்ரா 350 பைக் விற்பனையில் 153.26 சதவீத வளர்ச்சியை பதிவுச் செய்துள்ளது. கடந்த 2019 மார்ச் மாதத்தில் 3,143 யூனிட் எலெக்ட்ரா பைக்குகள் விற்பனை செய்யப்பட்டுள்ளன. ஆனால் அந்த எண்ணிக்கை நடப்பு மார்ச் மாதத்தில் 1,241 யூனிட்டுகளாக குறைந்துள்ளது.

கொரோனா வைரஸ் அச்சுறுத்தல் காரணமாக நாட்டிலுள்ள பல்வேறு வாகன தயாரிப்பு நிறுவனங்களும் இந்த வீழ்ச்சியை எதிர்பார்த்தது தான். ஆனால் ஏற்றுமதி பிரிவில் அடைந்துள்ள வளர்ச்சி ராயல் என்ஃபீல்டு நிறுவனத்திற்கு ஆறுதல் அளித்துள்ளது. தற்போதுள்ள அவசரநிலை விலகிய பிறகு நிலைமை கட்டுக்குள் வரும் என்று எதிர்பார்க்கப்படுகிறது.