100% வரை சாலை வரியை சேமிக்க வழிவகை செய்யும் எலக்ட்ரிக் கார்கள்; மாநில அரசு அதிரடி!

புதுடெல்லி: எலக்ட்ரிக் கார்கள் வாங்கினால், சாலை வரியில் இருந்து சலுகை கிடைக்கும் என்ற அறிவிப்பு விரைவில் வெளியாகிறது.

தலைநகர் டெல்லியில் எலக்ட்ரிக் கார்கள் பயன்பாட்டை ஊக்குவிக்க மாநில அரசு பல்வேறு நடவடிக்கைகள் எடுத்து வருகிறது. இதற்கான பிரத்யேக வழிமுறைகளை உருவாக்கி, அதனை விரைவில் அறிவிக்க உள்ளதாக போக்குவரத்து துறை அமைச்சர் கைலாஷ் கஹ்லோத் தெரிவித்துள்ளார். இருப்பினும் எலக்ட்ரிக் கார்கலுக்கு சாலை வரியில் இருந்து விலக்கு என்று குறிப்பிடவில்லை.

கணிசமான அளவு குறைக்கப்படும் என்று கூறினார். மேலும் அதிகப்படியான சலுகைகளும் அளிக்க திட்டமிடப்பட்டுள்ளது. இந்த கார்களுக்கு சார்ஜிங் வசதி அளிக்கும் பூத்களை கட்டமைக்கும் செயல்களும் நடைபெற்று வருகின்றன.

தற்போது எலக்ட்ரிக் வாகனங்கள் ரூ.8 லட்சம் முதல் ரூ.12 லட்சம் வரை விற்கப்படுகின்றன. நீங்கள் ரூ.10 லட்சத்திற்கு எலக்ட்ரிக் வாகனம் ஒன்றை வாங்கினால், ரூ.70,000 சாலை வரியை சேமிக்கலாம். தற்போது ரூ.6 லட்சம் மற்றும் அதற்கு அதிக விலை கொண்ட வாகனங்களுக்கு 7% சாலை வரி விதிக்கப்பட்டு வருகிறது.

இதற்கிடையில் பழைய டீசல் அல்லது பெட்ரோல் வாகனங்களை எலக்ட்ரிக் வாகனங்களுக்கு மாற்றிக் கொண்டால் மட்டுமே முக்கிய சலுகைகள் வழங்க திட்டமிடப்பட்டு வருவதாக கூறப்படுகிறது.

கடந்த மார்ச் மாதம் எலக்ட்ரிக் வாகனங்களுக்கான திட்டத்தை தனது பட்ஜெட்டில் டெல்லி அரசு அறிவித்தது. அதன்படி, எலக்ட்ரிக் வாகனங்களுக்கு மானியம் வழங்கப்படும். இருப்பினும் பெட்ரோல், டீசல் வாகனங்களை விட, எலக்ட்ரிக் வாகனங்கள் அதிக விலை கொண்டிருப்பது குறிப்பிடத்தக்கது.

Electric car may save you over Rs 70,000 in road tax.