பிரம்மாண்ட மகிந்திரா மாரஸ்ஸோவில் ஆப்பிள் நிறுவனத்தின் சூப்பர் டெக்னாலஜி!

ஆப்பிள் கார்பிளே மூலம் போன் கால், மியூசிக், சிரி தேடல் ஆகிய வசதிகளை ஐபோன் மூலம் காரின் இன்ஃபோடெயின்-மெண்ட் சிஸ்டத்தில் பெறலாம். இது போன் தொலைபேசி எண்கள், கால் லாக்ஸ் ஆகியவற்றையும் பெற உதவுகிறது.

மாரஸ்ஸோவில் உள்ள இன்ஃபோடெயின்-மெண்ட் சிஸ்டத்தில் ஏற்கனவே ஒருங்கிணைந்த ஸ்டீயரிங் கன்ட்ரோல், ஆண்ட்ராய்டு ஆட்டோ, ஜிபிஎஸ்-நேவிகேஷன், வாய்ஸ் ஆக்டிவேட்டட் செயல்பாடுகள் உள்ளிட்டவை இருக்கின்றன.

இந்த கார் 7 மற்றும் 8 இருக்கைகள் இருக்கும் வகையில் உருவாக்கப்பட்டுள்ளது. உட்புறத்தில் அதிக இடவசதி, சொகுசு அனுபவம், பிரத்யேக மேற்கூரை உருவாக்கம், பின்புற ஏசி வெண்ட்ஸ் ஆகியவை இடம்பெற்றுள்ளன.

வெளிப்புறத்தைப் பொறுத்தவரை சுறாவின் வடிவமைப்பின் அடிப்படையில் மகிந்திரா நிறுவனம் உருவாக்கியுள்ளது. குறிப்பாக முகப்பு விளக்குகள், பிரண்ட் கிரில்லே, டெயில் லாம்ப்ஸ், அல்லாய் வீல், ஆண்டனா ஆகியவை அடங்கும்.

இதில் புத்தம் புதிய 123PS, 1.5 லி டீசல் பவர் டிரன் ஆனது 300 Nm டர்க்யூ திறனை வெளிப்படுத்துகிறது. இதன் எஞ்சின் 6 ஸ்பீட் மானுவல் டிரான்ஸ்மிஷன், 17.3 கி.மீ/லி எரிபொருள் திறனைக் கொண்டுள்ளது.

மேலும் டுவல் ப்ரண்ட் ஏர்பேக்ஸ், ஏபிஎஸ் உடன் இபிடி, பிரேக் அசிஸ்ட், ஐசோபிக்ஸ் சைல்ட் சீட் மவுண்ட் ஆகியவை மாரஸ்ஸோவில் இருக்கின்றன. இதன் விலை ரூ.9.99 லட்சத்தில் இருந்து ரூ.13.90 லட்சம் வரை இருக்கும். இந்த கார் டோயோடா இன்னோவா, மாருதி சுசுகி எர்டிகாவிற்கு போட்டியாக இருக்கும் என்று கூறப்படுகிறது.

Mahindra Marazzo MPV gets Apple CarPlay connectivity feature.