ஆட்டோ எக்ஸ்போவில் தரிசனம் தந்த புதிய மாருதி சுஸுகி ஸ்விஃப்ட் ஹைப்ரிட் கார்..!

டீசல் கார் உற்பத்தி பணிகள் நிறுத்தப்பட்டுவிட்ட நிலையில், மாருதி சுஸுகி நிறுவனம் சிஎன்ஜி மற்றும் ஹைப்ரிட் தொழில்நுட்பத்தில் இயங்கக்கூடிய வாகனங்களை உற்பத்தி செய்யும் பணிகளில் தீவிரம் காட்டி வருகிறது.

அதன்படி, 2020 ஆட்டோ எக்ஸ்போவில் சி.என்.ஜி வேரியன்ட் கொண்ட எஸ்-பிரெஸ்ஸோ ஹேட்ச்பேக் காரை காட்சிப்படுத்தியுள்ளது மாருதி சுஸுகி, அதனுடன் ஹைப்ரிட் தொழில்நுட்பத்தில் இயங்கும் ஸ்விஃப்ட் காரையும் அந்நிறுவனம் அறிமுகம் செய்துள்ளது.


Read More: Auto Expo 2020: கியா கார்னிவல் எம்பிவி கார் விற்பனைக்கு அறிமுகம்- விலை எவ்வளவு தெரியுமா..?

இந்த புதிய ஸ்விஃப்ட் காரில் 1.2 லிட்டர் கேச்12சி பெட்ரோல் எஞ்சின் உள்ளது. இது 91 பிஎச்பி பவர் மற்றும் 118 என்.எம் டார்க் திறனை அதிகப்பட்சம் வெளிப்படுத்தும். தவிர, இந்த காரில் 48V மைல்டு ஹைப்ரிட் சிஸ்டம் வழங்கப்பட்டுள்ளது.

முன்னதாக விற்பனைக்கு அறிமுகம் செய்யப்பட்ட மாருதி சுஸுகி பலேனோ, சியாஸ், எர்டிகா கார்களில் 12V மைல்டு ஹைப்ரிட் சிஸ்டம் இடம்பெற்றுள்ளது. இதை விட நவீன தொழில்நுட்பங்களுடன் கூடிய ஹைப்ரிட் சிஸ்டத்துடன் புதிய ஸ்விஃப்ட் கார் உருவாக்கப்பட்டுள்ளது.


Read More: Auto Expo 2020: கியா மோட்டார்ஸ் சொனெட் காம்பேக்ட் எஸ்யூவி கார் அறிமுகம்..!

அதன்படி இந்த காரில் 48V லித்தியம் அயன் பேட்டரி, இன்டகிரேடட் ஸ்டார்ட்டர் ஜெனரேட்டர் மற்றும் 48V-12V கன்வெர்ட்டர் ஆகியவை வழங்கப்பட்டுள்ளன. இதன்மூலம் 105 பிஎச்பி பவர் மற்றும் 148 என்.எம் டார்க் திறன் அதிகப்பட்சமாக கிடைக்கும்.

சுஸுகி நிறுவனம், சர்வதேச சந்தைகளில் ஹைப்ரிட் ஸ்விஃப்ட் காரை விற்பனை செய்து வருகிறது அந்த கார்களில் 1.4 லிட்டர் பூஸ்டர்ஜெட் பெட்ரோல் எஞ்சின் வழங்கப்பட்டுள்ளது.

Read More: Auto Expo 2020: புதிய Renault Kwid Electric (K-ZE) கார் அறிமுகம்..!

இந்தியாவில் அறிமுகம் செய்யப்பட்டுள்ள ஸ்விஃப்ட் ஹைப்ரிட் கார் லிட்டருக்கு 32 கி.மீ மைலேஜ் தரும் என மாருதி சுஸுகி கூறுகிறது. சிறந்த எரிபொருள் சிக்கனம் வழங்கும் மாடலாக இந்த கார் விளங்கும் என தெரிவிக்கப்பட்டுள்ளது.