ரூ. 1.12 கோடியில் டுகாட்டி பைக் வாங்கிய முதல் இந்தியர்!!

விலை உயர்ந்த சூப்பர்பைக்கான டுகாட்டி சூப்பர்லெகெரா 1299 மாடல் பைக்கை முதல் இந்தியராக ஓபேராய் குழும ஓட்டல்களின் தலைமை நிர்வாகிகளில் ஒருவரான விக்ரம் ஒபராய் வாங்கியுள்ளார்.

உலகம் முழுக்க குறைந்த எண்ணிக்கையில் விற்பனைக்கு வந்த இந்த பைக்கை இந்தியாவில் விக்ரம் ஒபேராய் வாங்கியுள்ளார். இவர் ஏற்கனவே விலையுயர்ந்த டுகாட்டி 1299 பேனிகேல் எஸ், டுகாட்டி 916 மற்றும் டுகாட்டி 1098 மாடல்களை வைத்துள்ளார்.

நாட்டின் விலை உயர்ந்த சூப்பர்பைக்கை டுகாட்டி இந்தியா தலைமை நிர்வாகி ரவி அவலுர் ஒபேராயிடம் ஒப்படைத்தார். டுகாட்டி 1299 சூப்பர்லெகெரா 215 Bhp திறனில் சுமார் 156 கிலோ எடையில், இதுவரை தயாரிக்கப்பட்டதில் அதிக திறன் கொண்ட இரட்டை சிலிண்டரை கொண்டுள்ளது. முந்தைய மாடல்களில் வழங்கப்பட்ட இன்ஜின் பிரேக் கண்ட்ரோல் வசதி இந்த மாடலிலும் வழங்கப்பட்டுள்ளது.

இதுகுறித்து விகேக் கூறுகையில், ''உலகில் மிகச் சிறந்த பைக்கிகளை உருவாக்கி வரும் டுகாட்டியின் இந்திய வாடிக்கையாளராக நான் இருப்பதில் பெருமையடைகிறேன். ரேஸ் பைக் என்றால் இந்த பைக்கிற்கு இணை வேறு எதுவும் இல்லை'' என்றார்.

சர்வதேச சந்தையில் மொத்தம் 500 யூனிட்கள் மட்டுமே தயாரிக்கப்பட்ட நிலையில் அனைத்து யூனிட்களும் ஏற்கனவே விற்றுத் தீர்ந்துவிட்டன என்பது குறிப்பிடத்தக்கது.

Vikram also owns a Ducati 1299 Panigale S, a Ducati 916 and a Ducati 1098.