ஹோண்டா நிறுவனத்தின் WR-V காரின் முன்பதிவு துவக்கம்!

ஹோண்டா நிறுவனம், பெரும் எதிர்பார்ப்புக்கு இடையே அதன் புதிய தயாரிப்பான டபிள்யு ஆர் வி ரகக் காரினை வரும் 16ம் தேதி அறிமுகம் செய்ய உள்ளது.

இந்திய சந்தையில் அறிமுகம் செய்யப்பட உள்ள இந்த கார், காம்பேக்ட் மற்றும் எஸ்யூவி வடிவமைப்பின் கலப்பாக இருக்கும் என ஹோண்டா தெரிவித்துள்ளது.

மாருதி சுசூகியின் விதரா பிரஸ்ஸா, ஃபோர்ட் எக்கோ ஸ்போர்ட் போன்ற கார்களுக்கு இது போட்டியாக இருக்கும் என்றும் கூறப்பட்டுள்ளது. 16ம் தேதி அறிமுகம் செய்யப்பட உள்ள இந்த காருக்கான முன்பதிவு இன்று முதல் தொடங்கியுள்ளது.

இதற்கான டோக்கன் தொகை ரூ.21,000 ஆக நிர்ணயிக்கப்பட்டுள்ளது. மொத்த விலை ரூ.7 லட்சம் தொடங்கி, ரூ.10 லட்சம் வரை இருக்கும் என எதிர்பார்க்கப்படுகிறது.

நாடு முழுவதும் உள்ள கார் விற்பனை மையங்களில் இந்த முன்பதிவு நடைபெறும் என்றும் கூறப்பட்டுள்ளது. அனைத்து நவீன அம்சங்களும் பொருந்தியதாக தயாரிக்கப்பட்டுள்ள டபிள்யுஆர் வி ரகக் கார், பல தரப்பினரும் விரும்பக்கூடியதாக இருக்கும் எனவும் ஹோண்டா குறிப்பிட்டுள்ளது.

Honda WR-V, the much anticipated subcompact SUV from the Japanese carmaker will finally go on sale in India on the 16th of March 2017.