ரூ.3.88 கோடி மதிப்பில், இந்தியாவில் ’911 GT2 RS' ரேஸ் காரை அறிமுகம் செய்த போர்ஸ்சே!

நியூ டெல்லி: ஜெர்மன் ஸ்போர்ட்ஸ் கார் தயாரிப்பு நிறுவனமான போர்ஸ்சே, புத்தம் புதிய ’911 GT2 RS' மாடல் காரைன் இந்தியாவில் அறிமுகம் செய்துள்ளது.

இதன் விலை ரூ.3.88 கோடி ஆகும். இது ஜெர்மனியின் பிரபல ரேஸ் டிராக்கில் 6 நிமிடங்கள் 47.3 நொடிகளில் பயணித்து, புதிய சாதனையை தன் வசம் வைத்துள்ளது. போர்ஸ்சே நிறுவனத்தின் அதிவேக 911 காரில் 3.8 லி, 700PS பிடர்போ பிளாட் எஞ்சின் கொண்டுள்ளது. இதன் எடை முழுவதும் எரிபொருள் நிரப்பப்பட்ட நிலையில் 1,470 கிலோ ஆகும்.

இருவர் மட்டும் அமர்ந்து செல்லும் வகையில் வடிவமைக்கப்பட்டுள்ள இந்த கார், 2.8 நொடிகளில் 100 கி.மீ வேகத்தை அடைந்துவிடும். இதைக் கொண்டு அதிகபட்சமாக 340 கி.மீ வேகம் வரை செல்லலாம். எனவே 750Nm டர்க்யூ திறனை வெளிப்படுத்துகிறது. புத்தம் புதிய ’911 GT2 RS’ மாடல் காரில் முதல் முறையாக டபுள் கிளட்ச் டிரான்ஸ்மிஷன் பொருத்தப்பட்டுள்ளது.

இதிலுள்ள ‘பேட்டல் நியூட்ரல்’ அமைப்பானது ஓட்டுநருக்கு சிறப்பான இயக்கும் திறனை அளிக்கிறது. இதன் இயக்கு திறன் அமைப்பு, உயர்தர கலவையான சக்கரங்கள், செராமிக் காம்போசைட் பிரேக், ரியர் ஆக்சில் ஸ்டீயரிங், பந்தய சுற்றுகளை வேகமாக கடக்க PSM ஸ்போர்ட் செயல்பாடு ஆகியவை காருக்கு சிறப்பான செயல்பாட்டை அளிக்கிறது.

இதுதொடர்பாக போர்ஸ்சே இந்தியா நிறுவனத்தின் இயக்குநர் பவன் ஷெட்டி கூறுகையில், இந்தியாவில் இருக்கும் ஸ்போர்ட்ஸ் பிரியர்களுக்கு இது ஒரு பொன்னான நாள் ஆகும். இங்கு ஸ்போர்ட்ஸ் கார்களுக்கான எதிர்பார்ப்பு அதிகம் இருக்கிறது. எனவே எங்களின் தயாரிப்பு, வாடிக்கையாளர்களை பெரிதும் கவரும் என்று எதிர்பார்க்கிறோம் என்றார்.

At Rs 3.88 crore, Porsche launches new 911 GT2 RS in India.