சிறுக சிறுக சேர்த்து வைத்து பிரபல ஆடம்பர காரை வாங்கி தங்கைக்கு பரிசளித்த டாப்ஸி..!

டெல்லியை பூர்வீகமாக கொண்ட டாப்ஸி தெலுங்கு சினிமாவில் நடித்து பிரபலமானதன் மூலம் தமிழ் திரையுலகில் கால் பதித்தார். வெற்றிமாறன் இயக்கத்தில் வெளியான அவருடைய முதல் படமான ‘ஆடுகளம்’ 3 தேசிய விருதுகளை பெற்றது.

தொடர்ந்து தமிழ், தெலுங்கு என டாப்ஸி நடித்து வந்தாலும் பெரியளவில் அவர் வெற்றி பெறவில்லை. ராகவா லாரன்ஸ் இயக்கத்தில் முழு நீள கதாநாயகியாக இவர் நடித்த ‘காஞ்சனா 2’ படமும் மாபெரும் வசூல் சாதனை படைத்தது. எனினும், படத்தில் சிறப்புத் தோற்றத்தில் நடித்த நித்யா மேனன் மக்கள் அளித்த வரவேற்பை தட்டிச் சென்றார்.

பிறகு பாலிவுட் படங்களில் நடிக்க ஆரம்பித்தார். சிறிய பட்ஜெட் படங்கள் என்று இவர் நடித்த ‘பிங்க்’, ’மன்மரிசியாம்’ போன்ற படங்கள் மக்களிடம் ஏகோபித்த ஆதரவை பெற்றன. தற்போது பாலிவுட் படங்களில் முன்னணி நடிகையாக உயர்ந்துவிட்டார் டாப்ஸி.


இந்நிலையில், ’மாயா’வை தொடர்ந்து இயக்குநர் அஸ்வின் சரவணன் இயக்கத்தில் தமிழ், இந்தியில் வெளியான ‘கேம் ஓவர்’ படத்தில் மாறுபட்ட கதாபாத்திரத்தில் நடித்திருந்தார் டாப்ஸி. அப்படம் விமர்சகர்களிடமும், வசூல் ரீதியாகவும் நல்ல வரவேற்பை பெற்றது.

இவ்வாறு கடும் முயற்சியில் முன்னேறி உச்சத்திற்கு சென்றுள்ள நடிகை டாப்ஸி, தன்னுடைய சொந்த காசில் அவருடைய தங்கைக்கு ஜீப் காம்பஸ் காரை வாங்கி தங்கை பிறந்த நாளன்று பரிசளித்துள்ளார். இது தொடர்பான வீடியோவையும் அவர் இன்ஸ்டாவில் பதிவிட்டுள்ளார்.

லிமிடெட் பிளஸ் வேரியண்ட் மாடலான அந்த கார் மல்டிஜெட் 2 2.0 லிட்டர் டர்போ டீசல் அல்லது 1.4 லிட்டர் மல்டிலேர் பெட்ரோல் எஞ்சின் தேர்வுகளில் கிடைக்கிறது. டாப்ஸி வாங்கிய கார் எந்த மாடல் என்பது இதுவரை தெரியவில்லை.

இந்த காரில் டூயல் பனோரேமிக் சன்ரூஃப், ஆப்பிள் கார்பிளே மற்றும் ஆண்ட்ராய்டு ஆட்டோவை சப்போர்டு செய்யும் 8.4 இஞ்ச் தொடுதிரை கொண்ட இன்ஃபொடெயின்மென்ட் சிஸ்டம், ஆட்டோ முகப்பு விளக்குகள், மழை வருவதை அறிந்து இயங்கும் வைப்பர்கள், 8 முறையில் சரிசெய்யும் வசிதி பெற்ற ஓட்டுநர் இருக்கௌ, 18 இஞ்ச் அலாய் சக்கரங்கள் என பல்வேறு அம்சங்கள் இந்த மாடல் காரில் இடம்பெற்றுள்ளன.

இன்ஸ்டாகிராமில் டாப்ஸி வெளியிட்டுள்ள வீடியோவில், தன்னுடைய சகோதிரிக்கு என்னால் முடிந்த பரிசை அளித்துள்ளேன். விரைவில் என்னுடைய பிறந்தாளும் வரவிருக்கிறது. அப்போது எனக்கு கிடைக்கப் போக்கும் பரிசை நினைத்து நானும் ஆர்வமாக இருக்கிறேன் என்று அவர் தெரிவித்துள்ளார்.