நவம்பர் மாதத்தில் நாட்டின் பயணிகள் வாகன விற்பனை உயர்வு

நவம்பர் மாத முடிவில், உள்நாட்டில் நடைபெற்ற பயணிகள் வாகன விற்பனை 1.82% உயர்வுடன், 2,40,979 ஆக உள்ளது.

சியாம் எனப்படும் இந்திய வாகன உற்பத்தியாளர்கள் கூட்டமைப்பு வெளியிட்டுள்ள அறிக்கையிலேயே இத்தகவல் தெரிவிக்கப்பட்டுள்ளது. இதன்படி, கடந்த 2015ம் ஆண்டின் நவம்பர் மாதத்தில் நாட்டின் பயணிகள் வாகன விற்பனை 2,36,664 என்றிருந்தது. தற்போது இதுவே 1.82% உயர்வடைந்து, 2,40,979 ஆக உள்ளது.

இதேபோன்று, வர்த்தக வாகனங்களின் விற்பனை 11.58% குறைந்து, 45,773 எனவும் உள்ளது.

மதிப்பீட்டு காலத்தில், ஒட்டுமொத்த இருசக்கர வாகன விற்பனை 5.85% சரிவுடன் 12,43,251 ஆகவும் உள்ளது. இதில், மோட்டார் சைக்கிள் விற்பனை மட்டும் 10% சரிவடைந்து, 7,78,11 ஆக உள்ளது.

நவம்பர் மாத முடிவில், இருசக்கர வாகனம், கார்கள் என பல்வேறு தரப்பிலும் மொத்தம் 15,63,665 வாகனங்கள் விற்பனை செய்யப்பட்டதாகவும், இது 5.48% குறைவு எனவும் வாகன உற்பத்தியாளர்கள் சங்கம் குறிப்பிட்டுள்ளது.

English Summary:

Domestic passenger vehicle sales rose 1.82 per cent to 2,40,979 units in November, from 2,36,664 in the same month last year.