Maruti Jimny SUV இந்தியாவில் 12.47 லட்சத்தில் அறிமுகம்! முதல் 5 ஸ்டார் ஆப் ரோடிங் கார்!

Maruti Suzuki நிறுவனம் இந்தியாவில் அதன் Jimny SUV காரை 12.74 லட்சம் ரூபாய் (எக்ஸ் ஷோரூம்) விலையில் அறிமுகம் செய்துள்ளது. மொத்தமாக 6 ட்ரிம் ஆப்ஷன்களில் இந்த கார் வெளியாகியுள்ளது. மாருதி சுசூகி இந்தியாவில் பல ஆண்டுகளாக மிகவும் எதிர்பார்க்கப்பட்ட 5 டோர் கொண்ட Jimny SUV காரை மாருதி சுசூகி நிறுவனம் வெளியிட்டுள்ளது.

Authored byவெங்கட கிருஷ்ணன் | Samayam Tamil 20 Jun 2023, 10:56 am

இந்தியாவில் Off Roading SUV கார் செக்மென்ட்டில் மாருதி சுசூகி நிறுவனம் முதல் முறையாக அதன் 5 Door Jimny SUV காரை அறிமுகம் செய்துள்ளது. இந்தியாவில் மிகவும் பிரபலமாக இருந்த Jimny காரின் புதிய மேம்பட்ட மாடலாக இந்த கார் வெளியாகியுள்ளது. ஏற்கனவே இந்த காரை 30 ஆயிரத்திற்கும் மேற்பட்ட வாடிக்கையாளர்கள் முன்பதிவு செய்துள்ளனர். இந்த காரின் டெலிவரி இம்மாதம் முதல் துவங்கும். இந்த கார் Zeta ட்ரிம் முதல் Alpha ட்ரிம் வரை உள்ளது.

maruti suzuki jimny suv launches in india 12 lakh rupees price specs details tamil — Maruti Jimny SUV இந்தியாவில் 12.47 லட்சத்தில் அறிமுகம்! முதல் 5 ஸ்டார் ஆப் ரோடிங் கார்!

டிசைன் விவரம்

இந்த SUV கார் ஒரு உயர்த்தப்பட்ட டிசைன் அமைப்பு கொண்டுள்ளது. இதன் முன்பக்கம் Upright Pillar, வட்ட வடிவ ஹெட் லேம்ப், ஸ்லேட் கிரில், ஆப் ரோடிங் டயர், உயரமான வீல் ஆர்ச், டைல் மவுண்ட் ஸ்பேர் வீல், 15 இன்ச் அலாய் வீல், 5 டோர் வசதி, 3,985mm நீளம், 1,645mm அகலம், 1,720mm உயரம், 2,590mm வீல் பேஸ் உள்ளது.

என்ஜின் விவரம்

இதில் ஒரு K15B என்ஜின் இடம்பெற்றுள்ளது. இது பழைய மாருதி பிரீஸா காரில் இருந்த ஒரு என்ஜின் ஆகும். ஆனால் இப்போது இதன் மேம்பட்ட K15C என்ஜின் அப்டேட் செய்யப்பட்டாலும் மாருதி ஜிமினி காரில் அதே பழைய K15B என்ஜின் இருக்கிறது.

இதில் 1.5 லிட்டர் 4 சிலிண்டர் NA பெட்ரோல் என்ஜின் உள்ளது. இதன் பவர் 105BHP பவர் மற்றும் 134NM டார்க் வசதி, 5 ஸ்பீட் கியர் பாக்ஸ், 4 ஸ்பீட் டார்க் கன்வெர்ட்டர் ஆட்டோமேட்டிக் கியர் இடம்பெற்றுள்ளது. இந்த காரின் மேனுவல் கியர் 16.94KMPL மைலேஜ் மற்றும் ஆட்டோமேட்டிக் வேரியண்ட் 16.39 KMPL மைலேஜ் தருகிறது.

இன்டீரியர் வசதிகள்

இந்த காரில் ஒரு 9.0 இன்ச் Smart Play Pro+ இன்போடைன்மெண்ட் சிஸ்டம், ஆட்டோமேட்டிக் கிளைமேட் கன்ட்ரோல், கிருஸ் கன்ட்ரோல், கீலேஸ் என்ட்ரி, வயர்லெஸ் ஆப்பிள் கார் பிளே, ஆண்ட்ராய்டு ஆட்டோ, ஆட்டோ LED ஹெட்லேம்ப் உள்ளது.

மேலும் முழு பிளாக் தீம் இன்டீரியர், டேஷ்போர்டு மவுண்ட் கிராப் ஹாண்டில், ஸ்டேரிங் மவுண்ட் கன்ட்ரோல், HVAC கன்ட்ரோல், பவர் வின்டோ பட்டன் இடம்பெற்றுள்ளது.

பாதுகாப்பு வசதிகள்

இதன் உள்ளே 6 ஏர் பேக், ESP, ஹில் ஹோல்டு அஸ்சிஸ்ட், ஹில் டெஸ்ஸ்ண்ட் கன்ட்ரோல், All Grip Pro போன்ற முக்கியமான பாதுகாப்பு வசதிகள் உள்ளன.

விலை விவரம் (Maruti Suzuki Jimny Price)

இந்த காரின் Zeta வேரியண்ட் 12.74 லட்சம் ரூபாய் (எக்ஸ் ஷோரூம்) விலையில் தொடங்கி Alpha Dualtone ஆட்டோமேட்டிக் வேரியண்ட் 15.05 லட்சம் ரூபாய் (எக்ஸ் ஷோரூம்) விலை வரை உள்ளது. இந்தியாவின் நம்பர் 1 ஆப் ரோடிங் SUV காரான Mahindra Thar (10.54-16.77 லட்சம் ரூபாய்) காருக்கு நேரடி போட்டியாளராக இது உள்ளது.

செய்திகளை உடனுக்குடன் படிக்க கூகுள் நியூஸ்ல் 'சமயம் தமிழ்' இணையதளத்தை பின் தொடருங்கள்