இப்பவே முந்துங்கள்: ராயல் என்ஃபீல்டுக்கு ஸ்பெஷல் கடன் திட்டம்

ராயல் என்ஃபீல்டு மோட்டார்சைக்கிள்களுக்கு விசேஷ மாதத் தவணை திட்டம் அறிமுகம் செய்யப்பட்டு இருக்கிறது .

எச்டிஎஃப்சி வங்கி மற்றும் கேபிட்டல் ஃபர்ஸ்ட் நிதி நிறுவனம் வழியாக தனது 350சிசி மற்றும் 500சிசி மோட்டார்சைக்கிள்களுக்கு இந்த சிறப்பு மாதத் தவணை திட்டத்தை ராயல் என்ஃபீல்டு அறிமுகம் செய்துள்ளது.

இந்த சிறப்பு மாதத் தவணை திட்டத்தின் மூலமாக குறைந்தது ஓர் ஆண்டு முதல் அதிகபட்சமாக 5 ஆண்டுகள் வரை திருப்பிச் செலுத்தும் வகையில் இந்த திட்டங்களை வாடிக்கையாளர்கள் தேர்வு செய்து கொள்ள முடியும்.

இணையதளத்தில் வெளியிடப்பட்டு இருக்கும் தகவல்களின்படி, 346 சிசி மோட்டார்சைக்கிள் மாடல்களுக்கு 8.75 % முதல் 9.18 % வரையிலும், 499சிசி மாடல்களுக்கு 6.63 % முதல் 6.85 % வரையிலான வட்டி விகிதத்திலும் கடன் திட்டம் வழங்கப்படுகிறது.

இரண்டு ஆண்டுகள் மாதத் தவணை திட்டத்தை தேர்ந்தெடுப்பவர்களுக்கு மிகக் குறைந்த வட்டிவிகிதத்தில் கடன் உதவி திட்டத்தை பெற முடியும். வட்டி விகிதத்தின்படி, 499 சிசி மோட்டார்சைக்கிள்களை வாங்குவோரை ஊக்குவிக்கும் விதத்தில், மிக குறைவான வட்டி விகிதங்கள் வழங்கப்படுகின்றன.

ரூ1. லட்சத்திற்கு கடன் பெற்று இரண்டு ஆண்டுகளுக்கு மாதத் தவணை செலுத்தும்போது, மாதத்திற்கு ரூ 4,900 செலுத்த வேண்டி இருக்கும்.
மேலும் விவரஙக்ளுக்கு https://royalenfield.com/finance/ என்ற இணையதளத்தில் சென்று பாத்துக்கொள்ளுங்கள்.