லம்போர்கினி ஹூராகேன் எவோ சூப்பர் கரை சொந்தமாக வாங்கினாரா ஹர்திக் பாண்டியா..?

கடந்தாண்டு ஆடி ஏ6 35டிடிஐ காரை சொந்தமாக வாங்கியதை தொடர்ந்து பிரபல இந்திய கிரிக்கெட் அணி வீரர் ஹர்திக் பாண்டியா ஆடம்பரமான லம்போர்கினி ஹீராகேன் எவோ சூப்பர் காரை சொந்தமாக வாங்கியுள்ளதாக தகவல்கள் வெளியாகியுள்ளன.

இர்பான் பதான், யூசுப் பதான் வரிசையில், ஹர்திக் பாண்டியா மற்றும் குர்ணல் பாண்டியா சகோதரர்கள் நட்சத்திர வீரர்களாக வலம் வருகின்றனர். அதிலும் ஹர்திக், இந்திய கிரிக்கெட் அணியில் நிரந்தர இடத்தை எட்டிப் பிடித்துள்ளார்.

ஃபேஷன், கலை நிகழ்ச்சிகள் மீது ஆர்வம் கொண்ட ஹர்த்திக் பாண்டியாவுக்கு ஆடம்பர கார்கள் மீது மிகுந்த ஆர்வம் உள்ளது. ஏற்கனவே இவரிடம் மெர்சிடிஸ்-ஏஎம்ஜி ஜி63 மற்றும் ஆடி ஏ6 35டிடிஐ கார்கள் சொந்தமாக உள்ளன.

இந்நிலையில், லம்போர்கினி ஹீராகேன் எவோ சூப்பர் காரை அவர் சொந்தமாக வாங்கியிருப்பதாக தகவல்கள் வெளியாகியுள்ளன. அண்மையில் ஹர்திக், அந்த காரை சாலையில் ஓட்டிச் செல்லும் வீடியோ வெளியாகி சமூகவலைதளங்களில் வைரலாகி வருகிறது.

பளபளக்கும் ஆரஞ்சு நிறத்தில் ஜொலிக்கும் இந்த காரை ஹர்திக் ஓட்டிச்செல்லும் போது, அவருடைய சகோதரர் குர்ணாலும் உடன் இருந்துள்ளார். இந்த காரை ஹர்திக் சொந்தமாக வாங்கியுள்ளாரா? என்பது உறுதியாக தெரியவில்லை.


வாகனங்கள் உட்பட தனக்கு பிடித்த பொருட்களை வாங்கும் போதும், பயன்படுத்தும் போதும் அதை சமூகவலைதளங்களில் அறிவிப்பது ஹர்திக்கின் வழக்கம். ஆனால் இந்த காரை வாங்கியதாக அவர் எங்கும் தகவல் தெரிவிக்கவில்லை.

இதனால் லம்போர்கினி ஹீராகேன் எவோ சூப்பர் காரை, ஹர்திக் சொந்தமாக வாங்கினாரா இல்லையா என்பது தெரியவில்லை. எனினும், இந்த காரை பாண்டியா சகோதரர்கள் டெஸ்ட் டிரைவ் செய்து பார்ப்பதற்காக வாங்கியுள்ளனர் என்றும் தகவல்கள் உள்ளன.

இந்திய மதிப்பில், லம்போர்கினி ஹீராகேன் எவோ சூப்பர் கார் ரூ. 3.73 கோடி விலை (எக்ஸ்-ஷோரூம்) பெறுகிறது. இதில் 5.2 லிட்டர் நேச்சுரலி ஏஸ்பிரேடட் லம்போர்கினி வி10 எஞ்சின் உள்ளது. இது 640 பிஎச்பி பவர் மற்றும் 600 என்.எம் டார்க் திறனை வழங்கும்.


மொத்தமாக 1,422 கிலோ எடை கொண்ட இந்த கார், துவக்க நிலையில் இருந்து 100 கி.மீ வேகத்தை 2.9 நொடிகளில் எட்டிப் பிடித்துவிடும். மேலும், 200 கி.மீ வேகத்தை 9 விநாடிகளில் இந்த கார் அடைந்துவிடும்.

உலகின் சூப்பர் கார்கள் மாடல்களில் முதன்மை வகிக்கும் லம்போர்கினி ஹீராகேன் எவோ மாடலை ஹர்த்திக் பாண்டியா சொந்தமாக வாங்கியுள்ளாரா என்பதை பல ரசிகர்கள் கேள்வி எழுப்பி வருகின்றனர். எனினும், இதுவரை அதற்கு அவரிடமிருந்து பதில் வரவில்லை. இதனால் ஹர்த்திக் பாண்டியாவின் அறிவிப்பை எதிர்நோக்கி அவருடைய ரசிகர்கள் காத்திருக்கின்றனர்.