பயன்படுத்தப்பட்ட கார்களின் Loan வாங்கும் நேரம் கவனத்தில் கொள்ளவேண்டியவை!

பயன்படுத்தப்பட்ட கார்களின் விற்பனை தற்போது அதிகரித்து வருகிறது. இதற்கு முக்கிய காரணம் புதிதாக கார் எடுக்க நினைக்கும் வாடிக்கையாளர்கள் பெரிய தொகையை கார்களில் செலுத்த மனம் வராமல் இந்த பயன்படுத்தப்பட்ட கார்களை தேர்வு செய்கிறார்கள்.
முன்பெல்லாம் பயன்படுத்தப்பட்ட கார்களுக்கு முழு தொகை செலுத்தவேண்டிய சூழல் இருந்தது. ஆனால் தற்போது பயன்படுத்தப்பட்ட கார்களுக்கே புதிய கார்களுக்கே இருப்பது போல வங்கி கடன் வசதி உள்ளது.
Car Tips: பயன்படுத்தப்பட்ட கார்கள் வாங்க டீலர்களிடம் அல்லது தனிப்பட்ட ஓனர்கள்! எது சிறந்தது?
இதனால் வாடிக்கையாளர்கள் எந்த ஒரு கவலையும் இன்றி கார்களை வாங்கமுடியும். ஆனால் இதனை நாம் வாங்கும் முன்னர் சில முக்கியமான விஷயங்களை கவனத்தில் கொள்ளவேண்டும்.
Car Loan வாங்கும் முன்னர் நீங்கள் தெரிந்துகொள்ளவேண்டிய முக்கிய விவரங்கள்!

1. பயன்படுத்தப்பட்ட கார்களுக்கு தனியாக சில நிறுவனங்களும் வங்கிகளும் கடன் வசதி வழங்குகின்றன. இதனை நாம் வங்கிகளில் கேட்டும் அல்லது பயன்படுத்தப்பட்ட கார்களை விற்பனை செய்யும் நிறுவனங்களிடமும் கேட்டு தெரிந்துகொள்ளலாம்.
2. முதலில் நமக்கு தேவையான சரியான காரை தேர்தெடுத்துபிறகு அதன் விலைக்கு ஏற்ப எந்த வங்கியில் சிறந்த வசதிகள் மற்றும் வட்டி விகிதம் உள்ளது என்பதை தெரிந்துகொள்ளவேண்டும். இதில் சற்று பொறுமையாக இருந்தால் நமக்கு தேவையான விலை உயர்ந்த காரை கூட குறைந்த வட்டியில் பெறமுடிடியும்.
3. காரை தேர்ந்தெஎடுத்தவுடன் அந்த காரின் முடிவு விலையை நிர்ணயம் செய்யவேண்டும். உதாரணமாக அந்த கார் மொத்தமாக ஓடிய கிலோமீட்டர்கள், தேய்மானம், கார் மாடல் போன்றவற்றை கணக்கில் கொண்டு அந்த காரின் விலையை நிர்ணயம் செய்யவேண்டும். இதுபோன்ற நேரங்களில் பயன்படுத்தப்பட்ட கார்களை விற்பனை செய்யும் நிறுவனங்கள் அந்த கார்களின் விலையை ஏற்கனவே நிர்ணயம் செய்திருப்பார்கள். அதில் அந்த காரின் சர்வீஸ் ரெகார்ட், இன்சூரன்ஸ் போன்றவற்றை கேட்டுப்பெறவேண்டும்.
4. காரின் விலை நிர்ணயம் செய்யப்பட்டவுடன் அந்த காருக்கு சிறந்த வங்கி கடன் எங்கு கிடைக்கிறது என்பதை தேர்வுசெய்யவேண்டும். பெரும்பாலான வங்கிகள் காரின் விலையில் 80 முதல் 85% வரை கடன் வழங்கும்.
5. வங்கி கடனுக்கு அடுத்தபடியாக வங்கி வட்டி விகிதம் எவ்வளவு உள்ளது என்பதை தெரிந்துகொள்ளவேண்டும். பெருமாபாலன வங்கிகள் பயன்படுத்தப்பட்ட கார்களுக்கு 11 முதல் 18% வரை வங்கி கடன் கிடைக்கின்றன. இது புதிய கார்களில் 7.5% வட்டி விகிதத்தை விட அதிகம் ஆகும்.
6. அடுத்தபடியாக கடன் தவணை செலுத்தும் காலம் எவ்வளவு என்பதை நிர்ணயம் செய்யவேண்டும். உதாரணமாக 3 முதல் ஆண்டுகளில் இந்த கடன் தவணை நிறைவுபெரும். இதற்கு முக்கிய காரணம் நமக்கு கிடைக்கும் கடன் புதிய கார்களுக்கான கடன் அளவை விட குறைவு.
7. இவை எல்லாவற்றையும் முடிவு செய்தபின் நமக்கு மாதம் மாதம் செலுத்தவேண்டிய EMI விவரம் வெளியாகும். வட்டி விகிதம் புதிய காரை விட அதிகம் என்பதால் முடிந்த அளவு கடனை குறைந்த நாட்களில் செலுத்துவது சிறந்தது.