இந்தியாவில் அறிமுகமானது ரெனால்ட் கேப்டூர்!

முன்னணி கார் நிறுவனமான ரெனலாட் நிறுவனத்தின் கேப்டூர் இந்தியாவில் அறிமுகப்படுத்தப்பட்டுள்ளது. இந்தப் புதிய ரெனால்ட் கேப்டூரின் ஆரம்ப விலை ரூ.9.99 லட்சமாகவும் டாப் எண்ட் டீசல் மாடல் ரூ.13.88 லட்சமாகவும் நிர்ணயிக்கப்பட்டுள்ளது.

இது ரெனால்ட்டின் பிரீமியம் மாடல் எஸ்யூவி ஆகும். பிற எஸ்யுவிக்களைப் போல் அல்லாமல் மிகவும் அழகான தோற்றத்தை இது கொண்டுள்ளது. தற்போதைக்கு இது அறிமுக விலையில் விற்கப்படும் எனவும், வெளியீட்டிற்குப் பின் விலை மாற்றப்படலாம் எனவும் எதிர்பார்க்கப்படுகிறது.

இதன் தளம் எஸ்யுவி M10 தளத்தை போல் உருவாக்கப்பட்டுள்ளது. 4329 மில்லிமீட்டர் நீளமாகவும், 1813 மில்லிமீட்டர் அகலமாகவும், 1613 மில்லிமீட்டர் உயரமாக இருக்கிறது. இதன் வீல்பேஸ் 2673 மில்லிமீட்டர் மற்றும் கிரவுண்ட் கிளியரன்ஸ் 210 மில்லிமீட்டராக உள்ளது.

இதன் இருபுறங்களிலும் உறுதியான வெய்ஸ்ட்லைன் மற்றும் உயர்த்தப்பட்ட ஸ்டான்ஸ் கொடுக்கப்பட்டுள்ளது. இதன் பின்புறத்தில் எல்இடி டெயில் லேம்ப் மற்றும் சேடின் ஃபினிஷ் செய்யப்பட்ட ஸ்கிட் பிளேட் மற்றும் கிலீன் டெயில்கேட் வடிவமைப்பு வழங்கப்பட்டுள்ளது.

மேலும் இதில் டச் ஸ்கிரீன் இன்ஃபோடெயின்மென்ட் சிஸ்டம் மற்றும் ஆட்டோமேடிக் கிளைமேட் கண்ட்ரோல் உள்ளது. அதுமட்டுமில்லாமல் பாதுகாப்பு ABS, EBD பிரேக் அசிஸ்ட், ஹில் ஸ்டார்ட் அசிஸ்ட் உள்ளிட்ட பாதுகாப்பு அம்சங்கள் வழங்கப்பட்டுள்ளன.

New Renault Captur has been released in India