கேடிஎம் எலெக்ட்ரிக் ஸ்கூட்டர்- அறிமுகம், செயல்திறன் உள்ளிட்ட விபரங்கள் வெளியீடு..!

கேடிஎம் நிறுவனத்தின் புதிய மின்சார ஸ்கூட்டர் மாடல், பஜாஜ் சேத்தக் எலெக்ட்ரின் ஸ்கூட்டரின் சிறப்பம்சங்களுடன் தயாரிக்கப்பட்டு வருகிறது. அடுத்து நடைபெறக்கூடிய ஐக்மா கண்காட்சியில் இந்த ஸ்கூட்டர் உலகப் பார்வைக்கு அறிமுகம் செய்யப்படவுள்ளது.

கேடிஎம் முத்திரையுடன், அந்நிறுவனத்திற்கே உரித்தான ஆரஞ்சு நிறத் தேர்வில் இந்த ஸ்கூட்டர் தயாரிக்கப்படவுள்ளது. அந்நிறுவனத்தின் மற்ற தயாரிப்புகளின் வழிப்படி, இந்த ஸ்கூட்டரும் கிஸ்கா டிசைன் தாத்பரியங்களுடன் தயாராகவுள்ளது.

Read More: ஊழியர்களின் சம்மதத்துடன் ஊதியத்தில் கைவைக்கும் பஜாஜ்..!

அதன்படி, இந்த ஸ்கூட்டர் பாதி தெரியும் டிரல்லீஸ் ஃபிரேம், கூர்மையான மற்றும் குறைந்தளவிலான கட்டமைப்புகள் கொண்டு தயாராகவுள்ளது. மேலும் ஸ்கூட்டரின் சக்கரங்கள் ஆரஞ்சு நிறத்தில் வழங்கப்படுகிறது. இது மிகவும் கவர்ச்சிகரமாக இருக்கும்.

Read More: பிஎஸ்6 ஹீரோ ஸ்பிளெண்டர் ஐஸ்மார்ட் பைக்குகள் விலை உயர்வு- முழு விபரம்..!

மேலும், இந்த மின்சார ஸ்கூட்டரில் பல்வேறு நவீன கட்டமைப்பு அம்சங்கள் இருக்கும் என்பது உறுதி செய்யப்பட்டுள்ளது. அதன்படி இந்த மாடலில் எல்.இ.டி விளக்கு அமைப்புகள், தொடு உணர்வுடன் கூடிய கட்டளைகளை ஏற்கும் டிஎஃப்டி இன்ஸ்ட்ரூமென்ட் கன்சோல் போன்றவை வழங்கப்படும் என எதிர்பார்க்கப்படுகிறது.

Read More: ஊரடங்கு முடிந்தவுடன் புதிய பைக்கை களமிறக்கும் ட்ரையம்ப்- என்ன மாடல் தெரியுமா..?

பஜாஜ் நிறுவனம் சேத்தக் ஸ்கூட்டரை ஈகோ மற்றும் ஸ்போர்ட் என இரண்டு மோடுகள் கொண்ட மாடலாக தயாரித்து வருகிறது. இதே இரண்டு மாடல்களும் கேடிஎம் எலெக்ட்ரிக் ஸ்கூட்டரில் இடம்பெறும் நிலையில், கூடுதலாக அதிவேக திறனை வெளிப்படுத்தும் ரேஸ் மோடும் வழங்கப்படுகிறது.

கேடிஎம் நிறுவனத்தின் புதிய மின்சார ஸ்கூட்டர் ஏத்தர் 450எக்ஸ் மாடலுக்கு சரிநிகர் போட்டியாக நிலைநிறுத்தப்படலாம் என வாகன வட்டாரங்களில் இருந்து செய்திகள் வந்துள்ளன. இதுதொடர்பான முழுமையான தகவல்களை கேடிஎம் நிறுவனம் விரைவில் வெளியிடும் என எதிர்பார்க்கப்படுகிறது.