ரூ. 9.91 லட்சம் ஆரம்ப விலையில் புதிய Honda City BS6 பெட்ரோல் கார் அறிமுகம்..!

உலகளவிலான மிட்-சைஸ் செடான் செக்மென்டில் கலக்கி வரும் சிட்டி காரின் புதிய பிஎஸ்-6 பெட்ரோல் வேரியண்ட் மாடலை ஹோண்டா கார்ஸ் நிறுவனம் விற்பனைக்கு அறிமுகம் செய்துள்ளது.

தற்போது விற்பனையில் இருந்து வரும் பிஎஸ்-4 சிட்டி பெட்ரோல் காரை விட, இந்த புதிய மாடல் ரூ. 15 ஆயிரம் கூடுதலாக விலை பெறுகிறது. அதன்படி, சிட்டி மாடலின் பெட்ரோல் காருக்கு ரூ. 9.91 லட்சம் முதல் ரூல் 14.31 லட்சம் வரை விலை நிர்ணயம் செய்யப்பட்டுள்ளது. இது எக்ஸ்-ஷோரூம் விலையாகும்.

Read More: ரூ. 44.98 லட்சம் ஆரம்ப விலையில் புதிய (2020) Jaguar XE Facelift கார் அறிமுகம்..!

இந்த காரிலுள்ள 1.5 லிட்டர் பெட்ரோல் எஞ்சின், அதிகப்பட்சமாக 117 பிஎச்பி பவர் மற்றும் 145 என்.எம் டார்க் திறனை வழங்கும். வாடிக்கையாளர்களின் தேர்வுக்கு ஏற்றவாறு 5 ஸ்பீடு மேனுவல் அல்லது சிவிடி கியர்பாக்ஸ் ஆப்ஷனில் கிடைக்கும் இந்த கார், பிஎஸ்-6 மாசு உமிழ்வு விதிகளை பூர்த்தி செய்யும் தொழில்நுட்பத்துடன் உருவாக்கப்பட்டுள்ளது.

இந்தியாவில் பிஎஸ்-6 வாகன விதிகள் நடைமுறைக்கு வர சில மாதங்களே இருக்கும் நிலையில், நாட்டில் வாகன உற்பத்தி மற்றும் விற்பனையை செய்து வரும் அனைத்து நிறுவனங்களும் தங்களுடைய தயாரிப்புகளை புதிய வாகன விதிகளுக்கு ஏற்றவாறு தயாரித்து வருகின்றன.

Read More: ரூ. 8.30 லட்சம் ஆரம்ப விலையில் Mahindra BS6 XUV300 கார் அறிமுகம்..!

தற்போது சிட்டி காரின் பிஎஸ்-6 பெட்ரோல் வேரியன்ட் மாடல் விற்பனைக்கு கொண்டு வரப்பட்டுள்ளது. அதை தொடர்ந்து பிஎஸ்-6 சிட்டி டீசல் கார் 2020 ஏப்ரல் மாதத்தில் விற்பனைக்கு கொண்டு வரப்படவுள்ளது. இதற்கிடையில் தற்போது விற்பனையாகி வரும் பிஎஸ்-4 சிட்டி காருக்கு ரூ 5000 அரை விலை அதிகரிக்கப்பட்டுள்ளது குறிப்பிடத்தக்கது.

Read More: ரூ. 52.75 லட்சம் தொடக்க விலையில் 2020 Mercedes-Benz GLC அறிமுகம்..!

சிட்டி டீசல் மாடலில் 1.5 லிட்டர் ஐடிடெக் எஞ்சின் பொருத்தப்பட்டுள்ளது. இது 99 பிஎச்பி பவர் மற்றும் 200 என்.எம் டார்க் திறனை அதிகப்பட்சமாக வெளிப்படுத்தும். விரைவில் இந்த எஞ்சின் பிஎஸ்-6 மாசு உமிழ்வு தரத்திற்கு மேம்படுத்தப்படும் என ஹோண்டா கார்ஸ் நிறுவனம் தகவல் வெளியிட்டுள்ளது.

புதிய ஹோண்டா சிட்டி காரில் 7.0 இஞ்ச் தொடுதிரையுடன் கூடிய இன்ஃபொடெயின்மென்ட் சிஸ்டம் உள்ளது. இது ஆண்ட்ராய்டு ஆட்டோ மற்றும் ஆப்பிள் கார் பிளேவுக்கு ஆதரவளிக்கும் வகையில் தயாரிக்கப்பட்டுள்ளது. இந்த இன்ஃபொடெயின்மென்ட் சிஸ்டத்தில் நேவிகேஷன், ப்ளூடூத், குரல்வழி கட்டளைகளை ஏற்கும் வசதி போன்றவை இடம்பெற்றுள்ளன.

பிஎஸ்-6 மாசு உமிழ்வு தரத்திற்கு இணையாக மேம்படுத்தப்பட்டுள்ள ஹோண்டா சிட்டி கார் அடுத்தாண்டு, இந்தியாவில் விற்பனைக்கு கொண்டுவரப்படவுள்ளது. தாய்லாந்தில் அண்மையில் இந்த கார் விற்பனைக்கு கொண்டுவரப்பட்டது. டீசல் எஞ்சின் தேர்வுடன் இந்த கார் வெளியாகவுள்ள நிலையில், 1.0 லிட்டர் டர்போ பெட்ரோல் எஞ்சின் தேர்வும் எதிர்பார்க்கப்படுகிறது.