ரூ. 7.49 லட்சம் ஆரம்ப விலையில் 2020 Skoda Rapid 1.0-Litre TSI கார் அறிமுகம்..!

இந்தியாவில் ஸ்கோடா ஆட்டோ நிறுவனம் 1.0 லிட்டர் டிஎஸ்ஐ பெட்ரோல் எஞ்சினில் இயங்கக்கூடிய 2020 ரேபிட் காரை ரூ. 7.49 லட்சம் (எக்ஸ்-ஷோரூம், இந்தியா) ஆரம்ப விலையில் விற்பனைக்கு அறிமுகம் செய்துள்ளது.

முன்னதாக விற்பனை செய்யப்பட்டு வந்த ஸ்கோடா ரேபிட் மாடலில் 1.6 லிட்டர் எம்பிஐ எஞ்சின் வழங்கப்பட்டு இருந்தது. தற்போது, இந்த தேர்வு நீக்கப்பட்டு ஃபோக்ஸ்வேகன் வென்டோ காரினுடைய 1.0 லிட்டர் பெட்ரோல் டிஎஸ்ஐ எஞ்சின் பொருத்தப்பட்டுள்ளது.

இந்த புதிய செடான் மாடலில் ரைடர், ஏம்பிஷன், ஓனிக்ஸ், ஸ்டைல் மற்றும் மான்டே கர்லோ ஆகிய 5 வேரியன்டுகள் இடம்பெற்றுள்ளன. இதனுடைய உயர்-ரக மான்டே கர்லோ மாடலுக்கு ரூ. 11.79 லட்சம் (எக்ஸ்-ஷோரூம், இந்தியா) விலை நிர்ணயம் செய்யப்பட்டுள்ளது.

Read More: ரூ. 24.99 லட்சம் விலையில் புதிய Skoda Karoq SUV விற்பனைக்கு அறிமுகம்..!

புதிய ஸ்கோடா ரேபிட் காரின் அனைத்து வேரியன்டுகளிலும் 999 சிசி டர்போசார்ஜிடு 3 சிலிண்டர் பெட்ரோல் எஞ்சின் உள்ளது. இது 108 பிஎச்பி பவர் மற்றும் 175 என்.எம் டார்க் திறனை அதிகப்பட்சமாக வெளிப்படுத்தும்.

வேரியன்டுகளுக்கு ஏற்றவாறு இந்த கார் 6 ஸ்பீடு மேனுவல் மற்றும் ஆட்டோமேட்டிக் டிரான்ஸ்மிஷன் தேர்வுகளில் விற்பனைக்கு கிடைக்கும். ஆராய் சான்றிதழின் படி இந்த கார் லிட்டருக்கு 18.9 கிமீ மைலேஜ் வழங்குவதாக ஸ்கோடா நிறுவனம் தகவல் தெரிவித்துள்ளது.

கடந்த பிப்ரவரி மாதம் நடைபெற்ற 2020 ஆட்டோ எக்ஸ்போ நிகழ்வில் புதிய ஸ்கோடா ரேபிட் 1.0 லிட்டர் டிஎஸ்ஐ பெட்ரோல் மாடல் காட்சிப்படுத்தப்பட்டது. புதிய எஞ்சினை தவிர்த்து, இந்த காரில் பெரியளவில் மாற்றங்கள் செய்யப்படவில்லை. இருந்தாலும் காருக்குள் ஆங்காங்கே புதிய கட்டமைப்புகளை காண முடிகிறது.

Read More: ரூ. 29.99 லட்சம் ஆரம்ப விலையில் 2020 Skoda Superb Facelift கார் விற்பனைக்கு அறிமுகம்..!

இந்த காரில் ஆட்டோமேட்டிக் கிளைமேட் கன்ட்ரோல், 8 அங்குல தொடுதிரை இன்ஃபொடெயின்மென்ட் சிஸ்டம், ஆப்பிள் கார்பிளே மற்றும் ஆன்டுராய்டு ஆட்டோ கனெக்ட்டிவிட்டி, ஸ்கெஃப் பிளேட்டுகள், பிளாட் பாட்டம் ஸ்ட்ரீயரிங் வீல், எல்.இ.டி விளக்கு அமைப்புகள், உயர்ரக லெதராலான இருக்கை, க்ரூஸ் கன்ட்ரோல், 16 அங்குலத்தில் அலாய் சக்கரங்கள், 4 ஏர்பேகுகள், ஏபிஎஸ், இபிடி, ரியர்வியூ கேமரா மற்றும் சென் சார்கள், பிரேக் அசிஸ்ட் மற்றும் பலதரப்பட்ட பாதுகாப்பு அம்சங்கள் இந்த காரில் உள்ளன.

Read More: ரூ. 9.30 லட்சம் ஆரம்ப விலையில் 2020 Hyundai Verna Facelift கார் அறிமுகம்..!

மேலும் இந்த கார் கேன்டி வொயிட், கார்பன் ஸ்ட்ரீட், பிரில்லியன்ட் சில்வர், டாஃபி பிரவுன், லாபிஸ் ப்ளூ மற்றும் பிளாஷ் ரெட் ஆகிய வண்ணத் தேர்வுகளில் விற்பனைக்கு வந்துள்ளது. இந்த கார் ஃபோக்ஸ்வேகன் வென்டோ, மாருதி சுஸுகி சியாஸ், ஹூண்டாய் வெர்னா மற்றும் ஹோண்டா சிட்டி கார்களுக்கு சரியான போட்டியாக அமையும்.