4 பேரின் உயிரை குடித்த கார் டயர் வெடிப்பு சம்பவம்; மீண்டும் நடக்காமல் தடுக்க இதைச் செய்யுங்க!

ஐதராபாத்: கார் டயர் வெடித்ததில் ஒரே குடும்பத்தைச் சேர்ந்த 4 பேர் பலியாகினர்.

தெலுங்கானா மாநிலம் நிஜாமாபாத் அருகே திருமண நிகழ்ச்சியில் கலந்து கொண்டு, ஒரு குடும்பத்தினர் வீடு திரும்பிக் கொண்டிருந்தனர். அவர்கள் பயணித்த ஃபோர்டு ஈக்கோஸ்போர்ட் காரின் முன்பக்க டயர் திடீரென வெடித்தது.

இதனால் கட்டுப்பாட்டை இழந்த கார், எதிர் திசையில் வந்த டிரக் மீது மோதியது. அதில் 4 பேர் உயிரிழந்தனர். இதுபோன்ற சம்பவங்கள் நடைபெறாமல் இருக்க கடைபிடிக்க வேண்டியவை குறித்து இனி காணலாம்.
டயர் வெடிக்க காரணம்

* அதிக வெப்பத்தால் டயர்களின் உள்ளே இருக்கும் காற்று விரிவடையும். இதனால் காற்றழுத்தம் அதிகரித்து டயர் வெடிப்பு நிகழ்கின்றன.

தடுக்கும் முறைகள்

* கோடை காலத்தில் அதிகாலை (அ) மாலை வேளைகளில் பயணிப்பது நல்லது.

* நீண்ட தூர பயணமாக இருந்தால் 2 மணி நேரத்திற்கு ஒருமுறை 15 நிமிட ஓய்வு அவசியம்.

* கோடை காலத்தில் அதிவேகமாக கார் ஓட்டுவது டயர் வெடிப்புக்கு காரணம்.

* அதிவேகமாக செல்லும் போது டயர்களில் உராய்வு அதிகரித்து, வெப்பம் வெகுவாக அதிகரிக்கும்.

* கோடை காலங்களில் டயர்களின் காற்றழுத்தத்தை அடிக்கடி பரிசோதிக்கவும்.

* கார் டயர்களில் பிரச்சனை (அ) சேதம் இருந்தால் உடனே மாற்றிவிடுங்கள்.

* கார்களில் அதிகம் பயணிகள் (அ) பாரம் ஏற்றக் கூடாது.

* டயர்களில் நைட்ரஜன் வாயு நிரப்பினால், டயர் காற்று அதிக வெப்பமாவது தவிர்க்கப்படும்.

* கார் ஓட்டும் போது டயரிலிருந்து ஏதேனும் சத்தம், ஸ்டீயரிங் வீலில் மாற்றங்கள் தெரிந்தால் உடனே நிறுத்தி பரிசோதிக்கவும்.

How can avoid tyre burst, when travelling in the road.