முதல் மூன்று மாதங்கள் முடிவில் 2386 கார்களை விற்பனை செய்த மெர்சிடிஸ் பென்ஸ்..!

2020ம் ஆண்டுக்கான முதல் மூன்று மாதங்கள் நிறைவுற்றுள்ள நிலையில் மெர்சிடிஸ் பென்ஸ் இந்தியா நிறுவனம் மொத்தம் 2386 யூனிட் கார்களை விற்பனை செய்துள்ளதாக தகவல் வெளியிட்டுள்ளது. ஊரடங்கு உத்தரவு முடிந்தவுடன் இந்த விற்பனை திறன் மேலும் அதிகரிக்கும் என நிபுணர்கள் கூறுகின்றனர்.

இந்தியாவில் கடந்த ஜனவரி மாதம் முதலே மெர்சிடிஸ் நிறுவனம் புதிய கார்களை அறிமுகம் செய்யும் பணியினை தொடங்கிவிட்டது. அதன்படி அந்நிறுவனம் 2020ம் ஆண்டில் முதன்முதலாக அறிமுகம் செய்த கார் ஜி.எல்.இ மாடல். கடந்த பிப்ரவரி மாதம் நடைபெற்ற 2020 ஆட்டோ எக்ஸ்போவில் இந்த கார் காட்சிப்படுத்தப்பட்டது நினைவுகூறத்தக்கது.

Read More: ஹூண்டாய் பிஎஸ்6 கிராண்டு ஐ10 நியாஸ் சி.என்.ஜி மாடல் விற்பனைக்கு வந்தது..!

இதுதொடர்பாக கருத்து தெரிவித்துள்ள மெர்சிடிஸ் பென்ஸ் இந்தியா நிறுவனத்தின் தலைமை செயல் அதிகாரி மார்டின் ஷிஸ்வெங்க், நடப்பாண்டில் இந்தியாவில் வர்த்தகத்தை விரிவு செய்வது தொடர்பாக எங்களிடம் நிறைய திட்டங்கள் உள்ளன. ஆனால் கொரோனா வைரஸ் அச்சுறுத்தல் காரணமாக அவற்றை செயல்படுத்துவதில் காலதாமதம் ஏற்பட்டுள்ளது. எனினும், இந்த அவசர காலத்தில் வாடிக்கையாளர்களின் தேவைகளை பூர்த்தி செய்வதில் மெர்சிடிஸ் பென்ஸ் முழு அர்ப்பணிப்புடன் சேவையாற்றி வருகிறது என்று கூறினார்.

Read More: இந்தியாவில் BS 6 Hyundai Grand i10 NIOS டீசல் கார் விற்பனைக்கு அறிமுகம்..!

இந்தியாவிலேயே பிஎஸ்-6 நடைமுறைக்கு முதன்முதலாக மாறிய வாகன உற்பத்தி நிறுவனம் தான் மெர்சிடிஸ் பென்ஸ். இந்நிறுவனம் கடந்தாண்டு அறிமுகம் செய்த எஸ்-கிளாஸ் கார் தான் இந்தியாவிலேயே பிஎஸ்-6 விதிகளுக்குட்பட்டு விற்பனைக்கு வந்த முதல் கார்.

மேலும், இந்நிறுவனம் ஜிஎல்சி ஃபேஸ்லிஃப்ட், ஜிஎல்சி கூபே, ஜிஎல்இ கார்களை அடுத்தடுத்து விற்பனைக்கு கொண்டு வர தயாராக இருந்தது. மேலும் 2020 ஆட்டோ எக்ஸ்போவில் ஏ-கிளாஸ் லீமசீன் காரையும் மெர்சிடிஸ் பென்ஸ் காட்சிக்கு கொண்டுவந்தது. இந்த காருக்கு உலகளவில் நல்ல வரவேற்பு இருந்து வருவதாக நிகழ்வில் மெர்சிடிஸ் பென்ஸ் தகவல் தெரிவித்தது.

Read More: விரைவில் விற்பனைக்கு வரும் பிஎஸ்-6 ரெனோ கேப்சர்- தயாரிப்பு பணிகள் தீவிரம்

எனினும், கொரோனா வைரஸ் அச்சுறுத்தல் காரணமாக நாடு முழுவதும் ஏற்பட்டுள்ள இந்த முடக்கத்தை மெர்சிடிஸ் பென்ஸ் நிறுவனம் பயனுள்ளதாகவே செயல்படுத்தி வருகிறது. அதன்படி, இந்நிறுவனத்தின் கார்களை வாங்க விரும்புபவர்கள் கார் மாடல்களை ஆன்லைனிலேயே புக் செய்வதற்காக வழிமுறைகளையும் மெர்சிடிஸ் பென்ஸ் உருவாக்கி வைத்துள்ளது.